Income Tax Return Filing: ਵਿੱਤੀ ਸਾਲ 2021-2022 (Financial Year 2021-2022) ਅਤੇ ਮੁਲਾਂਕਣ ਸਾਲ 2022-2023 (Assessment Year 2022-2023) ਲਈ ਇਨਕਮ ਟੈਕਸ ਵਿਭਾਗ (Income Tax Department) ਨੇ ਆਈਟੀਆਰ ਫਾਈਲ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਤੁਸੀਂ ਵਿੱਤੀ ਸਾਲ 2021-2022 ਲਈ ਇਨਕਮ ਟੈਕਸ ਰਿਟਰਨ ਜਲਦੀ ਤੋਂ ਜਲਦੀ ਫਾਈਲ ਕਰ ਸਕਦੇ ਹੋ। ITR ਫਾਈਲ ਕਰਨ ਦੀ ਆਖਰੀ ਮਿਤੀ 31 ਜੁਲਾਈ 2022 ਹੈ।
ਕਈ ਵਾਰ ਲੋਕ ਸਮੇਂ ਸਿਰ ITR ਫਾਈਲ ਨਹੀਂ ਕਰਦੇ ਹਨ ਅਤੇ ਇਹ ਕੰਮ ਆਖਰੀ ਮਿਤੀ 'ਤੇ ਕਰਦੇ ਹਨ। ਅਜਿਹੇ 'ਚ ਕਈ ਵਾਰ ਸਮਾਂ ਘੱਟ ਹੋਣ ਕਾਰਨ ਉਹ ਕੁਝ ਗਲਤੀਆਂ ਕਰ ਲੈਂਦੇ ਹਨ। ਅਜਿਹੇ 'ਚ ਕੋਸ਼ਿਸ਼ ਕਰੋ ਕਿ ਜੇਕਰ ਤੁਸੀਂ ਅਜੇ ਤੱਕ ITR ਫਾਈਲ ਨਹੀਂ ਕੀਤੀ ਹੈ ਤਾਂ ਜਲਦੀ ਤੋਂ ਜਲਦੀ ਇਹ ਕੰਮ ਕਰੋ। ITR ਫਾਈਲ ਕਰਨ 'ਤੇ ਤੁਹਾਨੂੰ ਜਲਦੀ ਹੀ ਤੁਹਾਡਾ ਰਿਫੰਡ (ITR ਰਿਫੰਡ) ਮਿਲ ਜਾਵੇਗਾ। ਇਸ ਦੇ ਨਾਲ ਹੀ ਜੇਕਰ ਵੱਖ-ਵੱਖ ਸੈਕਸ਼ਨਾਂ 'ਚ ਕੁਝ ਵਾਧੂ ਵਿਆਜ ਮਿਲਣਾ ਹੈ ਤਾਂ ਉਹ ਵੀ ਜਲਦ ਤੋਂ ਜਲਦ ਮਿਲੇਗਾ। ਜਾਣੋ ਕੀ ਹਨ ITR ਜਲਦੀ ਭਰਨ ਦੇ ਫਾਇਦੇ -
1. ਜਲਦੀ ਮਿਲੇਗਾ ਰਿਫੰਡ
ਬਹੁਤ ਸਾਰੇ ਮਾਹਰਾਂ ਦਾ ਮੰਨਣਾ ਹੈ ਕਿ ਟੈਕਸਦਾਤਾਵਾਂ ਨੂੰ ਜਿੰਨੀ ਜਲਦੀ ਹੋ ਸਕੇ ITR ਫਾਈਲ ਕਰਨਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਤੁਹਾਨੂੰ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ। ਇਸ ਦੇ ਨਾਲ ਜੇਕਰ ਤੁਹਾਡਾ ਟੀਡੀਐਸ ਜ਼ਿਆਦਾ ਕੱਟਿਆ ਜਾਂਦਾ ਹੈ ਤਾਂ ਤੁਹਾਨੂੰ ਜਲਦੀ ਤੋਂ ਜਲਦੀ ਇਸਦਾ ਰਿਫੰਡ ਮਿਲ ਜਾਵੇਗਾ।
2. ਦੇਰੀ ਨਾਲ ਆਈਟੀਆਰ ਭਰਨ ਕਾਰਨ ਭਰਨਾ ਪੈਂਦਾ ਹੈ ਜੁਰਮਾਨਾ
ਕਈ ਵਾਰ ਲੋਕ ਸਮੇਂ ਸਿਰ ਰਿਫੰਡ ਲਈ ਫਾਈਲ ਨਹੀਂ ਕਰਦੇ ਅਤੇ ਇਸ ਕਾਰਨ ਉਨ੍ਹਾਂ ਨੂੰ ਧਾਰਾ-234 ਏ, ਬੀ ਅਤੇ ਸੀ ਅਤੇ ਲੇਟ ਫਾਈਲਿੰਗ ਫੀਸ ਦਾ ਜੁਰਮਾਨਾ ਵੀ ਦੇਣਾ ਪੈਂਦਾ ਹੈ। ਇਸ ਦੇ ਨਾਲ ਤੁਹਾਨੂੰ ITR ਫਾਈਲ ਕਰਨ ਦੀ ਆਖਰੀ ਮਿਤੀ ਤੋਂ ਬਾਅਦ ਜੋ ਟੈਕਸ ਜਮ੍ਹਾ ਕਰਨਾ ਹੁੰਦਾ ਹੈ, ਉਸ 'ਤੇ ਪ੍ਰਤੀ ਮਹੀਨਾ 1 ਫ਼ੀਸਦੀ ਵਿਆਜ ਦਾ ਜੁਰਮਾਨਾ ਵੀ ਦੇਣਾ ਪੈਂਦਾ ਹੈ।
3. ਹੋਰ ਕਿਸਮ ਦੀਆਂ ਸਮੱਸਿਆਵਾਂ ਦਾ ਕਰਨਾ ਪੈ ਸਕਦਾ ਹੈ ਸਾਹਮਣਾ
ਇਹ ਕਈ ਵਾਰ ਦੇਖਿਆ ਗਿਆ ਹੈ ਕਿ ਆਈਟੀਆਰ ਫਾਈਲ ਕਰਨ ਦੇ ਆਖਰੀ ਮਿੰਟ ਕਾਰਨ ਇਨਕਮ ਟੈਕਸ ਸਾਈਟ ਕੈਸ਼ ਹੋ ਜਾਂਦੀ ਹੈ। ਇਸ ਕਾਰਨ ਲੋਕਾਂ 'ਚ ਘਬਰਾਹਟ ਹੋਣ ਲੱਗੀ ਹੈ। ਅਜਿਹੀ ਸਥਿਤੀ 'ਚ ਤੁਹਾਨੂੰ ਸਮੇਂ ਸਿਰ ਇਨਕਮ ਟੈਕਸ ਰਿਟਰਨ ਭਰਨੀ ਚਾਹੀਦੀ ਹੈ। ਤੁਸੀਂ ਬਾਅਦ 'ਚ ਹੋਣ ਵਾਲੀਆਂ ਪ੍ਰੇਸ਼ਾਨੀਆਂ ਤੋਂ ਬਚ ਸਕਦੇ ਹੋ।