ਅਮਿਤਾਭ ਬੱਚਨ ਦੀ ਚਰਚਾ ਦੇ ਵਿਚ ਚਲ ਰਹੀ ਫਿਲਮ 'ਚੇਹਰੇ' ਜੋ ਬਣੀ ਤਾਂ ਸਿਨੇਮਾ ਘਰ ਲਈ ਸੀ ਪਰ ਹੁਣ ਦੇ ਹਲਾਤਾਂ ਨੂੰ ਦੇਖਦੇ ਹੋਏ ਬਾਲੀਵੁੱਡ ਸ਼ਹਿਨਸ਼ਾਹ ਦੀ ਇਹ ਫਿਲਮ OTT ਪਲੇਟਫਾਰਮ ਦੇ ਵੱਲ ਜਾ ਰਹੀ ਹੈ। ਅਮਿਤਾਭ ਬਚਨ, ਇਮਰਾਨ ਹਾਸ਼ਮੀ ਤੇ ਰਿਆ ਚਕਰਵਰਤੀ ਦੀ ਫਿਲਮ 'ਚੇਹਰੇ' ਨੂੰ ਡਿਜ਼ੀਟਲੀ ਰਿਲੀਜ਼ ਕਰਨ ਲਈ ਇਸਦੇ ਆਫੀਸ਼ੀਅਲ ਰਾਈਟਸ ਇਕ ਕੰਪਨੀ ਵਲੋਂ ਖਰੀਦੇ ਗਏ ਹਨ।
ਫਿਲਮ 'ਚੇਹਰੇ' ਇਸ ਸਾਲ 24 ਅਪ੍ਰੈਲ ਨੂੰ ਰਿਲੀਜ਼ ਹੋਣੀ ਸੀ, ਪਰ ਕੋਰੋਨਾ ਦੀ ਮਾਰ ਕਰਕੇ ਇਸ ਫਿਲਮ ਦੀ ਰਿਲੀਜ਼ਿੰਗ ਨਹੀਂ ਹੋਈ। ਲੌਕਡਾਊਨ ਤੋਂ ਪਹਿਲਾਂ ਹੀ ਫਿਲਮ 'ਚੇਹਰੇ' ਦੀ ਸ਼ੂਟਿੰਗ ਖ਼ਤਮ ਹੋ ਗਈ ਸੀ। ਇਸ ਦੇ ਪੋਸਟ ਪ੍ਰੋਡਕਸ਼ਨ ਦਾ ਕੰਮ ਚੱਲ ਰਿਹਾ ਸੀ ਅਤੇ ਫਿਲਮ ਵੀ 24 ਅਪ੍ਰੈਲ ਨੂੰ ਰਿਲੀਜ਼ ਹੋਣੀ ਸੀ। ਫਿਲਮ ਦੇ ਮੇਕਰਸ ਕਾਫੀ ਸਮੇਂ ਤੋਂ ਆਪਣੀ ਫਿਲਮ ਨੂੰ ਓਟੀਟੀ 'ਤੇ ਸੇਲ ਕਰਨ ਵਿਚ ਲੱਗੇ ਹੋਏ ਸਨ ਤੇ ਆਖਰਕਾਰ, ਸਹੀ ਬਜਟ ਮਿਲਣ ਤੋਂ ਬਾਅਦ ਮੇਕਰਸ ਨੇ ਇਸ ਫਿਲਮ ਨੂੰ ਡਿਜੀਟਲ ਰਿਲੀਜ਼ ਲਈ ਓਟੀਟੀ ਨੂੰ ਸੌਂਪ ਦਿੱਤਾ ਹੈ।
ਇਸ ਫਿਲਮ ਦੇ ਲੀਡ ਕਿਰਦਾਰ ਵਿਚ ਅਦਾਕਾਰਾ ਰਿਆ ਚਕਰਵਰਤੀ ਹੈ ਜੋ ਸੁਸ਼ਾਂਤ ਸਿੰਘ ਰਾਜਪੂਤ ਮੌਤ ਮਾਮਲੇ ਕਰਕੇ ਕਾਫੀ ਚਰਚਾ ਦੇ ਵਿਚ ਰਹੀ। ਮੇਕਰਸ ਨੂੰ ਇਹ ਡਰ ਸੀ ਕਿ ਰਿਆ ਦੇ ਵਿਵਾਦਾਂ 'ਚ ਰਹਿਣ ਕਾਰਨ ਕਿਧਰੇ ਇਹ ਫਿਲਮ ਸਿਨੇਮਾ ਘਰ ਵਿਚ ਨਾ ਕਮਾਈ ਕਰ ਪਾਉਂਦੀ। ਮੇਕਰਸ ਦੇ ਇਸ ਡਰ ਕਰਕੇ ਵੀ ਇਸ ਫਿਲਮ ਨੂੰ OTT ਨੂੰ ਸੌਂਪਿਆ ਗਿਆ ਹੈ |
ਇਸ ਤੋਂ ਪਹਿਲਾ ਅਮਿਤਾਭ ਬੱਚਨ ਦੀ ਫਿਲਮ 'ਗੁਲਾਬੋ ਸਿਤਾਬੋ' ਨੂੰ ਵੀ OTT 'ਤੇ ਰਿਲੀਜ਼ ਕੀਤਾ ਗਿਆ ਸੀ। ਇਸ ਫਿਲਮ ਵਿੱਚ ਅਮਿਤਾਭ ਦੇ ਨਾਲ ਆਯੁਸ਼ਮਾਨ ਖੁਰਾਣਾ ਵੀ ਮੁੱਖ ਭੂਮਿਕਾ ਵਿੱਚ ਸਨ। ਪਰ ਫਿਲਮ 'ਗੁਲਾਬੋ ਸਿਤਾਬੋ' OTT 'ਤੇ ਰਿਲੀਜ਼ ਹੋਣ ਦੇ ਬਾਅਦ ਵੀ ਕੁਝ ਜ਼ਿਆਦਾ ਵਾਹ-ਵਾਹੀ ਖੱਟਣ 'ਚ ਨਾਕਾਮਯਾਬ ਰਹੀ ਸੀ |
ਫਿਲਮ 'ਚੇਹਰੇ ' ਵਿਚ ਅਮਿਤਾਭ ਬੱਚਨ ਇਕ ਵਕੀਲ ਦੀ ਭੂਮਿਕਾ ਨਿਭਾਉਣ ਜਾ ਰਹੇ ਹਨ, ਤੇ ਇਮਰਾਨ ਹਾਸ਼ਮੀ ਇਕ ਵੱਡੇ ਬਿਜ਼ਨੈਸ ਮੈਨ ਦੇ ਤੌਰ 'ਤੇ ਨਜ਼ਰ ਆਉਣਗੇ। ਇਨ੍ਹਾਂ ਤੋਂ ਇਲਾਵਾ ਫਿਲਮ 'ਚ ਕ੍ਰਿਸਟਲ ਡੀਸੂਜ਼ਾ, ਸਿਧਾਰਥ ਕਪੂਰ ਅਤੇ ਅੰਨੂ ਕਪੂਰ ਵੀ ਅਹਿਮ ਕਿਰਦਾਰ ਵਿਚ ਹਨ। ਹੁਣ ਦੇਖਣਾ ਇਹ ਹੋਵੇਗਾ ਇਕ ਫਿਲਮ ਕਦ ਅਤੇ ਕਿਹੜੇ ਡਿਜ਼ੀਟਲ ਪਲੇਟਫਾਰਮ 'ਤੇ ਰਿਲੀਜ਼ ਹੋਵੇਗੀ।
ਆਪਣੇ ਵਿਆਹ 'ਚ ਅਨੋਖਾ ਕੰਮ ਕਰਕੇ ਬੌਕਸਰ ਦਾ ਕਿਸਾਨ ਅੰਦੋਲਨ ਨੂੰ ਸਮਰਥਨ
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ