Salman Khan Trivia: ਤਿੰਨ ਦਹਾਕਿਆਂ ਤੋਂ ਫਿਲਮ ਇੰਡਸਟਰੀ 'ਤੇ ਰਾਜ ਕਰ ਰਹੇ ਸਲਮਾਨ ਖਾਨ ਬਾਲੀਵੁੱਡ ਦੇ ਬਹੁਤ ਹੀ ਦਿੱਗਜ ਅਭਿਨੇਤਾ ਹਨ। ਸਲਮਾਨ ਖਾਨ ਨੇ ਆਪਣੇ ਫਿਲਮੀ ਕਰੀਅਰ 'ਚ ਇਕ ਤੋਂ ਵਧ ਕੇ ਇਕ ਬਲਾਕਬਸਟਰ ਫਿਲਮਾਂ ਦਿੱਤੀਆਂ ਹਨ। ਹਾਲਾਂਕਿ ਸਲਮਾਨ ਖਾਨ ਨੇ ਵੀ ਕੁਝ ਫਿਲਮਾਂ 'ਚ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਕੀ ਤੁਸੀਂ ਜਾਣਦੇ ਹੋ, ਜਿਹੜੀਆਂ ਫ਼ਿਲਮਾਂ ਨੂੰ ਸਲਮਾਨ ਨੇ ਠੁਕਰਾਇਆ, ਉਹੀ ਫ਼ਿਲਮਾਂ ਕਰਕੇ ਸ਼ਾਹਰੁਖ ਖਾਨ ਅੱਜ ਬਾਲੀਵੁੱਡ ਦੇ ਕਿੰਗ ਖਾਨ ਕਹਾਉਂਦੇ ਹਨ। ਆਓ ਜਾਣਦੇ ਹਾਂ ਉਨ੍ਹਾਂ ਫਿਲਮਾਂ ਬਾਰੇ ਜਿਨ੍ਹਾਂ ਨੂੰ ਕਰਨ ਤੋਂ ਦਬੰਗ ਖਾਨ ਨੇ ਇਨਕਾਰ ਕਰ ਦਿੱਤਾ ਸੀ।
ਬਾਜ਼ੀਗਰਬਾਜ਼ੀਗਰ ਨੂੰ ਸ਼ਾਹਰੁਖ ਖਾਨ ਦੇ ਕਰੀਅਰ ਦੀ ਸਭ ਤੋਂ ਵਧੀਆ ਫਿਲਮ ਮੰਨਿਆ ਜਾਂਦਾ ਹੈ। ਹਾਲਾਂਕਿ ਅੱਬਾਸ ਮਸਤਾਨ ਨੇ ਇਸ ਫਿਲਮ 'ਚ ਮੁੱਖ ਭੂਮਿਕਾ ਲਈ ਸ਼ਾਹਰੁਖ ਖਾਨ ਤੋਂ ਪਹਿਲਾਂ ਸਲਮਾਨ ਖਾਨ ਨਾਲ ਸੰਪਰਕ ਕੀਤਾ ਸੀ ਪਰ ਸਲਮਾਨ ਨੇ ਨੈਗੇਟਿਵ ਕਿਰਦਾਰ ਕਾਰਨ ਫਿਲਮ 'ਚ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ।
ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇਆਦਿਤਿਆ ਚੋਪੜਾ ਦੁਆਰਾ ਨਿਰਦੇਸ਼ਿਤ, ਕਾਜੋਲ ਅਤੇ ਸ਼ਾਹਰੁਖ ਖਾਨ ਅਭਿਨੀਤ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਬਾਲੀਵੁੱਡ ਦੀਆਂ ਸਭ ਤੋਂ ਵੱਡੀਆਂ ਬਲਾਕਬਸਟਰ ਫਿਲਮਾਂ ਵਿੱਚੋਂ ਇੱਕ ਹੈ। ਇਸ ਫਿਲਮ ਤੋਂ ਬਾਅਦ ਪ੍ਰਸ਼ੰਸਕ ਸ਼ਾਹਰੁਖ ਖਾਨ ਅਤੇ ਕਾਜੋਲ ਦੇ ਦੀਵਾਨੇ ਹੋ ਗਏ। ਹਾਲਾਂਕਿ ਰਾਜ ਦੇ ਰੋਲ ਲਈ ਸਲਮਾਨ ਖਾਨ ਦੀ ਵੀ ਚਰਚਾ ਸੀ ਪਰ ਕਿਸੇ ਕਾਰਨ ਸੱਲੂ ਮੀਆਂ ਇਸ ਫਿਲਮ 'ਚ ਕੰਮ ਨਹੀਂ ਕਰ ਸਕੇ।
ਗਜਨੀਸਾਲ 2008 'ਚ ਆਈ ਆਮਿਰ ਖਾਨ ਦੀ ਫਿਲਮ 'ਗਜਨੀ' ਨੇ ਬਾਕਸ ਆਫਿਸ 'ਤੇ ਕਮਾਈ ਦੇ ਨਵੇਂ ਰਿਕਾਰਡ ਬਣਾਏ ਸਨ। ਇਹ ਫਿਲਮ ਦੱਖਣ ਦੀ ਗਜਨੀ ਦਾ ਹਿੰਦੀ ਰੀਮੇਕ ਸੀ। ਜਦੋਂ ਇਹ ਫਿਲਮ ਆਮਿਰ ਨੂੰ ਆਫਰ ਕੀਤੀ ਗਈ ਤਾਂ ਉਨ੍ਹਾਂ ਨੇ ਇਸ 'ਚ ਕੰਮ ਕਰਨ ਲਈ ਸਲਮਾਨ ਖਾਨ ਦਾ ਨਾਂ ਸੁਝਾਇਆ। ਹਾਲਾਂਕਿ ਸਲਮਾਨ ਦੇ ਇਨਕਾਰ ਤੋਂ ਬਾਅਦ ਆਮਿਰ ਨੇ ਫਿਲਮ 'ਚ ਕੰਮ ਕੀਤਾ।
ਚੱਕ ਦੇ ਇੰਡੀਆਯਸ਼ਰਾਜ ਫਿਲਮਜ਼ ਦੀ ਫਿਲਮ 'ਚੱਕ ਦੇ ਇੰਡੀਆ' ਵਿੱਚ ਕੋਚ ਕਬੀਰ ਖਾਨ ਦੀ ਭੂਮਿਕਾ ਸਭ ਤੋਂ ਪਹਿਲਾਂ ਸਲਮਾਨ ਖਾਨ ਨੂੰ ਆਫਰ ਕੀਤੀ ਗਈ ਸੀ। ਸਲਮਾਨ ਨੇ ਕਿਸੇ ਕਾਰਨ ਇਸ ਫਿਲਮ 'ਚ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਇਹ ਕਿਰਦਾਰ ਸ਼ਾਹਰੁਖ ਨੇ ਨਿਭਾਇਆ। ਫਿਲਮ ਨੂੰ ਬਾਕਸ ਆਫਿਸ 'ਤੇ ਸ਼ਾਨਦਾਰ ਸਫਲਤਾ ਮਿਲੀ।