ਚੰਡੀਗੜ੍ਹ: ਕਲਰਜ਼ ਟੀਵੀ ਦੇ ਵਿਵਾਦਿਤ ਰਿਐਲਿਟੀ ਸ਼ੋਅ Bigg Boss ਦੇ ਵੀਕੈਂਡ ਕਾ ਵਾਰ 'ਚ ਹੋਸਟ ਸਲਮਾਨ ਖ਼ਾਨ ਪੂਰੇ ਹਫਤੇ ਘਰ ਦੇ ਮੌਜੂਦਾ ਮੁਕਾਬਲੇਬਾਜ਼ਾਂ ਦਾ ਲੇਖਾ ਜੋਖਾ ਕਰਦੇ ਹਨ। ਇਸ ਵਾਰ ਸਲਮਾਨ ਖਾਨ ਨੇ ਸ਼ੋਅ ਦੇ ਵੀਕੈਂਡ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ।
ਸ਼ੋਅ ਨਾਲ ਜੁੜੀਆਂ ਖਬਰਾਂ ਦੱਸਣ ਵਾਲੇ ਟਵਿੱਟਰ ਹੈਂਡਲ 'ਦ ਖ਼ਬਰੀ' ਦੀ ਮੰਨੀਏ ਤਾਂ ਸਲਮਾਨ ਨੇ ਸਿਧਾਰਥ ਸ਼ੁਕਲਾ 'ਤੇ ਜ਼ਬਰਦਸਤ ਵਾਰ ਕੀਤਾ ਹੈ। ਸਲਮਾਨ ਨੇ ਪੂਰੇ ਹਫਤੇ ਸਿਧਾਰਥ ਸ਼ੁਕਲਾ ਦੀ ਕਾਰਗੁਜ਼ਾਰੀ ਲਈ ਉਸ 'ਤੇ ਰੱਜ ਕੇ ਭਰਾਸ ਕੱਢੀ। ਸਲਮਾਨ ਸ਼ੁਕਲਾ 'ਤੇ ਬਹੁਤ ਭੜਕੇ।
ਜੇ ਤੁਸੀਂ ਸ਼ੋਅ ਵੇਖਦੇ ਹੋ ਤਾਂ ਤੁਹਾਨੂੰ ਪਤਾ ਹੋਏਗਾ ਕਿ ਇਸ ਹਫਤੇ ਸਿਧਾਰਥ ਸ਼ੁਕਲਾ ਤੇ ਆਸਿਮ ਰਿਆਜ਼ ਵਿਚਾਲੇ ਝਗੜਾ ਹੋਇਆ ਸੀ, ਜਿਸ ਤੋਂ ਬਾਅਦ ਸ਼ੋਅ ਦਾ ਮਾਹੌਲ ਵਿਗੜ ਗਿਆ ਹੈ। ਕਦੀ ਇਹ ਦੋਵੇਂ ਮੁਕਾਬਲੇਬਾਜ਼ ਇਕ ਦੂਜੇ ਦੇ ਦੋਸਤ ਸਨ, ਪਰ ਅੱਜ ਦੋਵਾਂ ਵਿਚਾਲੇ ਅਜਿਹੀ ਸਥਿਤੀ ਆ ਗਈ ਹੈ ਕਿ ਉਹ ਇਕ ਦੂਜੇ ਨੂੰ ਵੇਖਣਾ ਵੀ ਨਹੀਂ ਚਾਹੁੰਦੇ।
ਪ੍ਰਸ਼ੰਸਕ ਉਨ੍ਹਾਂ ਦੀ ਐਕਟੀਵਿਟੀ ਤੋਂ ਕਾਫ਼ੀ ਨਿਰਾਸ਼ ਹੋਏ ਹਨ। ਰੋਜ਼ਾਨਾ #StayStrongSidharthShukla ਤੇ #NationWithAsimRiaz ਲਗਾਤਾਰ ਸੋਸ਼ਲ ਮੀਡੀਆ 'ਤੇ ਟ੍ਰੈਂਡ ਕਰ ਰਹੇ ਹਨ।
ਹਾਲਾਂਕਿ, ਅੱਜ ਰਾਤ ਸਲਮਾਨ ਖਾਨ ਨੇ ਸਿਧਾਰਥ ਸ਼ੁਕਲਾ ਦੇ ਹਮਲਾਵਰ ਰਵੱਈਏ ਦੀ ਖਬਰ ਲੈ ਲਈ ਹੈ। ਟਵਿੱਟਰ ਹੈਂਡਲ ਖਬਰੀ ਦੇ ਅਨੁਸਾਰ ਸਲਮਾਨ ਨੇ ਸਿਧਾਰਥ ਸ਼ੁਕਲਾ ਨੂੰ ਨਿੰਦਾ ਕਰਦਿਆਂ ਕਿਹਾ, 'ਤੈਨੂੰ ਇੰਡਸਟਰੀ ਵਿੱਚ ਕੰਮ ਕਰਨਾ ਹੈ ਜਾਂ ਨਹੀਂ?'