Stock Market Closing On 12 March 2024: ਮੰਗਲਵਾਰ ਦਾ ਵਪਾਰਕ ਸੈਸ਼ਨ ਭਾਰਤੀ ਸ਼ੇਅਰ ਬਾਜ਼ਾਰ ਲਈ ਬਹੁਤ ਨਿਰਾਸ਼ਾਜਨਕ ਸਾਬਤ ਹੋਇਆ। ਸੇਬੀ ਚੀਫ ਦੇ ਬਿਆਨ ਤੋਂ ਬਾਅਦ ਅੱਜ ਦੇ ਸੈਸ਼ਨ 'ਚ ਮਿਡਕੈਪ ਤੇ ਸਮਾਲਕੈਪ ਸ਼ੇਅਰਾਂ 'ਚ ਜ਼ਬਰਦਸਤ ਬਿਕਵਾਲੀ ਦੇਖਣ ਨੂੰ ਮਿਲੀ। ਸਰਕਾਰੀ ਬੈਂਕਾਂ ਤੇ ਸਰਕਾਰੀ PSU ਸ਼ੇਅਰਾਂ 'ਚ ਮਜ਼ਬੂਤ ਮੁਨਾਫਾ ਬੁਕਿੰਗ ਹੋਈ, ਜਿਸ ਕਾਰਨ ਬਾਜ਼ਾਰ ਦਾ ਮੂਡ ਵਿਗੜ ਗਿਆ।
ਅੱਜ ਦੇ ਕਾਰੋਬਾਰ ਦੇ ਅੰਤ 'ਚ ਸੈਂਸੈਕਸ 165 ਅੰਕਾਂ ਦੇ ਉਛਾਲ ਨਾਲ 73,667 'ਤੇ ਬੰਦ ਹੋਇਆ। ਜਦੋਂਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਸਿਰਫ 3 ਅੰਕਾਂ ਦੇ ਵਾਧੇ ਨਾਲ 22,335 ਅੰਕਾਂ 'ਤੇ ਬੰਦ ਹੋਇਆ।
ਮਾਰਕੀਟ ਮੁੱਲ ਵਿੱਚ ਗਿਰਾਵਟ
ਭਾਰਤੀ ਸ਼ੇਅਰ ਬਾਜ਼ਾਰ ਦੇ ਦੋਵੇਂ ਪ੍ਰਮੁੱਖ ਸੂਚਕਾਂਕ ਸੈਂਸੈਕਸ ਤੇ ਨਿਫਟੀ ਹਰੇ ਨਿਸ਼ਾਨ 'ਤੇ ਬੰਦ ਹੋਏ ਪਰ ਮਿਡਕੈਪ ਤੇ ਸਮਾਲਕੈਪ ਸੈਕਟਰ ਦੇ ਸ਼ੇਅਰਾਂ ਵਿੱਚ ਭਾਰੀ ਗਿਰਾਵਟ ਕਾਰਨ, ਬੀਐਸਈ ਉੱਤੇ ਸੂਚੀਬੱਧ ਸਟਾਕਾਂ ਦੇ ਮਾਰਕੀਟ ਪੂੰਜੀਕਰਣ ਵਿੱਚ ਵੱਡੀ ਗਿਰਾਵਟ ਆਈ।
ਬੀ.ਐਸ.ਈ. 'ਤੇ ਸੂਚੀਬੱਧ ਸਟਾਕਾਂ ਦਾ ਬਾਜ਼ਾਰ ਮੁੱਲ ਘਟ ਕੇ 385.57 ਲੱਖ ਕਰੋੜ ਰੁਪਏ ਰਹਿ ਗਿਆ ਜੋ ਪਿਛਲੇ ਸੈਸ਼ਨ 'ਚ 389.60 ਲੱਖ ਕਰੋੜ ਰੁਪਏ ਸੀ। ਭਾਵ ਅੱਜ ਦੇ ਸੈਸ਼ਨ 'ਚ ਨਿਵੇਸ਼ਕਾਂ ਨੂੰ 4.03 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ।
ਅੱਜ ਦੇ ਕਾਰੋਬਾਰ 'ਚ ਮਿਡਕੈਪ ਤੇ ਸਮਾਲਕੈਪ ਸ਼ੇਅਰਾਂ ਨੂੰ ਗਿਰਾਵਟ ਦਾ ਸਭ ਤੋਂ ਜ਼ਿਆਦਾ ਝਟਕਾ ਲੱਗਾ। ਨਿਫਟੀ ਦਾ ਮਿਡਕੈਪ ਇੰਡੈਕਸ 687 ਅੰਕ ਜਾਂ 1.41 ਫੀਸਦੀ ਦੀ ਗਿਰਾਵਟ ਨਾਲ ਬੰਦ ਹੋਇਆ। ਸਮਾਲ ਕੈਪ ਇੰਡੈਕਸ 305 ਅੰਕਾਂ ਦੀ ਗਿਰਾਵਟ ਨਾਲ ਬੰਦ ਹੋਇਆ ਜਦਕਿ ਨਿਫਟੀ ਨੈਕਸਟ 50,933 ਅੰਕ ਦੀ ਗਿਰਾਵਟ ਨਾਲ ਬੰਦ ਹੋਇਆ। ਸੈਕਟਰਾਂ 'ਚ ਐਫ.ਐਮ.ਸੀ.ਜੀ., ਬੈਂਕਿੰਗ, ਆਟੋ, ਫਾਰਮਾ, ਧਾਤੂ, ਰੀਅਲ ਅਸਟੇਟ, ਊਰਜਾ, ਕੰਜ਼ਿਊਮਰ ਡਿਊਰੇਬਲਸ, ਹੈਲਥਕੇਅਰ ਸਟਾਕ ਘਾਟੇ ਨਾਲ ਬੰਦ ਹੋਏ।
ਇਹ ਵੀ ਪੜ੍ਹੋ: Viral Video: ਰੋਮਾਂਟਿਕ ਮੂਡ 'ਚ ਸੀ ਘੋੜਾ, ਮਾਸਕ ਉਤਰਦੇ ਹੀ ਲੱਗਾ 440 ਵੋਲਟ ਦਾ ਝਟਕਾ, ਵੀਡੀਓ ਦੇਖ ਆ ਜਾਵੇਗਾ ਹਾਸਾ
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਤੇ ਡੇਲੀਹੰਟ 'ਤੇ ਵੀ ਫੌਲੋ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ: Viral Video: ਮਾਲਕ ਦਾ ਹੋਇਆ ਐਕਸੀਡੇਂਟ ਤਾਂ ਪਾਲਤੂ ਕੁੱਤੇ ਨੇ ਦਿਖਾਈ ਅਜਿਹੀ ਵਫ਼ਾਦਾਰੀ, ਲੋਕਾਂ ਨੇ ਖੂਬ ਕੀਤੀ ਤਾਰੀਫ