ਪੰਜਾਬੀ ਮਿਊਜ਼ਿਕ ਇੰਡਸਟਰੀ 'ਚ ਇਕ ਖਾਸ ਜੋੜੀ ਅੱਜ ਕੱਲ੍ਹ ਬਹੁਤ ਚਰਚਾ 'ਚ ਹੈ। ਤੇ ਉਹ ਕੋਈ ਹੋਰ ਨਹੀਂ ਅਫਸਾਨਾ ਖਾਨ ਤੇ ਉਨ੍ਹਾਂ ਦੇ ਮੰਗੇਤਰ ਸਾਜ ਦੀ ਜੋੜੀ ਹੈ। ਜਦੋ ਤੋਂ ਇਨ੍ਹਾਂ ਦੋਵਾਂ ਨੇ ਮੰਗਣੀ ਕਰਵਾਈ ਹੈ ਓਦੋਂ ਤੋਂ ਹੀ ਦੋਵਾਂ ਨੇ ਆਪਣੀ ਜੋੜੀ ਨੂੰ ਇਕ ਨਾਮ ਦਿੱਤਾ ਹੈ ਉਹ ਹੈ ਅਫ਼ਸਾਜ਼। ਇਹ ਵਰਡ ਅੱਜ ਕੱਲ੍ਹ ਕਾਫੀ ਟਰੈਂਡਿੰਗ 'ਚ ਹੈ।
ਅਫਸਾਨਾ ਤੇ ਸਾਜ ਨੇ ਇਕ ਦੂਜੇ ਡੈਡੀਕੇਟ ਕਰਦੇ ਹੋਏ ਸੇਮ ਟੈਟੂ ਕਰਵਾਇਆ ਹੈ। ਦੋਵਾਂ ਨੇ ਆਪਣੀ ਆਪਣੀ ਬਾਂਹ 'ਤੇ blessed ਲਿਖਵਾਇਆ ਹੈ। ਅਫਸਾਨਾ ਦੇ blessed ਟੈਟੂ ਦੇ ਨਾਲ ਤਿਤਲੀ ਬਣਾਈ ਗਈ ਹੈ ਤੇ ਸਾਜ ਦੇ blessed ਦੇ ਨਾਲ ਸਟਾਰ ਹੈ। ਇਸ ਟੈਟੂ ਸੈਸ਼ਨ ਦੀਆਂ ਤਸਵੀਰਾਂ ਤੇ ਵੀਡਿਓਜ਼ ਅਫਸਾਨਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ। ਜਿਸ ਨੂੰ ਦੋਹਾਂ ਦੇ ਫੈਨਜ਼ ਖੂਬ ਪਸੰਦ ਕਰ ਰਹੇ ਹਨ।
ਹਾਲ ਹੀ 'ਚ ਅਫਸਾਨਾ ਤੇ ਸਾਜ ਸੋਸ਼ਲ ਮੀਡਿਆ 'ਤੇ ਲਾਈਵ ਹੋਏ ਸਨ, ਜਿਸ 'ਚ ਸਾਜ ਨੇ ਡਿਸਕਲੋਜ਼ ਕੀਤਾ ਕਿ ਅਸੀਂ ਬਹੁਤ ਜਲਦ ਬਹੁਤ ਸਾਰੇ ਨਵੇਂ ਨਵੇਂ ਗੀਤ ਲੈ ਕੇ ਆਉਣ ਵਾਲੇ ਹਾਂ। ਇਸ ਦੇ ਨਾਲ ਇਹ ਵੀ ਦੱਸਿਆ ਕਿ ਅਸੀਂ ਆਪਣੇ ਨਾਮ ਅਫ਼ਸਾਜ਼ ਦੇ ਨਾਲ 'ਤੇ ਛੇਤੀ ਹੀ ਇਕ ਮਿਊਜ਼ਿਕ ਲੇਬਲ ਸ਼ੁਰੂ ਕਰਨ ਵਾਲੇ ਹਾਂ। ਸਾਡੇ ਅਗਲੇ ਸਾਰੇ ਪ੍ਰੋਜੈਕਟਸ ਇਸੇ ਲੇਬਲ 'ਤੇ ਹੀ ਆਉਣਗੇ।
ਅਫਸਾਨਾ ਦੀਆਂ ਇਨ੍ਹਾਂ ਟੈਟੂ ਵਾਲੀਆਂ ਤਸਵੀਰਾਂ 'ਤੇ ਸੁਪਰਸਟਾਰ ਬੀ ਪ੍ਰੈਕ ਨੇ ਵੀ ਕੋਮੈਂਟ ਕੀਤਾ। ਬੀ ਪ੍ਰੈਕ ਨੇ ਆਪਣੇ ਕੋਮੈਂਟ 'ਚ ਲਿਖਿਆ ਕਿ ਅਫ਼ਸਾਜ਼ ਨਾ ਦਾ ਟੈਟੂ ਕਿਉਂ ਨਹੀਂ ਕਰਵਾਇਆ। ਤਾਂ ਇਸ ਦੇ ਜਵਾਬ 'ਚ ਅਫਸਾਨਾ ਨੇ ਲਿਖਿਆ ਕਿ ਉਹ ਟੈਟੂ ਅਸੀਂ ਵਿਆਹ ਤੋਂ ਬਾਅਦ ਕਰਵਾਵਾਂਗੇ।
https://play.google.com/store/
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://apps.apple.com/in/app/