Bigg Boss 17 Promo: ਸਲਮਾਨ ਖਾਨ ਦਾ ਸ਼ੋਅ ਬਿੱਗ ਬੌਸ 17 ਇਨ੍ਹੀਂ ਦਿਨੀਂ ਸੁਰਖੀਆਂ ਵਿੱਚ ਹੈ। ਸ਼ੋਅ ਨੂੰ ਦਰਸ਼ਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਘਰ ਵਿੱਚ ਹਰ ਰੋਜ਼ ਕਿਸੇ ਨਾ ਕਿਸੇ ਨਾਲ ਲੜਾਈ ਹੁੰਦੀ ਰਹਿੰਦੀ ਹੈ। ਸ਼ੋਅ 'ਚ ਦੋ ਕੱਪਲ ਯਾਨਿ ਅੰਕਿਤਾ ਲੋਖੰਡੇ-ਵਿੱਕੀ ਜੈਨ ਤੇ ਨੀਲ ਭੱਟ-ਐਸ਼ਵਰਿਆ ਸ਼ਰਮਾ ਹਨ, ਜਿਨ੍ਹਾਂ ਦੀ ਆਪਸ ਵਿੱਚ ਬਿਲਕੁਲ ਵੀ ਬਣ ਨਹੀਂ ਰਹੀ ਹੈ। ਉਨ੍ਹਾਂ ਵਿਚਾਲੇ ਇਕ ਵਾਰ ਫਿਰ ਵਿਵਾਦ ਦੇਖਣ ਨੂੰ ਮਿਲਿਆ ਹੈ।
ਅੰਕਿਤਾ ਲੋਖੰਡੇ 'ਤੇ ਬੁਰੀ ਤਰ੍ਹਾਂ ਖਿਝਿਆ ਨੀਲ
ਇਸ ਵਾਰ ਅੰਕਿਤਾ ਅਤੇ ਨੀਲ ਵਿਚਾਲੇ ਜ਼ਬਰਦਸਤ ਲੜਾਈ ਹੋਈ ਹੈ, ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਏ ਪ੍ਰੋਮੋ 'ਚ ਨੀਲ ਭੱਟ ਅੰਕਿਤਾ ਲੋਖੰਡੇ 'ਤੇ ਬੁਰੀ ਤਰ੍ਹਾਂ ਚੀਕਦੇ ਨਜ਼ਰ ਆ ਰਹੇ ਹਨ। ਇਸ ਲੜਾਈ 'ਚ ਨੀਲ ਆ ਕੇ ਅੰਕਿਤਾ ਦੇ ਕੋਲ ਬੈਠ ਜਾਂਦਾ ਹੈ, ਜਿਸ ਤੋਂ ਬਾਅਦ ਅੰਕਿਤਾ ਉਸ ਨੂੰ ਕਹਿੰਦੀ ਹੈ- 'ਤੁਸੀਂ ਮੇਰੇ ਨੇੜੇ ਕਿਉਂ ਆ ਰਹੇ ਹੋ, ਤੁਹਾਡੇ ਮੂੰਹ 'ਚੋਂ ਬਦਬੂ ਆ ਰਹੀ ਹੈ।' ਇਸ 'ਤੇ ਨੀਲ ਨੂੰ ਇਹ ਕਹਿੰਦੇ ਸੁਣਿਆ ਜਾਂਦਾ ਹੈ ਕਿ ਇਸ ਤੋਂ ਖੋਖਲੇਪਨ ਦੀ ਬਦਬੂ ਆ ਰਹੀ ਹੈ... ਅੰਕਿਤਾ ਕਹਿੰਦੀ ਹੈ ਕਿ ਤੁਸੀਂ ਇਹ ਚਾਹੁੰਦੇ ਹੋ... ਤਾਂ ਨੀਲ ਕਹਿੰਦਾ ਹੈ, ਹਾਂ, ਮੈਂ ਇਹੀ ਚਾਹੁੰਦਾ ਹਾਂ। ਇਸ 'ਤੇ ਅੰਕਿਤਾ ਕਹਿੰਦੀ ਹੈ ਕਿ ਅੱਜ ਮੈਂ ਤੈਨੂੰ ਪੂਰਾ ਦਿਨ ਛੇੜਾਂਗੀ।
ਫਿਰ ਨੀਲ ਕਹਿੰਦਾ ਹੈ ਕਿ ਤੁਸੀਂ ਲੋਕ ਹਮੇਸ਼ਾ ਹੀ ਪੋਕ ਕਰਨਾ, ਚਾਕੂ ਮਾਰਨਾ ਤੇ ਦੂਜੇ ਨੂੰ ਚਿੜਾਉਣਾ ਹੀ ਸਿੱਖਿਆ ਹੈ। ਹੱਥ ਥੱਲੇ ਰੱਖ ਕੇ ਗੱਲ ਕਰ...... ਇਸ 'ਤੇ ਅੰਕਿਤਾ ਨੀਲ 'ਤੇ ਚੀਕ ਕੇ ਉਸ ਨੂੰ ਚੁੱਪ ਕਰਵਾਉਣ ਦੀ ਕੋਸ਼ਿਸ਼ ਕਰਦੀ ਹੈ। ਪਰ ਅੱਗੋਂ ਨੀਲ ਬੁਰੀ ਤਰ੍ਹਾਂ ਭੜਕ ਜਾਂਦਾ ਹੈ ਅਤੇ ਡਬਲ ਆਵਾਜ਼ 'ਚ ਅੰਕਿਤਾ ਨੂੰ ਕਹਿੰਦਾ ਹੈ ਕਿ 'ਤੂੰ ਚੁੱਪ ਕਰਕੇ ਨਿੱਕਲ....' ਨੀਲ ਅੰਕਿਤਾ 'ਤੇ ਇਨ੍ਹਾਂ ਜ਼ਿਆਦਾ ਅਗਰੈਸਿਵ ਹੋ ਰਿਹਾ ਹੈ, ਕਿ ਕੁੱਝ ਲੋਕਾਂ ਨੂੰ ਇਹ ਚੁਭ ਰਿਹਾ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਸ 'ਤੇ ਪ੍ਰਤੀਕਿਿਰਿਆ ਜ਼ਾਹਰ ਕੀਤੀ ਹੈ। ਲੋਕ ਕਮੈਂਟ ਕਰ ਲਿਖ ਰਹੇ ਹਨ ਕਿ 'ਨੀਲ ਦਾ ਅਸਲ ਚਿਹਰਾ ਸਾਹਮਣੇ ਆ ਗਿਆ ਹੈ। ਇਹ ਬਹੁਤ ਘਟੀਆ ਆਦਮੀ ਹੈ।'
ਇਕ ਹੋਰ ਯੂਜ਼ਰ ਨੇ ਲਿਖਿਆ- 'ਨੀਲ ਜਿਸ ਤਰ੍ਹਾਂ ਅੰਕਿਤਾ 'ਤੇ ਦੋਸ਼ ਲਗਾ ਰਿਹਾ ਹੈ, ਉਹ ਉਸ ਨੂੰ ਫੂਲ ਬਣਾ ਰਿਹਾ ਹੈ, ਕੂਲ ਨਹੀਂ'।