Anupama Upcoming Episode: ਅਨੁਪਮਾ ਅਤੇ ਅਨੁਜ ਨੇ ਇਕੱਠੇ ਰਹਿਣ ਅਤੇ ਮਰਨ ਦੀ ਕਸਮ ਖਾਧੀ ਸੀ, ਪਰ ਅਨੁਜ ਨੇ ਮੁਸ਼ਕਿਲ ਸਮੇਂ ਵਿੱਚ ਅਨੁਪਮਾ ਦਾ ਸਾਥ ਛੱਡ ਦਿੱਤਾ ਹੈ। ਮਾਇਆ ਨੇ ਛੋਟੀ ਅਨੂ ਨੂੰ ਆਪਣੇ ਜਾਲ 'ਚ ਫਸਾ ਲਿਆ ਹੈ, ਅਜਿਹੇ 'ਚ ਅਨੁਜ ਕੁਝ ਨਹੀਂ ਕਰ ਸਕਿਆ। ਪਰ ਹੁਣ ਉਹ ਜੋ ਵੀ ਕੁੱਝ ਕਰ ਸਕਦਾ ਹੈ, ਕਰ ਰਿਹਾ ਹੈ। ਅਨੁਜ ਹੁਣ ਅਨੁਪਮਾ 'ਤੇ ਦੋਸ਼ ਲਗਾ ਰਿਹਾ ਹੈ। ਦੂਜੇ ਪਾਸੇ ਅਨੁਜ ਦੇ ਸਾਰੇ ਦੋਸਤ ਇਸ ਗੱਲ ਤੋਂ ਹੈਰਾਨ ਹਨ ਕਿ ਉਹ ਅਨੁਪਮਾ ਨੂੰ ਦੋਸ਼ੀ ਕਿਉਂ ਬਣਾ ਰਿਹਾ ਹੈ। ਇੱਥੇ, ਅਨੁਪਮਾ ਇਸ ਸਦਮੇ ਨੂੰ ਬਰਦਾਸ਼ਤ ਨਹੀਂ ਕਰ ਪਾ ਰਹੀ ਹੈ, ਉਹ ਸਮਝ ਨਹੀਂ ਪਾ ਰਹੀ ਹੈ ਕਿ ਅਨੁਜ ਅਜਿਹਾ ਕਿਉਂ ਕਰ ਰਿਹਾ ਹੈ।
ਇਸ ਤੋਂ ਬਾਅਦ ਅਨੁਜ ਅਨੁਪਮਾ ਨੂੰ ਕਹਿੰਦਾ ਹੈ ਕਿ ਉਹ ਬੇਹੱਦ ਸੈਲਫਿਸ਼ ਯਾਨਿ ਮਤਲਬੀ ਹੈ। ਜਿਸ ਕਾਰਨ ਉਸਨੇ ਛੋਟੀ ਅਨੂ ਨੂੰ ਮਾਇਆ ਦੇ ਨਾਲ ਜਾਣ ਦਿੱਤਾ ਅਤੇ ਉਸਨੂੰ ਰੋਕਿਆ ਵੀ ਨਹੀਂ। ਉਸੇ ਸਮੇਂ, ਹਰ ਕੋਈ ਅਨੁਜ ਨੂੰ ਸਮਝਾਉਂਦਾ ਹੈ ਕਿ ਮਾਇਆ ਛੋਟੀ ਅਨੂ ਦੀ ਸਕੀ ਮਾਂ ਹੈ ਅਤੇ ਛੋਟੀ ਅਨੂ ਵੀ ਆਪਣੀ ਮਰਜ਼ੀ ਨਾਲ ਉਸਦੇ ਨਾਲ ਗਈ ਹੈ। ਅਜਿਹੇ 'ਚ ਕਾਨੂੰਨੀ ਤੌਰ 'ਤੇ ਇਸ ਨੂੰ ਰੋਕਿਆ ਨਹੀਂ ਜਾ ਸਕਦਾ। ਅਨੁਜ ਇਹ ਸਮਝਣ ਲਈ ਤਿਆਰ ਨਹੀਂ ਹੈ।
ਅਨੁਜ ਦੋਸਤਾਂ ਨੂੰ ਝਗੜਿਆਂ ਤੋਂ ਦੂਰ ਰਹਿਣ ਦੀ ਦਿੰਦਾ ਹੈ ਸਲਾਹ
ਆਉਣ ਵਾਲੇ ਐਪੀਸੋਡ 'ਚ ਇਹ ਦਿਖਾਇਆ ਜਾਵੇਗਾ ਕਿ ਅਨੁਜ ਆਪਣੇ ਉਨ੍ਹਾਂ ਸਾਰੇ ਦੋਸਤਾਂ ਨੂੰ ਪਤੀ ਪਤਨੀ ਦੇ ਝਗੜੇ ਤੋਂ ਦੂਰ ਰਹਿਣ ਦੀ ਸਲਾਹ ਦੇ ਰਿਹਾ, ਜੋ ਅਨੂ ਦਾ ਸਾਥ ਦੇ ਰਹੇ ਹਨ। ਅਨੁਜ ਗੁੱਸੇ ਵਿੱਚ ਘਰ ਛੱਡ ਜਾਵੇਗਾ। ਇਸ ਦੌਰਾਨ ਅਨੁਪਮਾ ਅਨੁਜ ਦੇ ਸਾਹਮਣੇ ਗੋਡਿਆਂ ਭਾਰ ਹੋ ਕੇ ਭੀਖ ਮੰਗੇਗੀ, ਪਰ ਉਹ ਨਹੀਂ ਸੁਣੇਗਾ ਅਤੇ ਕਪਾੜੀਆ ਹਾਊਸ ਛੱਡ ਜਾਵੇਗਾ। ਅਨੂ ਇਸ ਸਦਮੇ ਨੂੰ ਬਰਦਾਸ਼ਤ ਨਹੀਂ ਕਰ ਸਕੇਗੀ ਅਤੇ ਬੇਹੋਸ਼ ਹੋ ਜਾਵੇਗੀ।
ਹੁਣ ਕਹਾਣੀ 'ਚ ਹੋਰ ਟਵਿਸਟ ਆਉਣ ਵਾਲਾ ਹੈ। ਅਨੁਜ ਅਤੇ ਅਨੁਪਮਾ ਦਾ ਘਰ ਟੁੱਟ ਗਿਆ ਹੈ, ਅਜਿਹੇ 'ਚ ਉਨ੍ਹਾਂ ਦੇ ਦੁਸ਼ਮਣ ਇਸ ਗੱਲ ਦਾ ਫਾਇਦਾ ਉਠਾਉਣਗੇ। ਦੂਜੇ ਪਾਸੇ ਵਨਰਾਜ ਵੀ ਅਨੁਪਮਾ ਦੇ ਘਰ ਨੂੰ ਲੱਗੀ ਅੱਗ ਨਾਲ ਬਹੁਤ ਖੁਸ਼ ਹੋਵੇਗਾ। ਅਜਿਹੇ 'ਚ ਕੀ ਅਨੁਪਮਾ ਸਭ ਕੁੱਝ ਠੀਕ ਕਰ ਸਕੇਗੀ? ਕੀ ਅਨੁਪਮਾ ਅਨੁਜ ਅਤੇ ਛੋਟੀ ਅਨੂ ਦੋਵਾਂ ਨੂੰ ਘਰ ਵਾਪਸ ਲਿਆ ਸਕੇਗੀ? ਇਹ ਦੇਖਣਾ ਬਹੁਤ ਦਿਲਚਸਪ ਹੋਵੇਗਾ।
ਇਹ ਵੀ ਪੜ੍ਹੋ: ਪੰਜਾਬੀ ਗਾਇਕ ਜੱਸੀ ਗਾਇਕ ਨੌਰਵੇ ਪਹੁੰਚੇ, ਦਿਖਾਇਆ ਕੁਦਰਤ ਦਾ ਅਦਭੁਤ ਨਜ਼ਾਰਾ, ਦੇਖੋ ਇਹ ਤਸਵੀਰਾਂ