Katrina Kaif Praises Vicky Kaushal: ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਇਨ੍ਹੀਂ ਦਿਨੀਂ ਸੁਰਖੀਆਂ ਵਿੱਚ ਹੈ। ਉਹ ਆਪਣੀ ਆਉਣ ਵਾਲੀ ਫਿਲਮ 'ਮੈਰੀ ਕ੍ਰਿਸਮਸ' ਦੇ ਪ੍ਰਮੋਸ਼ਨ 'ਚ ਰੁੱਝੀ ਹੋਈ ਹੈ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਵਿਜੇ ਸੇਤੂਪਤੀ ਮੁੱਖ ਭੂਮਿਕਾ 'ਚ ਨਜ਼ਰ ਆਉਣਗੇ। ਫਿਲਮ ਦੇ ਪ੍ਰਮੋਸ਼ਨ 'ਚ ਰੁੱਝੀ ਕੈਟਰੀਨਾ ਕੈਫ ਨੇ ਇਕ ਇੰਟਰਵਿਊ ਦੌਰਾਨ ਵਿੱਕੀ ਕੌਸ਼ਲ ਦੀ ਤਾਰੀਫ ਕੀਤੀ ਹੈ। ਕੈਟ ਨੇ ਦੱਸਿਆ ਕਿ ਕਿਵੇਂ ਉਹ ਉਨ੍ਹਾਂ ਦੀਆਂ ਨਾਨ-ਸਟਾਪ ਗੱਲਾਂ ਸੁਣਦਾ ਰਹਿੰਦਾ ਹੈ।
ਪਿੰਕਵਿਲਾ ਨਾਲ ਖਾਸ ਗੱਲਬਾਤ ਦੌਰਾਨ ਕੈਟਰੀਨਾ ਕੈਫ ਨੇ ਫਿਲਮ ਦੇ ਨਾਲ-ਨਾਲ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਵੀ ਗੱਲ ਕੀਤੀ। ਇੱਕ ਪ੍ਰਸ਼ੰਸਕ ਨੇ ਕੈਟਰੀਨਾ ਤੋਂ ਪੁੱਛਿਆ ਕਿ ਉਹ ਹਮੇਸ਼ਾ ਇੰਨੀ ਸ਼ਾਂਤ ਕਿਵੇਂ ਰਹਿੰਦਾ ਹੈ। ਇਸ ਦੇ ਜਵਾਬ 'ਚ ਕੈਟਰੀਨਾ ਕੈਫ ਨੇ ਵਿੱਕੀ ਕੌਸ਼ਲ ਦੀ ਤਾਰੀਫ ਕੀਤੀ।
ਵਿੱਕੀ ਸ਼ਾਂਤੀ ਨਾਲ ਮੇਰੀਆਂ ਗੱਲਾਂ ਸੁਣਦਾ ਹੈ...
ਕੈਟਰੀਨਾ ਨੇ ਕਿਹਾ- ਇਸ ਲਈ ਜਦੋਂ ਮੈਂ ਘਰ ਜਾਂਦੀ ਹਾਂ ਤਾਂ 45 ਮਿੰਟ ਤੱਕ ਲਗਾਤਾਰ ਬੋਲਦੀ ਹਾਂ। ਜੇ ਮੈਂ ਉਤੇਜਨਾ ਜਾਂ ਗੁੱਸੇ ਵਿਚ ਤੇਜ਼ ਬੋਲਦੀ ਹਾਂ, ਤਾਂ ਉਹ ਕਈ ਵਾਰ ਕਹਿੰਦਾ ਹੈ ਕਿ ਉਹ ਕੁਝ ਵੀ ਸਮਝ ਨਹੀਂ ਪਾ ਰਿਹਾ ਕਿਉਂਕਿ ਮੈਂ ਬਹੁਤ ਤੇਜ਼ੀ ਨਾਲ ਬੋਲ ਰਹੀ ਹਾਂ, ਉਹ ਕਹਿੰਦਾ ਹੈ - ਤੁਤੁਹਾਡਾ ਐਕਸੈਂਟ (ਬੋਲਣ ਦਾ ਤਰੀਕਾ) ਇੰਗਲਿਸ਼ ਹੈ ਤੇ ਮੈਂ ਸਭ ਕੁੱਝ ਬੋਲ ਦਿੰਦੀ ਹਾਂ। ਉਹ ਬਹੁਤ ਈਮਾਨਦਾਰੀ ਨਾਲ ਸਭ ਸੁਣਦਾ ਹੈ। ਤੁਹਾਨੂੰ ਉਸ ਸਮੇਂ ਲੱਗਦਾ ਹੈ ਕਿ ਤੁਹਾਡਾ ਸਾਰਾ ਭਾਰ ਹਲਕਾ ਹੋ ਗਿਆ ਅਤੇ ਫਿਰ ਅਸੀਂ ਇਸ ਦੇ ਬਾਰੇ ਭੁੱਲ ਜਾਂਦੇ ਹਾਂ। ਇਸ ਤਰ੍ਹਾਂ ਮੈਂ ਸ਼ਾਂਤ ਹੋ ਜਾਂਦੀ ਹਾਂ।
ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ 'ਚ ਵਿੱਕੀ ਅਤੇ ਕੈਟਰੀਨਾ ਨਵੇਂ ਸਾਲ ਦਾ ਜਸ਼ਨ ਮਨਾ ਕੇ ਵਾਪਸ ਆਏ ਸਨ। ਇਸ ਜੋੜੇ ਨੇ ਇਸ ਸਾਲ ਰਾਜਸਥਾਨ ਵਿੱਚ ਆਪਣਾ ਨਵਾਂ ਸਾਲ ਮਨਾਇਆ। ਕੈਟਰੀਨਾ ਅਤੇ ਵਿੱਕੀ ਦੋਵਾਂ ਨੇ ਆਪਣੀਆਂ ਛੁੱਟੀਆਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਸਨ।
ਕੈਟਰੀਨਾ ਦੀ ਫਿਲਮ 'ਮੈਰੀ ਕ੍ਰਿਸਮਸ' ਦੀ ਗੱਲ ਕਰੀਏ ਤਾਂ ਪਹਿਲਾਂ ਇਹ 15 ਦਸੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਵਾਲੀ ਸੀ, ਪਰ ਬਾਅਦ 'ਚ ਇਸ ਨੂੰ 8 ਦਸੰਬਰ ਨੂੰ ਰਿਲੀਜ਼ ਕੀਤਾ ਗਿਆ। 8 ਦਸੰਬਰ ਨੂੰ ਇਹ ਫਿਲਮ ਸਿਧਾਰਥ ਮਲਹੋਤਰਾ ਦੀ 'ਯੋਧਾ' ਨਾਲ ਟਕਰਾਅ ਰਹੀ ਸੀ, ਜਿਸ ਕਾਰਨ ਇਸ ਨੂੰ ਟਾਲ ਕੇ 12 ਜਨਵਰੀ ਨੂੰ ਰਿਲੀਜ਼ ਕੀਤਾ ਜਾਵੇਗਾ।