ਮਨੋਰੰਜਨ ਜਗਤ ਦੀ ਹਰ ਖਬਰ, ਸਿਰਫ 2 ਮਿੰਟ 'ਚ

1- ਕੁਲਬੀਰ ਝਿੰਜਰ ਦੇ ਨਵੇਂ ਗੀਤ 'ਕਿਰਪਾਨਾ' ਦਾ ਮੋਸ਼ਨ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਗੀਤ ਨੂੰ ਮਿਊਜ਼ਿਕ ਦੀਪ ਜੰਡੂ ਨੇ ਦਿੱਤਾ ਹੈ। ਗੀਤ ਦੇ ਬੋਲ ਨਰਿੰਦਰ ਬਾਠ ਨੇ ਲਿਖੇ ਹਨ। ਪੂਰਾ ਗੀਤ 23ਨਵੰਬਰ ਨੂੰ ਰਿਲੀਜ਼ ਹੋਵੇਗਾ। 2- ਅਭਿਨੇਤਾ ਗੁਰਮੀਤ ਚੌਧਰੀ ਦਾ ਕਹਿਣਾ ਹੈ ਉਹ ਮੰਨਦੇ ਹਨ ਕਿ ਉਹ ਆਪਣੇ ਸਾਰੇ ਕਿਰਦਾਰਾਂ ਨੂੰ ਆਪਣਾ 100 ਫੀਸਦ ਦਿੰਦੇ ਹਨ ਅਤੇ ਉਹ ਇੱਕ ਭਾਵੁਕ ਅਭਿਨੇਤਾ ਹਨ। ਜੇਕਰ ਕਿਸੇ ਕਿਰਦਾਰ ਲਈ ਉਹਨਾਂ ਦਾ ਨਿਊਡ ਹੋਣਾ ਜ਼ਰੂਰੀ ਹੋਇਆ ਤਾਂ ਉਹ ਵੀ ਕਰਨਾ ਪਸੰਦ ਕਰਨਗੇ। 3- ਸੂਚਨਾ ਅਤੇ ਪ੍ਰਸਾਰਨ ਮੰਤਰੀ ਐਮ ਵੈਂਕਿਯਾ ਨਾਇਡੂ ਨੇ ਅੰਤਰਾਸ਼ਟਰੀ ਭਾਰਤੀ ਫਿਲਮ ਮਹਾਉਤਸਵ ਦੇ ਉਦਘਾਟਨ ਮੌਕੇ ਕਿਹਾ ਕਿ ਮੈਂ ਸਮਝਦਾ ਹਾਂ ਕਿ ਹਰ ਥਾਂ ਕਾਲਾ ਧਨ ਹੈ ਸਮਾਜ ਦੇ ਹਰ ਹਿੱਸੇ, ਸਿਆਸਤ ਅਤੇ ਸਿਨੇਮਾ ਵਿੱਚ ਵੀ ਹੈ ਜਿਸਤੋਂ ਮੁਕਤੀ ਪਾਉਣ ਦੀ ਲੋਡ਼ ਹੈ ਤਾਂਕਿ ਸ਼ਾਂਤੀਪੂਰਨ ਜੀਵਨ ਜੀ ਸਕੀਏ। 4- ਨਿਊਜ਼ੀਲੈਂਡ ਗਏ ਸਿਧਾਰਥ ਮਲਹੋਤਰਾ ਦਾ ਕਹਿਣਾ ਹੈ ਕਿ ਭਾਰਤੀਆਂ ਵਿੱਚ ਵਾਤਾਵਰਨ ਦੇ ਪ੍ਰਤੀ ਸਨਮਾਨ ਨਹੀਂ ਬੱਚਿਆ। ਉਹਨਾਂ ਕਿਹਾ ਕਿ ਸਾਨੂੰ ਨਿਊਜ਼ੀਲੈਂਡ ਦੇ ਲੋਕਾਂ ਤੋਂ ਸਿੱਖਣਾ ਹੋਵੇਗਾ ਕਿ ਕਿਵੇਂ ਵਾਤਾਵਰਨ ਸਾਫ ਰਖਦੇ ਹਨ। ਸਿਧਾਰਥ ਭਾਰਤ ਵਿੱਚ ਨਿਊਜ਼ੀਲੈਂਡ ਟੂਰਿਜ਼ਮ ਦੇ ਬ੍ਰੈਂਡ ਅੰਬੈਸੇਡਰ ਹਨ। 5- ਬਾਲੀਵੁੱਡ ਅਭਿਨੇਤਾ ਆਮਿਰ ਖਾਨ ਅੰਤਰਾਸ਼ਟਰੀ ਪੱਧਰ ਦੀ ਭਲਵਾਨ ਗੀਤਾ ਫੋਗਟ ਦੇ ਵਿਆਹ ਸਮਾਰੋਹ ਵਿੱਚ ਹਿੱਸਾ ਲੈਣ ਹਰਿਆਣਾ ਵਿੱਚ ਉਹਨਾਂ ਦੇ ਜੱਦੀ ਪਿੰਡ ਪਹੁੰਚੇ। ਆਗਾਮੀ ਫਿਲਮ 'ਦੰਗਲ' ਵਿੱਚ ਆਮਿਰ ਨੇ ਗੀਤਾ ਦੇ ਪਿਤਾ ਮਹਾਵੀਰ ਸਿੰਘ ਫੋਗਟ ਦਾ ਕਿਰਦਾਰ ਨਿਭਾਇਆ ਹੈ। 6- ਇਸ ਮੌਕੇ ਆਮਿਰ ਖਾਨ ਨੇ ਕਿਹਾ ਕਿ ਪੀਐਮ ਦੇ ਨੋਟਬੰਦੀ ਦੇ ਕਦਮ ਤੋਂ ਉਹ ਪ੍ਰਭਾਵਿਤ ਨਹੀਂ ਹੋਏ ਕਿਉੰਕਿ ਉਹਨਾਂ ਦਾ ਸਾਰਾ ਪੈਸਾ ਬੈਂਕਾਂ ਵਿੱਚ ਸੁਰੱਖਿਅਤ ਹੈ ਅਤੇ ਭੁਗਤਾਨ ਚੈੱਕ ਰਾਂਹੀ ਹੁੰਦਾ ਹੈ। ਆਮਿਰ ਮੁਤਾਬਕ ਅਸੀਂ ਕੁਝ ਕਹਿਣ ਤੋਂ ਡਰਦੇ ਹਾਂ ਕਿਉੰਕਿ ਸਾਡਾ ਕਿਹਾ ਅਲਗ ਦਿਸ਼ਾ ਚ ਲਿਆ ਜਾਂਦਾ ਹੈ। 7- ਕਰੀਨਾ ਕਪੂਰ ਖਾਨ ਕੁੱਝ ਹੀ ਦਿਨਾਂ ਵਿੱਚ ਹੀ ਮਾਂ ਬਣਨ ਵਾਲੀ ਹੈ ਬਾਵਜੂਦ ਇਸਦੇ ਕਰੀਨਾ ਲਗਾਤਾਰ ਕੰਮ ਕਰ ਮਹਿਲਾਵਾਂ ਲਈ ਮਿਸਾਲ ਪੇਸ਼ ਕਰ ਰਹੀ ਹੈ। ਹਾਲ ਹੀ ਵਿੱਚ ਕਰੀਨਾ ਨੇ ਐਚਟੀ ਬ੍ਰੰਚ ਲਈ ਇੱਕ ਬਲੈਕ ਐਂਡ ਵਾਈਟ ਫੋਟੋਸ਼ੂਟ ਕਰਵਾਇਆ ਹੈ ਜੋ ਖੂਬ ਵਾਇਰਲ ਹੋ ਰਿਹੈ। 8- ਬਾਲੀਵੁੱਡ ਅਭਿਨੇਤਾ ਸ਼ਾਹਿਦ ਕਪੂਰ ਦੀ ਪਤਨੀ ਮੀਰਾ ਰਾਜਪੂਤ ਛੋਟੇ ਪਰਦੇ 'ਤੇ ਡੈਬਿਊ ਕਰਨ ਜਾ ਰਹੀ ਹੈ। ਡੀਐਨਏ ਦੀ ਰਿਪੋਰਟ ਮੁਤਾਬਕ ਮੀਰਾ ਜਲਦੀ ਸ਼ਾਹਿਦ ਕਪੂਰ ਨਾਲ ਹੀ ਟੀ. ਵੀ. ਦੇ ਪਾਪੂਲਰ ਸ਼ੋਅ 'ਕੌਫੀ ਵਿਦ ਕਰਨ' ਨਾਲ ਆਪਣਾ ਡੈਬਿਊ ਕਰਨ ਵਾਲੀ ਹੈ। ਇਹ ਐਪੀਸੋਡ ਦਸੰਬਰ ਦੇ ਮੱਧ 'ਚ ਪ੍ਰਸਾਰਿਤ ਹੋਵੇਗਾ 9- ਬਾਲੀਵੁੱਡ ਦੇ ਖਿਲਾਡ਼ੀ ਅਕਸ਼ੇ ਕੁਮਾਰ ਅਤੇ ਸੁਪਰਸਟਾਰ ਰਜਨੀਕਾਂਤ ਦੀ ਅਪਕਮਿੰਗ ਫਿਲਮ '2.0' ਵਿੱਚ ਅਕਸ਼ੇ ਦਾ ਲੁੱਕ ਸਾਹਮਣੇ ਆ ਗਿਆ ਹੈ। ਖਬਰਾਂ ਮੁਤਾਬਕ ਅਕਸ਼ੇ ਵਿਗਿਆਨਿਕ ਦੇ ਰੋਲ ਵਿੱਚ ਹਨ ਜਿਨਾਂ ਦਾ ਹੁਲੀਆ ਪੂਰੀ ਤਰ੍ਹਾਂ ਬਦਲ ਦਿੱਤਾ ਗਿਆ ਹੈ। 10- ਯਸ਼ ਰਾਜ ਸਟੂਡੀਓ 'ਚ ਫਰਸਟ ਲੁੱਕ ਲਈ ਸਲਮਾਨ ਖਾਨ ਵੀ ਪਹੁੰਚੇ। ਹਾਲਾਂਕਿ ਮਹਿਮਾਨਾਂ ਦੀ ਲਿਸਟ 'ਚ ਸਲਮਾਨ ਖਾਨ ਦਾ ਨਾਂ ਨਹੀਂ ਸੀ। ਕਿਹਾ ਜਾ ਰਿਹਾ ਸੀ ਕਿ ਸ਼ਾਹਰੁਖ ਖਾਨ ਆਉਣਗੇ ਪਰ ਸਲਮਾਨ ਦਾ ਆਉਣਾ ਕਿਸੇ ਸਰਪ੍ਰਾਈਜ਼ ਤੋਂ ਘੱਟ ਨਹੀਂ ਸੀ। ਸਲਮਾਨ ਨੇ ਕਿਹਾ, 'ਮੈਨੂੰ ਬੁਲਾਇਆ ਨਹੀਂ ਗਿਆ ਸੀ ਪਰ ਮੈਨੂੰ ਪਤਾ ਲੱਗਾ ਕਿ ਇਹ ਸਭ ਹੋ ਰਿਹਾ ਹੈ। ਇਸ ਲਈ ਮੈਂ ਟੀਮ ਨੂੰ ਵਧਾਈ ਦੇਣ ਆ ਗਿਆ।'