Alia Bhatt Daughter Name: ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਨੇ ਆਪਣੀ ਬੇਟੀ ਦੇ ਨਾਂ ਦਾ ਖੁਲਾਸਾ ਕੀਤਾ ਹੈ। ਆਲੀਆ-ਰਣਬੀਰ ਨੇ ਆਪਣੀ ਬੇਟੀ ਦਾ ਨਾਂ ਰਾਹਾ ਰੱਖਿਆ ਹੈ। ਇਹ ਨਾਂ ਦਾਦੀ ਨੀਤੂ ਕਪੂਰ ਨੇ ਚੁਣਿਆ ਹੈ। ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੇ ਨਾ ਸਿਰਫ ਆਪਣੀ ਨੰਨ੍ਹੀ ਪਰੀ ਦਾ ਨਾਂ ਦੱਸਿਆ ਹੈ, ਸਗੋਂ ਹਰ ਭਾਸ਼ਾ 'ਚ ਉਸ ਨਾਂ ਦਾ ਮਤਲਬ ਵੀ ਦੱਸਿਆ ਹੈ।
ਆਲੀਆ ਭੱਟ ਵੱਲੋਂ ਸ਼ੇਅਰ ਕੀਤੀ ਗਈ ਤਸਵੀਰ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਹੱਥਾਂ ਵਿੱਚ ਆਪਣੀ ਨੰਨ੍ਹੀ ਪਰੀ ਫੜੀ ਨਜ਼ਰ ਆ ਰਹੇ ਹਨ। ਰਾਹਾ ਦੇ ਨਾਮ ਵਾਲੀ ਜਰਸੀ ਕੰਧ 'ਤੇ ਟੰਗੀ ਦਿਖਾਈ ਦੇ ਰਹੀ ਹੈ। ਇਸ ਤਸਵੀਰ ਨੂੰ ਆਪਣੇ ਇੰਸਟਾ 'ਤੇ ਪੋਸਟ ਕਰਦੇ ਹੋਏ ਆਲੀਆ ਭੱਟ ਨੇ ਕਿਊਟ ਕੈਪਸ਼ਨ ਲਿਖਿਆ ਹੈ।
ਆਲੀਆ ਭੱਟ ਲਿਖਦੀ ਹੈ ਕਿ "ਸਾਡੀ ਧੀ ਰਾਹਾ ਦਾ ਨਾਮ ਉਸਦੀ ਦਾਦੀ ਦੁਆਰਾ ਚੁਣਿਆ ਗਿਆ ਹੈ, ਇਸ ਨਾਮ ਦਾ ਬਹੁਤ ਪਿਆਰਾ ਅਰਥ ਹੈ ... ਰਾਹਾ ਦਾ ਸ਼ਾਬਦਿਕ ਅਰਥ ਹੈ ਇੱਕ ਬ੍ਰਹਮ ਮਾਰਗ, ਸਵਾਹਿਲੀ ਵਿੱਚ ਇਸਦਾ ਅਰਥ ਹੈ ਖੁਸ਼ੀ, ਸੰਸਕ੍ਰਿਤ ਵਿੱਚ ਇਸਦਾ ਅਰਥ ਹੈ ਗੋਤਰਾ ... ਬੰਗਾਲੀ ਵਿੱਚ ਇਸਦਾ ਅਰਥ ਹੈ ਆਰਾਮ, ਰਾਹਤ... ਅਰਬੀ ਵਿੱਚ ਇਸਦਾ ਅਰਥ ਹੈ ਸ਼ਾਂਤੀ, ਖੁਸ਼ੀ, ਆਜ਼ਾਦੀ.. ਸਾਡੀ ਧੀ ਦੇ ਨਾਮ ਦਾ ਪਹਿਲਾ ਅੱਖਰ ਅਸੀਂ ਸਾਰੇ ਮਹਿਸੂਸ ਕਰਦੇ ਹਾਂ... ਧੰਨਵਾਦ ਰਾਹਾ.. ਸਾਡੀ ਜ਼ਿੰਦਗੀ ਵਿੱਚ ਖੁਸ਼ੀਆਂ ਲਿਆਉਣ ਲਈ, ਇੰਜ ਲੱਗਦਾ ਹੈ ਕਿ ਅਸੀਂ ਹੁਣੇ ਹੀ ਜੀਵਨ ਜੀਣਾ ਸ਼ੁਰੂ ਕੀਤਾ ਹੈ।
ਦੱਸ ਦਈਏ ਕਿ ਆਲੀਆ ਭੱਟ ਤੇ ਰਣਬੀਰ ਕਪੂਰ ਨੇ ਇਸੇ ਸਾਲ 14 ਅਪ੍ਰੈਲ ਨੂੰ ਵਿਆਹ ਕੀਤਾ ਸੀ। ਵਿਆਹ ਤੋਂ 2 ਮਹੀਨੇ ਬਾਅਦ ਹੀ ਆਲੀਆ ਨੇ ਸੋਸ਼ਲ ਮੀਡੀਆ ‘ਤੇ ਫੈਨਜ਼ ਨਾਲ ਖੁਸ਼ਖਬਰੀ ਸਾਂਝੀ ਕੀਤੀ ਸੀ ਕਿ ਉਹ ਮਾਂ ਬਣਨ ਵਾਲੀ ਹੈ। ਇਸ ਤੋਂ ਬਾਅਦ 6 ਨਵੰਬਰ ਨੂੰ ਪਰਮਾਤਮਾ ਨੇ ਆਲੀਆ-ਰਣਬੀਰ ਦੇ ਘਰ ਧੀ ਦੀ ਦਾਤ ਬਖਸ਼ੀ।