ਗਗਨਦੀਪ ਸ਼ਰਮਾ/ਅੰਮ੍ਰਿਤਸਰ: ਸਥਾਨਿਕ ਸ਼ਹਿਰ ਦੇ ਬਿਆਸ ਦਰਿਆ ਦੇ ਕੰਢੇ ਲੱਗਦੇ ਪਿੰਡ ਗਾਜੀਵਾਲ 'ਚ ਅੱਜ ਸ਼ਾਮ ਵੇਲੇ ਇਕ ਕਬਾੜੀਏ ਦੇ ਘਰ ਹੋਏ ਬਲਾਸਟ 'ਚ ਇਕ ਨੌਜਵਾਨ ਦੀ ਮੌਤ ਹੋਣ ਦੀ ਖ਼ਬਰ ਸਾਹਮਣੇ ਆ ਰਹੀ ਹੈ ਜਦਕਿ ਪੁਲਿਸ ਵੀ ਮੌਕੇ 'ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਮ੍ਰਿਤਕ ਨੌਜਵਾਨ ਦੀ ਸ਼ਨਾਖਤ ਬਲਬੀਰ ਸਿੰਘ ਵਾਸੀ ਸੇਰੋ ਨਿਗਾਹ ਵਜੋੰ ਹੋਈ ਹੈ। ਜਾਣਕਾਰੀ ਮੁਤਾਬਕ ਤਰਸੇਮ ਸਿੰਘ ਵਾਸੀ ਗਾਜੀਵਾਲ, ਜੋ ਕਬਾੜ ਦਾ ਕੰਮ ਕਰਦਾ ਹੈ, ਦੇ ਘਰ ਕਿਸੇ ਵਸਤੂ 'ਚੋੰ ਪਿੱਤਲ ਕੱਢਦੇ ਸਮੇੰ ਧਮਾਕਾ ਹੋਇਆ ਜਿਸ ਨਾਲ ਬਲਬੀਰ ਸਿੰਘ ਦੀ ਮੌਕੇ 'ਤੇ ਮੌਤ ਹੋ ਗਈ। ਬਲਬੀਰ ਦੇ ਪਿੰਡ ਵਾਸੀਆਂ ਮੁਤਾਬਕ ਧਮਾਕਾ ਏਨਾ ਤੇਜ ਸੀ ਕਿ ਬਲਬੀਰ ਦਾ ਸਿਰ ਤਕ ਉਡ ਗਿਆ। ਥਾਣਾ ਬਿਆਸ ਦੀ ਪੁਲਸ ਮੌਕੇ 'ਤੇ ਪਹੁੰਚ ਕੇ ਜਾਂਚ ਕਰ ਰਹੀ ਹੈ ਤੇ ਅੇੈਸਅੇੈਚਓ ਯਾਦਵਿੰਦਰ ਸਿੰਘ ਨੇ ਕਿਹਾ ਕਿ ਪੂਰੀ ਜਾਂਚ ਕੀਤੀ ਜਾਵੇਗੀ।
ਦੂਜੇ ਪਾਸੇ ਮਿਲੀ ਜਾਣਕਾਰੀ ਅਨੁਸਾਰ ਬਿਆਸ ਦਰਿਆ ਦੇ ਕੰਢੇ ਮੰਡ ਖੇਤਰ 'ਚ ਅਕਸਰ ਆਰਮੀ ਦੇ ਜਵਾਨ ਪ੍ਰੀਖਣ/ਚੈਕਿੰਗ ਵਜੋੰ ਕਰਦੇ ਰਹਿੰਦੇ ਹਨ ਤੇ ਚੱਲ ਚੁੱਕੇ ਬੰਬਾਂ ਦੇ ਖੋਲ ਵਗੈਰਾ ਅਕਸਰ ਇਲਾਕੇ ਦੇ ਲੋਕ ਚੁੱਕ ਕੇ ਉਸ 'ਚੋੰ ਪਿੱਤਲ ਕੱਢ ਕੇ ਵੇਚਦੇ ਹਨ ਤੇ ਅਜਿਹੇ ਧਮਾਕੇ ਮੰਢ ਕੰਢੇ ਸਥਿਤ ਪਿੰਡਾਂ 'ਚ ਪਹਿਲਾਂ ਵੀ ਹੋ ਚੁੱਕੇ ਹਨ, ਜਿਸ 'ਚ ਲੋਕ ਜਾਨ ਗੁਆ ਚੁੱਕੇ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ