ਮੁਬਈ: ਕਮਲ ਹਾਸ਼ਨ ਦੀ ਮੋਸਟ ਅਵੇਟਿਡ ਫ਼ਿਲਮ ‘ਇੰਡੀਅਨ-2’ ਨੂੰ ਲੈ ਕੇ ਸੁਰਖੀਆਂ ਦਾ ਬਾਜ਼ਾਰ ਗਰਮ ਹੈ। ਹਾਲ ਹੀ ‘ਚ ਪੋਂਗਲ ਦੇ ਮੌਕੇ ਇਸ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਗਈ ਜਿਸ ਤੋਂ ਬਾਅਦ ਸੈੱਟ ਤੋਂ ਕੋਈ ਨਾ ਕੋਈ ਤਸਵੀਰ ਵਾਇਰਲ ਹੋ ਰਹੀ ਹੈ। ਇਸ ਫ਼ਿਲਮ ‘ਚ ਕਮਲ ਸੇਨਾਪਤੀ ਦਾ ਰੋਲ ਕਰ ਰਹੇ ਹਨ ਅਤੇ ਫ਼ਿਲਮ ‘ਚ ਕਾਜਲ ਅਗ੍ਰਵਾਲ ਵੀ ਹੈ।
ਹੁਣ ਖ਼ਬਰ ਸਾਹਮਣੇ ਆਈ ਹੈ ਕਿ ਫ਼ਿਲਮ ‘ਚ ਅਭਿਸ਼ੇਕ ਬੱਚਨ ਨੂੰ ਅਹਿਮ ਰੋਲ ਆਫਰ ਕੀਤਾ ਗਿਆ ਹੈ। ਜਿਸ ਬਾਰੇ ਅਭੀ ਨੇ ਅਜੇ ਕੋਈ ਬਿਆਨ ਨਹੀਂ ਦਿੱਤਾ। ਜੇਕਰ ਇਹ ਖ਼ਬਰ ਸਹੀ ਸਾਬਤ ਹੁੰਦੀ ਹੈ ਤਾਂ ਇਸ ਦੇ ਨਾਲ ਹੀ ਅਭਿਸ਼ੇਕ ਦਾ ਤਮਿਲ ਸਿਨੇਮਾ ‘ਚ ਡੈਬਿਊ ਹੋ ਜਾਵੇਗਾ।
ਦੱਸ ਦਈਏ ਕਿ ਕਮਲ ਦੀ ‘ਇੰਡੀਅਨ-2’ ਦਾ ਆਫਰ ਪਹਿਲਾ ਅਜੇ ਦੇਵਗਨ ਅਤੇ ਅਕਸ਼ੈ ਕੁਮਾਰ ਨੂੰ ਵੀ ਮਿਲ ਚੁੱਕਿਆ ਹੈ ਪਰ ਪੁਰਾਣੀ ਕਮਿਟਮੈਂਟਸ ਕਰਕੇ ਉਨ੍ਹਾਂ ਨੇ ਫ਼ਿਲਮ ਲਈ ਹਾਮੀ ਨਹੀਂ ਭਰੀ। ਦੇਖਦੇ ਹਾਂ ਕਿ ਅਭੀ ਇਸ ਫ਼ਿਲਮ ਨੂੰ ਹੁਣ ਕਰ ਰਹੇ ਹਨ ਜਾਂ ਇਹ ਵੀ ਖ਼ਬਰ ਅਫਵਾਹ ਬਣਦੀ ਹੈ।