Hardy Sandhu Vicky Kaushal Dance Video: ਹਾਰਡੀ ਸੰਧੂ ਦਾ ਹਾਲ ਹੀ ’ਚ ਗੀਤ ‘ਕਿਆ ਬਾਤ ਏ’ ਫ਼ਿਲਮ ‘ਗੋਵਿੰਦਾ ਨਾਮ ਮੇਰਾ’ ’ਚ ਸੁਣਨ ਨੂੰ ਮਿਲਿਆ ਹੈ। ‘ਗੋਵਿੰਦਾ ਨਾਮ ਮੇਰਾ’ ਫ਼ਿਲਮ ’ਚ ਵਿੱਕੀ ਕੌਸ਼ਲ, ਕਿਆਰਾ ਅਡਵਾਨੀ ਤੇ ਭੂਮੀ ਪੇਡਨੇਕਰ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ। ਹਾਰਡੀ ਸੰਧੂ ਦੇ ਇਸ ਗੀਤ ਨੂੰ ਥੋੜ੍ਹਾ ਬਦਲ ਕੇ ਫ਼ਿਲਮ ਲਈ ਵਰਤਿਆ ਗਿਆ ਹੈ, ਜਿਸ ’ਤੇ ਵਿੱਕੀ ਕੌਸ਼ਲ ਤੇ ਕਿਆਰਾ ਅਡਵਾਨੀ ਨੇ ਸ਼ਾਨਦਾਰ ਡਾਂਸ ਕੀਤਾ ਹੈ।
ਇਸ ਗੀਤ ਨੂੰ ਯੂਟਿਊਬ ’ਤੇ 49 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਉਥੇ ਹਾਲ ਹੀ ’ਚ ਗਾਇਕ ਹਾਰਡੀ ਸੰਧੂ ਨੇ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ’ਚ ਉਹ ਵਿੱਕੀ ਕੌਸ਼ਲ ਨਾਲ ਨਜ਼ਰ ਆ ਰਹੇ ਹਨ। ਹਾਰਡੀ ਤੇ ਵਿੱਕੀ ‘ਕਿਆ ਬਾਤ ਏ’ ਗੀਤ ’ਤੇ ਡਾਂਸ ਕਰਦੇ ਦਿਖਾਈ ਦੇ ਰਹੇ ਹਨ। ਦੋਵਾਂ ਦੀ ਇਸ ਵੀਡੀਓ ਨੂੰ ਪ੍ਰਸ਼ੰਸਕਾਂ ਵਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਹਾਰਡੀ ਦੀ ਇਸ ਵੀਡੀਓ ਨੂੰ 3.4 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ।
ਹਾਰਡੀ ਸੰਧੂ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਮੂਲ ਤੌਰ ‘ਤੇ ਉਹ ਪੰਜਾਬੀ ਗਾਇਕ ਹੈ। ਉਸ ਨੇ ਆਪਣੀ ਮੇਹਨਤ ਤੇ ਹੁਨਰ ਸਦਕਾ ਬਾਲੀਵੁੱਡ ‘ਚ ਵੀ ਪਛਾਣ ਬਣਾਈ ਹੈ। ਉਹ ਹਾਲ ਹੀ ‘ਚ ‘ਕੋਡ ਨੇਮ ਤਿਰੰਗਾ’ ਫਿਲਮ ‘ਚ ਪਰੀਨਿਤੀ ਚੋਪੜਾ ਨਾਲ ਨਜ਼ਰ ਆਇਆ ਸੀ। ਫਿਲਮ ਤਾਂ ਫਲਾਪ ਹੋ ਗਈ ਸੀ, ਪਰ ਫਿਲਮ ਵਿੱਚ ਦੋਵਾਂ ਦੀ ਕੈਮਿਸਟਰੀ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਸ ਦੇ ਨਾਲ ਨਾਲ ਹਾਰਡੀ ਸੰਧੂ ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੂਕੋਣ ਦੀ ਫਿਲਮ ‘83’ ‘ਚ ਕੰਮ ਕਰ ਚੁੱਕਿਆ ਹੈ।