Zomato Q1 Report: ਆਨਲਾਈਨ ਫੂਡ ਡਿਲੀਵਰੀ ਪਲੇਟਫਾਰਮ ਜ਼ੋਮੈਟੋ ਦੀ ਪਹਿਲੀ ਤਿਮਾਹੀ ਦਾ ਨੁਕਸਾਨ ਵਧ ਕੇ 359 ਕਰੋੜ ਰੁਪਏ ਹੋ ਗਿਆ ਹੈ। ਮੰਗਲਵਾਰ ਨੂੰ ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕੰਪਨੀ ਨੇ ਕਿਹਾ ਕਿ ਪਿਛਲੇ ਵਿੱਤੀ ਸਾਲ ਦੇ ਦੌਰਾਨ ਇਸ ਮਿਆਦ ਵਿੱਚ ਉਸ ਨੂੰ 99.8 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਸੀ। ਜ਼ੋਮੈਟੋ ਦੇ ਅਨੁਸਾਰ, ਇਹ ਨੁਕਸਾਨ ਕਮਾਈ ਦੇ ਮੁਕਾਬਲੇ ਖਰਚਿਆਂ ਵਿੱਚ ਵਾਧੇ ਦੇ ਕਾਰਨ ਹੋਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜ਼ੋਮੈਟੋ ਨੇ ਪਿਛਲੇ ਮਹੀਨੇ ਹੀ ਸ਼ੇਅਰ ਬਾਜ਼ਾਰ ਵਿੱਚ ਆਪਣਾ ਆਈਪੀਓ ਲਾਂਚ ਕੀਤਾ ਸੀ।
ਜ਼ੋਮੈਟੋ ਕੰਪਨੀ ਦੇ ਅਨੁਸਾਰ Employee Stock Ownership Plan (ESOP 2021) ਯੋਜਨਾ ਬਣਾਉਣ ਤੋਂ ਬਾਅਦ, ਇਸ ਤਿਮਾਹੀ ਵਿੱਚ ਇਸਦੇ ਲਈ ਬਹੁਤ ਸਾਰਾ ਫੰਡ ਜਾਰੀ ਕੀਤਾ ਗਿਆ ਹੈ। ਈਐਸਓਪੀ 'ਤੇ ਇਸ ਖਰਚੇ ਦੇ ਕਾਰਨ, ਕੰਪਨੀ ਨੂੰ ਜੂਨ ਤਿਮਾਹੀ ਵਿੱਚ ਇਹ ਘਾਟਾ ਪਿਆ ਹੈ।
ਜ਼ੋਮੈਟੋ ਵੱਲੋਂ ਜਾਰੀ ਬਿਆਨ ਅਨੁਸਾਰ, "ਇਸ ਤਿਮਾਹੀ ਦੌਰਾਨ ਮਾਲੀਆ 844.4 ਕਰੋੜ ਰੁਪਏ ਸੀ। ਪਿਛਲੇ ਸਾਲ ਦੀ ਇਸੇ ਮਿਆਦ ਵਿੱਚ ਇਹ 266 ਕਰੋੜ ਰੁਪਏ ਸੀ। ਹਾਲਾਂਕਿ, ਇਸ ਤਿਮਾਹੀ ਵਿੱਚ ਕੰਪਨੀ ਦੇ ਖਰਚੇ ਵਧ ਕੇ 1,259.7 ਕਰੋੜ ਰੁਪਏ ਹੋ ਗਏ। ਜਦਕਿ ਜੂਨ ਤਿਮਾਹੀ ਵਿੱਚ ਪਿਛਲੇ ਸਾਲ ਇਹ 383.3 ਕਰੋੜ ਰੁਪਏ ਸੀ।
ਜ਼ੋਮੈਟੋ ਦੇ ਸੰਸਥਾਪਕ ਅਤੇ ਸੀਈਓ ਦੀਪੇਂਦਰ ਗੋਇਲ ਦੇ ਅਨੁਸਾਰ, ਕੰਪਨੀ ਦੇ ਚੋਟੀ ਦੇ 20 ਪ੍ਰਤੀਸ਼ਤ ਡਿਲਿਵਰੀ ਪਾਰਟਨਰ ਜੋ ਸਾਈਕਲ ਚਲਾਉਂਦੇ ਹਨ ਅਤੇ ਹਫ਼ਤੇ ਵਿੱਚ 40 ਘੰਟੇ ਤੋਂ ਵੱਧ ਕੰਮ ਕਰਦੇ ਹਨ, ਨੂੰ ਔਸਤਨ 27,000 ਰੁਪਏ ਪ੍ਰਤੀ ਮਹੀਨਾ ਤੋਂ ਵੱਧ ਤਨਖਾਹ ਮਿਲਦੀ ਹੈ। ਜੁਲਾਈ ਤੱਕ, ਕੰਪਨੀ ਦੇ 3.1 ਐਕਟਿਵ ਡਿਲਿਵਰੀ ਪਾਰਟਨਰ ਹਨ।
ਦੀਪੇਂਦਰ ਗੋਇਲ ਅਤੇ ਜ਼ੋਮੈਟੋ ਦੇ ਸੀਐਫਓ ਅਕਸ਼ਤ ਗੋਇਲ ਨੇ ਇੱਕ ਪੱਤਰ ਵਿੱਚ ਕਿਹਾ, "ਅਸੀਂ ਆਪਣੇ ਡਿਲੀਵਰੀ ਪਾਰਟਨਰਾਂ ਨੂੰ ਮਿਹਨਤ ਦਾ ਭੁਗਤਾਨ ਕਰਦੇ ਹਾਂ। ਇੱਥੇ ਇਕੱਠੇ ਵਧੇਰੇ ਕਮਾਈ ਕਰਨ ਦੇ ਮੌਕੇ ਹਨ, ਸ਼ਾਇਦ ਇਹੀ ਕਾਰਨ ਹੈ ਕਿ ਉਹ ਸਾਡੇ ਨਾਲ ਕੰਮ ਕਰਨਾ ਪਸੰਦ ਕਰਦੇ ਹਨ।"