Anurag Dobhal Bigg Boss 17: ਬਿੱਗ ਬੌਸ 17 ਇਨ੍ਹੀਂ ਦਿਨੀਂ ਕਾਫੀ ਚਰਚਾ 'ਚ ਹੈ। ਸ਼ੋਅ ਆਪਣੇ ਫਾਈਨਲ ਦੇ ਨੇੜੇ ਹੈ। ਅਜਿਹੇ 'ਚ ਇਸ ਤੋਂ ਪਹਿਲਾਂ ਵੀ ਮਸ਼ਹੂਰ ਯੂਟਿਊਬਰ ਅਨੁਰਾਗ ਡੋਭਾਲ ਨੂੰ ਸ਼ੋਅ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ। ਅਨੁਰਾਗ ਨੂੰ ਪ੍ਰਸ਼ੰਸਕਾਂ ਦੀਆਂ ਵੋਟਾਂ ਦੇ ਆਧਾਰ 'ਤੇ ਨਹੀਂ, ਸਗੋਂ ਘਰ ਵਾਲਿਆਂ ਦੀਆਂ ਵੋਟਾਂ ਦੇ ਆਧਾਰ 'ਤੇ ਸ਼ੋਅ ਤੋਂ ਬਾਹਰ ਕੀਤਾ ਗਿਆ ਸੀ। ਉਦੋਂ ਤੋਂ ਹੀ ਅਨੁਰਾਗ ਬਿੱਗ ਬੌਸ ਮੇਕਰਸ ਤੋਂ ਨਾਰਾਜ਼ ਹਨ। ਇਸ ਦੌਰਾਨ ਬਾਬੂ ਭਈਆ ਨੇ ਇਕ ਵੀਡੀਓ ਸ਼ੇਅਰ ਕਰਕੇ ਬਿੱਗ ਬੌਸ 'ਤੇ ਗੰਭੀਰ ਦੋਸ਼ ਲਾਏ ਹਨ।
ਇਹ ਵੀ ਪੜ੍ਹੋ: ਸਿੱਧੂ ਮੂਸੇਵਾਲਾ ਦਾ ਨਵਾਂ ਗਾਣਾ 'ਦ ਲਾਸਟ ਵਿਸ਼' ਹੋਇਆ ਰਿਲੀਜ਼, ਗਾਣੇ 'ਚ ਮਾਂ ਚਰਨ ਕੌਰ ਵੀ ਆਈ ਨਜ਼ਰ
ਅਨੁਰਾਗ ਡੋਵਾਲ ਨੇ ਇੱਕ ਵਲੌਗ ਸਾਂਝਾ ਕੀਤਾ ਹੈ। ਇਸ ਵਲੌਗ 'ਚ ਉਸ ਨੇ ਸਲਮਾਨ ਖਾਨ ਦੇ ਸ਼ੋਅ 'ਤੇ ਕਈ ਗੰਭੀਰ ਦੋਸ਼ ਲਗਾਏ ਹਨ, ਜਿਸ ਨੂੰ ਸੁਣ ਕੇ ਪ੍ਰਸ਼ੰਸਕਾਂ ਦੇ ਵੀ ਹੋਸ਼ ਉੱਡ ਗਏ ਹਨ। ਇਸ ਵਲੌਗ ਵਿੱਚ, ਉਸ ਨੇ ਆਪਣੇ ਨਾਲ ਹੋਏ ਦੁਰਵਿਵਹਾਰ ਅਤੇ ਤਸ਼ੱਦਦ ਬਾਰੇ ਖੁਲਾਸਾ ਕੀਤਾ ਹੈ। ਅਨੁਰਾਗ ਨੇ ਆਪਣੇ ਵਲੌਗ 'ਚ ਦੱਸਿਆ ਹੈ ਕਿ ਸ਼ੋਅ ਤੋਂ ਬਾਹਰ ਆਉਣ ਤੋਂ ਬਾਅਦ ਵੀ ਮੇਕਰਸ ਨੇ ਉਸ ਨੂੰ 2 ਦਿਨ ਤੱਕ ਹੋਟਲ ਦੇ ਕਮਰੇ 'ਚ ਪਰਿਵਾਰ ਨਾਲ ਸੰਪਰਕ ਨਹੀਂ ਕਰਨ ਦਿੱਤਾ।
ਅਨੁਰਾਗ ਨੇ ਬਿੱਗ ਬੌਸ ਮੇਕਰਸ 'ਤੇ ਗੰਭੀਰ ਲਗਾਏ ਦੋਸ਼
ਜੀ ਹਾਂ, ਬਾਬੂ ਭਈਆ ਨੇ ਵਲੌਗ ਵਿੱਚ ਦੱਸਿਆ ਹੈ ਕਿ- ਜਦੋਂ ਮੈਂ ਬਾਹਰ ਆ ਰਿਹਾ ਸੀ ਤਾਂ ਮੇਰੇ ਦਿਮਾਗ ਵਿੱਚ ਇੱਕ ਹੀ ਗੱਲ ਚੱਲ ਰਹੀ ਸੀ ਕਿ ਬਾਹਰ ਕੀ ਹੋ ਰਿਹਾ ਹੋਵੇਗਾ। ਮੈਨੂੰ ਬਾਹਰ ਦਾ ਕੁਝ ਪਤਾ ਨਹੀਂ ਸੀ। ਸ਼ੋਅ 'ਚੋਂ ਬਾਹਰ ਕੱਢੇ ਜਾਣ ਤੋਂ ਬਾਅਦ ਮੈਨੂੰ ਇਕ ਹੋਟਲ 'ਚ ਰੱਖਿਆ ਗਿਆ, ਜਿੱਥੇ ਮੈਨੂੰ ਦੋ ਦਿਨ ਤੱਕ ਆਪਣੇ ਪਰਿਵਾਰ ਨਾਲ ਗੱਲ ਕਰਨ ਦੀ ਵੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਸ਼ੋਅ ਖਤਮ ਹੋ ਗਿਆ ਸੀ ਪਰ ਮੈਨੂੰ ਲੱਗਾ ਕਿ ਉਹ ਮੈਨੂੰ ਬਹੁਤ ਤੰਗ ਕਰ ਰਹੇ ਹਨ। ਮੈਂ ਕਈ ਮਹੀਨੇ ਅਜਿਹੀ ਜਗ੍ਹਾ ਗੁਜ਼ਾਰ ਕੇ ਵਾਪਸ ਆਇਆ ਸੀ ਜਿੱਥੇ ਮੇਰਾ ਦੁਨੀਆ ਨਾਲ ਕੋਈ ਸੰਪਰਕ ਨਹੀਂ ਸੀ।
ਹੋਟਲ ਦੇ ਕਮਰੇ 'ਚ ਖੁਦਕੁਸ਼ੀ ਕਰਨ ਦਾ ਖਿਆਲ
ਅਨੁਰਾਗ ਨੇ ਵੀਡੀਓ 'ਚ ਅੱਗੇ ਕਿਹਾ ਕਿ ਜਦੋਂ ਮੈਂ ਹੋਟਲ 'ਚ ਸੀ ਤਾਂ ਉਸ ਦੋ ਦਿਨਾਂ ਦੌਰਾਨ ਮੇਰੇ ਦਿਮਾਗ 'ਚ ਖੁਦਕੁਸ਼ੀ ਦਾ ਖਿਆਲ ਵੀ ਆਇਆ। ਮੈਂ ਸੋਚ ਰਿਹਾ ਸੀ ਕਿ ਮੈਂ ਅਜਿਹਾ ਕੀ ਕੀਤਾ ਹੈ ਕਿ ਮੈਂ ਇਹ ਸਜ਼ਾ ਭੁਗਤ ਰਿਹਾ ਹਾਂ। ਪਰ ਰੱਬ ਨੇ ਮੈਨੂੰ ਥੋੜੀ ਸਿਆਣਪ ਦਿੱਤੀ ਅਤੇ ਮੈਂ ਹੋਟਲ ਦੇ ਕਮਰੇ ਵਿੱਚ ਕੋਈ ਗਲਤ ਕਦਮ ਨਹੀਂ ਚੁੱਕਿਆ। ਇੰਨੇ ਸਮੇਂ ਬਾਅਦ ਵੀ ਜਦੋਂ ਮੈਂ ਬਾਹਰ ਆਇਆ ਤਾਂ ਉਨ੍ਹਾਂ ਨੇ ਮੈਨੂੰ ਆਪਣੇ ਪਰਿਵਾਰ ਨਾਲ ਮਿਲਣ ਨਹੀਂ ਦਿੱਤਾ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਅਨੁਭਵ ਨੂੰ ਸ਼ੇਅਰ ਕਰਦੇ ਹੋਏ ਅਨੁਰਾਗ ਥੋੜੇ ਭਾਵੁਕ ਵੀ ਹੋ ਗਏ।