Deepika and Ranveer New Project: ਪਾਵਰ ਕਪਲ ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੂਕੋਣ ਇੱਕ ਵਾਰ ਫਿਰ ਇੱਕ ਨਵੇਂ ਪ੍ਰੋਜੈਕਟ ਵਿੱਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਅਦਾਕਾਰ ਨੇ ਇਸ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ 'ਚ ਅਦਾਕਾਰ ਰਾਮ ਚਰਨ ਅਤੇ ਤ੍ਰਿਸ਼ਨਾ ਕ੍ਰਿਸ਼ਨਨ ਵੀ ਨਜ਼ਰ ਆ ਰਹੇ ਹਨ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਹਾਲਾਂਕਿ ਇਹ ਫਿਲਮ ਪ੍ਰੋਜੈਕਟ ਹੈ ਜਾਂ ਐਡ, ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਵੀਡੀਓ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਇਹ ਕੋਈ ਵਿਗਿਆਪਨ ਨਹੀਂ ਹੋ ਸਕਦਾ।
ਵੀਡੀਓ ਕਲਿੱਪ ਵਿੱਚ ਕੀ ਹੈ?
ਵੀਡੀਓ ਦੀ ਸ਼ੁਰੂਆਤ ਦੀਪਿਕਾ ਪਾਦੂਕੋਣ ਤੋਂ ਹੁੰਦੀ ਹੈ। ਜਿਸ ਨੇ ਥਾਣੇ ਜਾ ਕੇ ਆਪਣੇ ਪਤੀ ਦੇ ਲਾਪਤਾ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਈ। ਵੀਡੀਓ 'ਚ ਦੀਪਿਕਾ ਕਹਿ ਰਹੀ ਹੈ ਕਿ ਸਰ ਮੇਰਾ ਪਤੀ ਬੀਤੀ ਰਾਤ ਤੋਂ ਲਾਪਤਾ ਹੈ। ਦੀਪਿਕਾ ਆਪਣੇ ਪਤੀ ਲਈ ਚਿੰਤਤ ਨਜ਼ਰ ਆ ਰਹੀ ਹੈ। ਜਦਕਿ ਰਣਵੀਰ ਸਿੰਘ ਐਕਸ਼ਨ ਅਵਤਾਰ 'ਚ ਨਜ਼ਰ ਆਏ ਹਨ। ਉਨ੍ਹਾਂ ਦੇ ਸ਼ਾਰਟ ਹੇਅਰਕੱਟ ਲੁੱਕ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।
ਵੀਡੀਓ 'ਚ ਅਭਿਨੇਤਾ ਰਾਮਚਰਨ ਨੂੰ ਵੀ ਸੜਕਾਂ 'ਤੇ ਦੌੜਦੇ ਦੇਖਿਆ ਜਾ ਸਕਦਾ ਹੈ। ਤ੍ਰਿਸ਼ਨਾ ਕ੍ਰਿਸ਼ਨਨ ਵੀ ਥਾਣੇ ਦੇ ਬਾਹਰ ਨਜ਼ਰ ਆ ਰਹੀ ਹੈ। ਵੀਡੀਓ 'ਚ ਰਣਵੀਰ ਅਤੇ ਦੀਪਿਕਾ ਦਾ ਇਹ ਜ਼ਬਰਦਸਤ ਡਰਾਮਾ ਚਰਚਾ 'ਚ ਆ ਗਿਆ ਹੈ। ਪ੍ਰਸ਼ੰਸਕ ਦੀਪਿਕਾ ਅਤੇ ਰਣਵੀਰ ਨੂੰ ਨਵੀਆਂ ਫਿਲਮਾਂ ਵਿੱਚ ਕਾਸਟ ਕਰਨ ਦੀ ਮੰਗ ਕਰ ਰਹੇ ਹਨ।
ਵੀਡੀਓ ਸ਼ੇਅਰ ਕਰਦੇ ਹੋਏ ਰਣਵੀਰ ਸਿੰਘ ਨੇ ਕੈਪਸ਼ਨ 'ਚ ਲਿਖਿਆ- ਵੱਡੇ ਖੁਲਾਸੇ ਲਈ ਤਿਆਰ ਰਹੋ।
ਰਣਵੀਰ ਸਿੰਘ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ਫਿਲਮ ਰੌਕੀ ਅਤੇ ਰਾਣੀ ਦੀ ਲਵ ਸਟੋਰੀ 'ਚ ਨਜ਼ਰ ਆਉਣਗੇ। ਇਸ ਫਿਲਮ ਦਾ ਨਿਰਦੇਸ਼ਨ ਕਰਨ ਜੌਹਰ ਨੇ ਕੀਤਾ ਹੈ। ਫਿਲਮ 'ਚ ਰਣਵੀਰ ਸਿੰਘ ਦੇ ਉਲਟ ਆਲੀਆ ਭੱਟ ਹੈ। ਦੂਜੇ ਪਾਸੇ ਦੀਪਿਕਾ ਕੋਲ ਜਵਾਨ, ਪ੍ਰੋਜੈਕਟ ਕੇ ਅਤੇ ਫਾਈਟਰ ਵਰਗੀਆਂ ਫਿਲਮਾਂ ਹਨ।
ਰਾਮ ਚਰਨ ਦੀ ਗੱਲ ਕਰੀਏ ਤਾਂ ਉਹ 2024 'ਚ ਫਿਲਮ 'ਗੇਮ ਚੇਂਜਰ' 'ਚ ਨਜ਼ਰ ਆਉਣਗੇ। ਦੱਸ ਦੇਈਏ ਕਿ ਰਾਮ ਚਰਨ ਹਾਲ ਹੀ ਵਿੱਚ ਇੱਕ ਬੇਟੀ ਦੇ ਪਿਤਾ ਬਣੇ ਹਨ।