Post Office Scheme: ਭਾਰਤੀ ਡਾਕਘਰ (Post Office Schemes) ਕਈ ਤਰ੍ਹਾਂ ਦੀਆਂ ਬਚਤ ਯੋਜਨਾਵਾਂ ਚਲਾਉਂਦਾ ਹੈ। ਕਰੋੜਾਂ ਲੋਕ ਡਾਕਘਰ ਦੀਆਂ ਸਕੀਮਾਂ ਵਿੱਚ ਨਿਵੇਸ਼ ਕਰਕੇ ਚੰਗਾ ਰਿਟਰਨ ਪ੍ਰਾਪਤ ਕਰ ਰਹੇ ਹਨ। ਇਸ ਲਈ ਲੋਕ ਡਾਕਖਾਨੇ ਦੀ ਸਕੀਮ ਵਿੱਚ ਪੈਸਾ ਨਿਵੇਸ਼ ਕਰਦੇ ਹਨ। ਡਾਕਖਾਨੇ ਵਿੱਚ ਪੈਸਾ ਨਿਵੇਸ਼ ਕਰਨਾ ਜੋਖਮ ਮੁਕਤ (risk free) ਮੰਨਿਆ ਜਾਂਦਾ ਹੈ। ਲੋਕ ਸੁਰੱਖਿਅਤ ਅਤੇ ਬਿਹਤਰ ਰਿਟਰਨ ਵਾਲੀਆਂ ਸਕੀਮਾਂ ਵਿੱਚ ਆਪਣਾ ਪੈਸਾ ਨਿਵੇਸ਼ ਕਰਨਾ ਚਾਹੁੰਦੇ ਹਨ। ਅਜਿਹੀ ਹੀ ਇੱਕ ਡਾਕਘਰ ਯੋਜਨਾ ਗ੍ਰਾਮ ਸੁਰੱਖਿਆ ਯੋਜਨਾ (Gram Suraksha Yojana) ਹੈ। ਇਸ ਸਕੀਮ ਲਈ ਤੁਸੀਂ ਹਰ ਰੋਜ਼ ਸਿਰਫ਼ 50 ਰੁਪਏ ਦੀ ਬਚਤ ਕਰਕੇ 35 ਲੱਖ ਰੁਪਏ ਦਾ ਰਿਟਰਨ ਪ੍ਰਾਪਤ ਕਰ ਸਕਦੇ ਹੋ।
ਕੌਣ ਨਿਵੇਸ਼ ਕਰ ਸਕਦਾ?
ਗ੍ਰਾਮ ਸੁਰੱਖਿਆ ਯੋਜਨਾ ਗ੍ਰਾਮੀਣ ਡਾਕ ਜੀਵਨ ਬੀਮਾ ਯੋਜਨਾਵਾਂ ਪ੍ਰੋਗਰਾਮ (Rural Postal Life Insurance Schemes Program) ਦਾ ਇੱਕ ਹਿੱਸਾ ਹੈ। ਇਹ ਬੀਮਾ ਪਾਲਿਸੀ ਦੇਸ਼ ਦੇ ਪੇਂਡੂ ਲੋਕਾਂ ਲਈ ਸਾਲ 1995 ਵਿੱਚ ਸ਼ੁਰੂ ਕੀਤੀ ਗਈ ਸੀ। 19 ਸਾਲ ਤੋਂ 55 ਸਾਲ ਤੱਕ ਦੇ ਵਿਅਕਤੀ ਗ੍ਰਾਮ ਸੁਰੱਖਿਆ ਯੋਜਨਾ ਵਿੱਚ ਨਿਵੇਸ਼ ਕਰ ਸਕਦੇ ਹਨ।
ਇਸ ਸਕੀਮ ਵਿੱਚ 10,000 ਰੁਪਏ ਤੋਂ 10 ਲੱਖ ਰੁਪਏ ਤੱਕ ਦਾ ਨਿਵੇਸ਼ ਕੀਤਾ ਜਾ ਸਕਦਾ ਹੈ। ਪ੍ਰੀਮੀਅਮ ਦਾ ਭੁਗਤਾਨ ਕਰਨ ਲਈ ਬਹੁਤ ਸਾਰੇ ਵਿਕਲਪ ਉਪਲਬਧ ਹਨ। ਤੁਸੀਂ ਮਹੀਨਾਵਾਰ, ਤਿਮਾਹੀ, ਛਿਮਾਹੀ ਅਤੇ ਸਾਲਾਨਾ ਆਧਾਰ 'ਤੇ ਪ੍ਰੀਮੀਅਮ ਦਾ ਭੁਗਤਾਨ ਕਰ ਸਕਦੇ ਹੋ।
ਇੰਜ ਹੋਵੇਗੀ ਕਮਾਈ
ਗ੍ਰਾਮ ਸੁਰੱਖਿਆ ਯੋਜਨਾ ਬਾਰੇ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਜੇਕਰ ਕੋਈ ਵਿਅਕਤੀ ਇਸ ਯੋਜਨਾ 'ਚ ਹਰ ਮਹੀਨੇ 1,515 ਰੁਪਏ ਭਾਵ ਸਿਰਫ 50 ਰੁਪਏ ਪ੍ਰਤੀ ਦਿਨ ਨਿਵੇਸ਼ ਕਰਦਾ ਹੈ ਤਾਂ ਉਸ ਨੂੰ 35 ਲੱਖ ਰੁਪਏ ਤੱਕ ਦਾ ਰਿਟਰਨ ਮਿਲ ਸਕਦਾ ਹੈ। ਜੇਕਰ ਤੁਸੀਂ 19 ਸਾਲ ਦੀ ਉਮਰ ਵਿੱਚ ਗ੍ਰਾਮ ਸੁਰੱਖਿਆ ਯੋਜਨਾ ਖਰੀਦਦੇ ਹੋ, ਤਾਂ 55 ਸਾਲ ਤੱਕ ਤੁਹਾਨੂੰ 1,515 ਰੁਪਏ ਦਾ ਪ੍ਰੀਮੀਅਮ ਅਦਾ ਕਰਨਾ ਹੋਵੇਗਾ।
ਇੰਦ ਮਿਲਣਗੇ 35 ਲੱਖ
ਜੇਕਰ ਤੁਸੀਂ ਇਸ ਸਕੀਮ ਨੂੰ 58 ਸਾਲ ਦੀ ਉਮਰ ਤੱਕ ਲੈਂਦੇ ਹੋ ਤਾਂ ਤੁਹਾਨੂੰ ਹਰ ਮਹੀਨੇ 1463 ਰੁਪਏ ਅਤੇ 60 ਸਾਲ ਤੱਕ ਹਰ ਮਹੀਨੇ 1411 ਰੁਪਏ ਦੇਣੇ ਹੋਣਗੇ। ਜੇਕਰ ਪ੍ਰੀਮੀਅਮ ਅਦਾ ਕਰਵਾ ਭੁੱਲ ਜਾਂਦੇ ਹੋ, ਤਾਂ ਤੁਸੀਂ ਇਸਨੂੰ 30 ਦਿਨਾਂ ਦੇ ਅੰਦਰ ਜਮ੍ਹਾ ਕਰ ਸਕਦੇ ਹੋ। ਜੇਕਰ ਤੁਸੀਂ ਇਸ ਸਕੀਮ ਦੇ ਰਿਟਰਨ 'ਤੇ ਨਜ਼ਰ ਮਾਰਦੇ ਹੋ, ਤਾਂ ਨਿਵੇਸ਼ਕ ਨੂੰ 55 ਸਾਲ ਦੇ ਨਿਵੇਸ਼ 'ਤੇ 31.60 ਲੱਖ ਰੁਪਏ, 58 ਸਾਲਾਂ 'ਤੇ 33.40 ਲੱਖ ਰੁਪਏ ਅਤੇ 60 ਸਾਲਾਂ ਦੇ ਨਿਵੇਸ਼ 'ਤੇ 34.60 ਲੱਖ ਰੁਪਏ ਦਾ ਪਰਿਪੱਕਤਾ ਲਾਭ ਮਿਲੇਗਾ।
ਕੀ ਖਾਸ ਹੈ?
ਗ੍ਰਾਮ ਸੁਰੱਖਿਆ ਯੋਜਨਾ ਤਹਿਤ ਇਹ ਰਾਸ਼ੀ 80 ਸਾਲ ਦੀ ਉਮਰ ਪੂਰੀ ਹੋਣ 'ਤੇ ਵਿਅਕਤੀ ਨੂੰ ਦਿੱਤੀ ਜਾਂਦੀ ਹੈ। ਜੇਕਰ ਵਿਅਕਤੀ ਦੀ ਮੌਤ ਹੋ ਗਈ ਹੈ ਤਾਂ ਇਹ ਰਕਮ ਵਿਅਕਤੀ ਦੇ ਕਾਨੂੰਨੀ ਵਾਰਸ ਨੂੰ ਜਾਂਦੀ ਹੈ। ਗ੍ਰਾਹਕ ਖਰੀਦ ਦੇ 3 ਸਾਲ ਬਾਅਦ ਗ੍ਰਾਮ ਸੁਰੱਖਿਆ ਯੋਜਨਾ ਨੂੰ ਸਰੰਡਰ ਕਰ ਸਕਦਾ ਹੈ। ਹਾਲਾਂਕਿ, ਉਸ ਸਥਿਤੀ ਵਿੱਚ ਇਸ ਨਾਲ ਕੋਈ ਲਾਭ ਨਹੀਂ ਮਿਲਦਾ। ਪਾਲਿਸੀ ਦੀ ਸਭ ਤੋਂ ਵੱਡੀ ਖਾਸੀਅਤ ਇੰਡੀਆ ਪੋਸਟ ਦੁਆਰਾ ਦਿੱਤਾ ਜਾਂਦਾ ਬੋਨਸ ਹੈ ਅਤੇ ਅੰਤਿਮ ਘੋਸ਼ਿਤ ਬੋਨਸ ਹਰ 1,000 ਰੁਪਏ ਲਈ 60 ਰੁਪਏ ਸਾਲਾਨਾ ਹੈ।