Big Brother Season 25: ਭਾਰਤ ’ਚ ਵਿਵਾਦਿਤ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ’ ਅਤੇ ਬਿੱਗ ਬੌਸ ਓਟੀਟੀ ਅਕਸਰ ਸੁਰਖੀਆਂ ਬਟੋਰਦਾ ਹੈ। ਇਸ ਵਿਵਾਦਿਤ ਸ਼ੋਅ ਨੂੰ ਪ੍ਰਸ਼ੰਸਕਾਂ ਵੱਲੋਂ ਬੇਹੱਦ ਪਸੰਦ ਕੀਤਾ ਜਾਂਦਾ ਹੈ। ਸਲਮਾਨ ਖਾਨ ਵੱਲੋਂ ਹੋਸਟ ਕੀਤੇ ਜਾ ਰਹੇ ਇਸ ਸ਼ੋਅ ਨੂੰ ਪ੍ਰਸ਼ੰਸਕਾਂ ਦਾ ਭਰਮਾ ਹੁੰਗਾਰਾ ਮਿਲਦਾ ਹੈ। ਇਸ ਵਿਚਾਲੇ ਅਸੀ ਤੁਹਾਨੂੰ ਅਮਰੀਕੀ ਸ਼ੋਅ ‘ਬਿੱਗ ਬ੍ਰਦਰ’ ਬਾਰੇ ਖਾਸ ਜਾਣਕਾਰੀ ਦੇਣ ਜਾ ਰਹੇ ਹਾਂ। ਦਰਅਸਲ, ਇਸ ਵਾਰ ਪਹਿਲੀ ਵਾਰ ਅਮਰੀਕੀ ਸ਼ੋਅ ਵਿੱਚ ਇੱਕ ਸਿੱਖ ਕੰਨਟੇਸਟੇਂਟ ਆਪਣਾ ਜਲਵਾ ਦਿਖਾਉਂਦਾ ਹੋਇਆ ਨਜ਼ਰ ਆਵੇਗਾ।
ਦਰਅਸਲ, ਅਮਰੀਕੀ ਸ਼ੋਅ ‘ਬਿੱਗ ਬ੍ਰਦਰ’ ’ਚ ਸਿੱਖ ਕੰਨਟੇਸਟੇਂਟ ਜਗ ਬੈਂਸ ਦੀ ਐਂਟਰੀ ਹੋਵੇਗੀ। ਸੋਸ਼ਲ ਮੀਡੀਆ ਉੱਪਰ ਜਗ ਬੈਂਸ ਇਸ ਖਬਰ ਤੋਂ ਬਾਅਦ ਲਗਾਤਾਰ ਸੁਰਖੀਆਂ ਬਟੋਰ ਰਿਹਾ ਹੈ। ਦੱਸ ਦੇਈਏ ਕਿ ‘ਬਿੱਗ ਬ੍ਰਦਰ’, ਅਮਰੀਕਾ ’ਚ ਚਲਾਇਆ ਜਾਣ ਵਾਲਾ ਸੁਪਰਹਿੱਟ ਸ਼ੋਅ ਹੈ। ‘ਬਿੱਗ ਬ੍ਰਦਰ’ ਦੇ 25ਵੇਂ ਸੀਜ਼ਨ ਦੀ ਧਮਾਕੇਦਾਰ ਸ਼ੁਰੂਆਤ ਹੋ ਗਈ ਹੈ, ਜਿਸ ’ਚ ਪਹਿਲੀ ਵਾਰ ਕੋਈ ਸਿੱਖ ਮੁਕਾਬਲੇਬਾਜ਼ ਨਜ਼ਰ ਆ ਰਿਹਾ ਹੈ।
ਜਾਣੋ ਕੌਣ ਹੈ ਜਗ ਬੈਂਸ
ਜਾਣਕਾਰੀ ਲਈ ਦੱਸ ਦੇਈਏ ਕਿ ਮੁਕਾਬਲੇਬਾਜ਼ ਜਗ ਬੈਂਸ ਹੈ ਓਮਾਕ, ਵਾਸ਼ਿੰਗਨਟ ਦਾ ਰਹਿਣ ਵਾਲਾ ਹੈ। ਜਗ ਬੈਂਸ ਪੇਸ਼ੇ ਵਜੋਂ 25 ਸਾਲਾਂ ਦਾ ਇਕ ਟਰੱਕ ਕਾਰੋਬਾਰੀ ਹੈ। ਇਹ ਸ਼ੋਅ ਸੀ. ਬੀ. ਐੱਸ. ਟੀ. ਵੀ. ਤੇ ਪੈਰਾਮਾਊਂਟ ਪਲੱਸ ’ਤੇ ਪ੍ਰਸਾਰਿਤ ਕੀਤਾ ਜਾ ਰਿਹਾ ਹੈ। ਇਸ ਸ਼ੋਅ ਨੇ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਹੋਰ ਵੀ ਵਧਾ ਦਿੱਤਾ ਹੈ ਕਿਉਂਕਿ ਇਸ ਵਿੱਚ ਪਹਿਲੀ ਵਾਰ ਤੁਹਾਨੂੰ ਇੱਕ ਸਿੱਖ ਕੰਨਟੇਸਟੇਂਟ ਆਪਣਾ ਜਲਵਾ ਦਿਖਾਉਂਦਾ ਹੋਇਆ ਨਜ਼ਰ ਆਵੇਗਾ। ਦੱਸ ਦੇਈਏ ਕਿ ਜਗ ਬੈਂਸ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਉੱਪਰ ਇਸ ਸ਼ੋਅ ਦਾ ਹਿੱਸਾ ਬਣਨ ਤੇ ਆਪਣੀ ਖੁਸ਼ੀ ਜ਼ਾਹਿਰ ਕੀਤੀ ਹੈ। ਉਸ ਵੱਲੋਂ ਇੱਕ ਲੰਬਾ ਚੋੜਾ ਪੋਸਟ ਸਾਂਝਾ ਕਰ ਇਸਦੀ ਜਾਣਕਾਰੀ ਦਿੱਤੀ ਗਈ ਹੈ। ਇਸ ਉੱਪਰ ਉਸ ਨੂੰ ਆਪਣੇ ਕਰੀਬੀਆਂ ਅਤੇ ਸੋਸ਼ਲ ਮੀਡੀਆ ਯੂਜ਼ਰਸ ਵੱਲ਼ੋਂ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ।
Read More: Rana Ranbir: ਰਾਣਾ ਰਣਬੀਰ ਦੀ ਧੀ ਸੀਰਤ ਨੇ ਸ਼ੇਅਰ ਕੀਤੀ ਰਿਸੈਪਸ਼ਨ ਦੀ ਖਾਸ ਝਲਕ, ਇੰਝ ਖੁਸ਼ੀਆਂ 'ਚ ਰੰਗਿਆ ਪਰਿਵਾਰ