New Punjabi Songs 2023: ਨਵੇਂ ਸਾਲ ਯਾਨਿ 2023 ਦਾ ਆਗ਼ਾਜ਼ ਹੋ ਚੁੱਕਿਆ ਹੈ। ਪੂਰੀ ਦੁਨੀਆ 2023 ਦਾ ਸ਼ਾਨਦਾਰ ਸਵਾਗਤ ਕੀਤਾ ਗਿਆ ਹੈ। ਇਸ ਦੌਰਾਨ ਪੰਜਾਬੀ ਇੰਡਸਟਰੀ ਦੇ ਕਲਾਕਾਰਾਂ ਨੇ ਵੀ ਖੂਬ ਜਸ਼ਨ ਮਨਾਇਆ ਅਤੇ ਫੈਨਜ਼ ਦਾ ਮਨੋਰੰਜਨ ਕੀਤਾ। ਹੁਣ ਨਵੇਂ ਸਾਲ 'ਤੇ ਕਈ ਗਾਇਕਾਂ ਨੇ ਨਵੇਂ ਗੀਤ ਲਿਆਉਣ ਦਾ ਐਲਾਨ ਕੀਤਾ ਹੈ। ਬੱਬੂ ਮਾਨ ਤੋਂ ਲੈਕੇ ਗੁਰਨਾਮ ਭੁੱਲਰ ਤੱਕ ਕਿਹੜੇ ਕਿਹੜੇ ਗਾਇਕ ਹਨ, ਜੋ ਇਸ ਮਹੀਨੇ ਨਵੇਂ ਗੀਤਾਂ ਨਾਲ ਤੁਹਾਡਾ ਮਨੋਰੰਜਨ ਕਰਨਗੇ। ਦੇਖੋ ਲਿਸਟ:
ਗੁਰਦਾਸ ਮਾਨ
ਪੰਜਾਬੀ ਇੰਡਸਟਰੀ ਦੇ ਬਾਬਾ ਬੋਹੜ ਕਹੇ ਜਾਣ ਵਾਲੇ ਗੁਰਦਾਸ ਮਾਨ ਪਿਛਲੇ 3 ਦਹਾਕਿਆਂ ਤੋਂ ਪੂਰੀ ਦੁਨੀਆ 'ਚ ਲੋਕਾਂ ਦਾ ਮਨੋਰੰਜਨ ਕਰ ਰਹੇ ਹਨ। ਉਨ੍ਹਾਂ ਨੇ ਅੱਜ ਯਾਨਿ ਕੇ 4 ਜਨਵਰੀ ਨੂੰ ਆਪਣੇ ਜਨਮਦਿਨ ਦੇ ਮੌਕੇ ਫੈਨਜ਼ ਨੂੰ ਤੋਹਫਾ ਦਿੱਤਾ ਹੈ। ਉਨ੍ਹਾਂ ਨੇ ਆਪਣੇ ਨਵੇਂ ਗਾਣੇ ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ। ਇਹ ਗਾਣਾ 18 ਜਨਵਰੀ ਨੂੰ ਯੂਟਿਊਬ 'ਤੇ ਰਿਲੀਜ਼ ਹੋਣ ਜਾ ਰਿਹਾ ਹੈ।
ਬੱਬੂ ਮਾਨ
ਉੱਘੇ ਪੰਜਾਬੀ ਗਾਇਕ ਬੱਬੂ ਮਾਨ ਵੀ ਨਵੇਂ ਸਾਲ 'ਤੇ ਨਵੇਂ ਗੀਤ ਨਾਲ ਫੈਨਜ਼ ਦਾ ਮਨੋਰੰਜਨ ਕਰਨ ਜਾ ਰਹੇ ਹਨ। ਬੱਬੂ ਮਾਨ ਨੇ ਨਵੇਂ ਗਾਣੇ 'ਦੋ ਟੁਕੜੇ' ਦਾ ਪੋਸਟਰ ਰਿਲੀਜ਼ ਕੀਤਾ ਹੈ। ਫਿਲਹਾਲ ਇਸ ਗੀਤ ਦੀ ਰਿਲੀਜ਼ ਡੇਟ ਸਾਹਮਣੇ ਨਹੀਂ ਆਈ ਹੈ।
ਗੁਰਨਾਮ ਭੁੱਲਰ
ਗੁਰਨਾਮ ਭੁੱਲਰ ਨੇ ਨਵੇਂ ਸਾਲ 'ਤੇ ਫੈਨਜ਼ ਨੂੰ ਤੋਹਫਾ ਦਿੱਤਾ ਹੈ। ਗੁਰਨਾਮ ਨੇ ਆਪਣੀ ਐਲਬਮ 'ਇਮੈਜੀਨੇਸ਼ਨ' ਦਾ ਐਲਾਨ ਕੀਤਾ ਹੈ। ਇਸ ਐਲਬਮ ਦੇ ਸਾਰੇ ਗਾਣੇ 9 ਜਨਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੇ ਹਨ।
ਹਰਭਜਨ ਮਾਨ
ਹਰਭਜਨ ਮਾਨ ਦੀ ਐਲਬਮ 'ਮਾਇ ਵੇਅ- ਮੈਂ ਤੇ ਮੇਰੇ ਗੀਤ' 9 ਨਵੰਬਰ ਨੂੰ ਰਿਲੀਜ਼ ਹੋਈ ਸੀ। ਇਸ ਐਲਬਮ ਦੇ ਚਾਰ ਗਾਣੇ ਰਿਲੀਜ਼ ਹੋਏ ਸੀ। ਇਸ ਦਾ ਦੂਜਾ ਭਾਗ ਯਾਨਿ ਬਾਕੀ ਦੇ 4 ਗਾਣੇ 9 ਜਨਵਰੀ ਤੋਂ ਰਿਲੀਜ਼ ਹੋ ਰਹੇ ਹਨ। ਹਰ ਹਫਤੇ ਐਲਬਮ ਦਾ ਇੱਕ ਗੀਤ ਰਿਲੀਜ਼ ਹੋਵੇਗਾ।
ਰਣਜੀਤ ਬਾਵਾ
ਰਣਜੀਤ ਬਾਵਾ ਨਵੇਂ ਸਾਲ 'ਤੇ ਗਾਣਾ ਰਿਲੀਜ਼ ਕਰਨ ਜਾ ਰਹੇ ਹਨ। 'ਆਲ ਆਈਜ਼ ਆਨ ਮੀ' ਗੀਤ ਦੇ ਬੋਲ ਅੰਮ੍ਰਿਤ ਮਾਨ ਨੇ ਲਿਖੇ ਹਨ। ਇਹ ਗਾਣਾ ਇਸੇ ਮਹੀਨੇ ਰਿਲੀਜ਼ ਹੋਵੇਗਾ।
ਪ੍ਰਭ ਗਿੱਲ
ਪ੍ਰਭ ਗਿੱਲ ਨਵੇਂ ਸਾਲ 'ਤੇ ਧਾਰਮਿਕ ਗਾਣਾ ਲੈਕੇ ਆ ਰਹੇ ਹਨ। ਕਾਫੀ ਸਮੇਂ ਤੋਂ ਉਨ੍ਹਾਂ ਦੇ ਫੈਨਜ਼ ਉਨ੍ਹਾਂ ਦੇ ਗਾਣੇ ਦੀ ਉਡੀਕ ਕਰ ਰਹੇ ਸੀ। ੁਉਨ੍ਹਾਂ ਦਾ ਗਾਣਾ 'ਐਸੀ ਬਖਸ਼ੀਸ਼ ਕਰ' ਇਸੇ ਮਹੀਨੇ ਰਿਲੀਜ਼ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ: ਜੈਸਮੀਨ ਸੈਂਡਲਾਸ ਦਾ ਨਵੀਂ ਤਸਵੀਰ 'ਚ ਬੇਹੱਦ ਬੋਲਡ ਅਵਤਾਰ, ਫੈਨਜ਼ ਨੇ ਕਿਹਾ- ਸੱਚੀ ਬੰਬ ਆ ਗਿਆ