Deepika Padukone In Paris: ਪਿਛਲੇ ਦਿਨੀਂ ਆਪਣੀ ਖਰਾਬ ਸਿਹਤ ਨੂੰ ਲੈ ਕੇ ਸੁਰਖੀਆਂ 'ਚ ਰਹੀ ਦੀਪਿਕਾ ਪਾਦੂਕੋਣ (Deepika Padukone) ਨੇ ਹਾਲ ਹੀ 'ਚ ਪੈਰਿਸ (Peris) 'ਚ 'ਦਿ ਬਿਜ਼ਨੈੱਸ ਆਫ਼ ਫੈਸ਼ਨ' (The Business of Fashion) ਈਵੈਂਟ 'ਚ ਸ਼ਿਰਕਤ ਕੀਤੀ। ਉਹ ਕਾਇਲੀ ਜੇਨਰ (Kylie Jenner), ਨਤਾਸ਼ਾ ਪੂਨਾਵਾਲਾ (Natasha Poonawall), ਚਾਰਲੀ ਐਕਸਸੀਐਕਸ (Charli XCX) ਅਤੇ ਐਲੀ ਗੋਲਡਿੰਗ ਨਾਲ ਨਜ਼ਰ ਆਈ। ਇਸ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈਆਂ ਹਨ। ਈਵੈਂਟ 'ਚੋਂ ਸਾਹਮਣੇ ਆਈਆਂ ਇਨ੍ਹਾਂ ਤਸਵੀਰਾਂ 'ਚ ਜੇਡਨ ਸਮਿੱਥ, ਜੇਰੇਡ ਲੇਟੋ, ਪਾਲੋਮਾ ਅਲਸੇਸਰ ਅਤੇ ਕਾਰਲੀ ਕਲੋਸ ਨਜ਼ਰ ਆ ਰਹੇ ਹਨ।
ਇਸ ਈਵੈਂਟ ਲਈ ਦੀਪਿਕਾ ਨੇ ਜੈਕੇਟ ਅਤੇ ਪੈਂਟ ਦੇ ਹੇਠਾਂ ਗੋਲਡਨ ਟਾਪ ਪਾਇਆ ਸੀ। ਉਨ੍ਹਾਂ ਨੇ ਕਾਲੇ ਰੰਗ ਦੀ ਹੀਲਸ ਪਾਈ ਹੋਈ ਸੀ ਅਤੇ ਇੱਕ ਬੈਗ ਵੀ ਕੈਰੀ ਕੀਤਾ ਸੀ। ਦੀਪਿਕਾ ਨੇ ਰੈੱਡ ਕਾਰਪੇਟ 'ਤੇ ਕਈ ਮਸ਼ਹੂਰ ਹਸਤੀਆਂ ਨਾਲ ਪੋਜ਼ ਦਿੱਤੇ। ਈਵੈਂਟ ਦੇ ਹੋਰ ਮਹਿਮਾਨ ਐਫਕੇਏ ਟਿਗਸ, ਸੋਸ਼ਲ ਮੀਡੀਆ ਪਰਸਨੈਲਿਟੀ ਖਾਬੀ ਲੇਮ, ਐਸ਼ਲੇ ਗ੍ਰਾਹਮ, ਕੋਕੋ ਰੋਚਾ, ਹਰੀ ਨੇਫ, ਜੈਸਮੀਨ ਟੂਕਸ, ਜੋਰਡਨ ਬੈਰੇਟ, ਜਾਰਜੀਆ ਮੇ ਜੈਗਰ ਅਤੇ ਜੋਰਡਨ ਡਨ ਸਨ।
ਇਵੈਂਟ 'ਚ ਦੀਪਿਕਾ ਨੇ 'ਭਾਰਤੀ ਅਦਾਕਾਰਾਵਾਂ ਦੀ ਪ੍ਰੋਫਾਈਲ ਨੂੰ ਵਧਾਉਣ' ਬਾਰੇ ਸਵਾਲ ਦਾ ਜਵਾਬ ਦਿੱਤਾ। ਉਨ੍ਹਾਂ ਕਿਹਾ, "ਮੈਂ ਹਮੇਸ਼ਾ ਜੋ ਵੀ ਕਰਦੀ ਹਾਂ, ਉਹ ਕਿਸੇ ਮਕਸਦ ਨਾਲ ਕਰਦੀ ਹਾਂ। ਮੈਂ ਜੋ ਵੀ ਕਰਦੀ ਹਾਂ, ਉਸ ਨੂੰ ਥੋੜ੍ਹੇ ਵੱਖਰੇ ਤਰੀਕੇ ਨਾਲ ਕਰਨ ਦੀ ਕੋਸ਼ਿਸ਼ ਕਰਦੀ ਹਾਂ। ਮੈਂ ਹਮੇਸ਼ਾ ਸਵਾਲ ਕਰਦੀ ਹਾਂ ਕਿ ਨੁਮਾਇੰਦਗੀ ਦੀ ਕਮੀ ਕਿਉਂ ਹੈ? ਕਾਸਟਿੰਗ ਹਮੇਸ਼ਾ ਇਕ ਹੀ ਤਰੀਕੇ ਨਾਲ ਕਿਉਂ ਹੁੰਦੀ ਹੈ? ਮੈਨੂੰ ਉਮੀਦ ਹੈ ਕਿ ਮੈਂ ਇਸ ਬਾਰੇ ਬਹੁਤ ਸਖ਼ਤ ਸ਼ਬਦ ਨਹੀਂ ਕਹੇ ਹਨ।"
ਉਨ੍ਹਾਂ ਇਹ ਵੀ ਕਿਹਾ, "ਮੇਰਾ ਹਮੇਸ਼ਾ ਇਹ ਵਿਸ਼ਵਾਸ ਰਿਹਾ ਹੈ ਕਿ ਮੈਂ ਆਪਣੇ ਸਫ਼ਰ 'ਚ ਜੋ ਵੀ ਕਰ ਸਕਦੀ ਹਾਂ, ਜੇਕਰ ਮੈਂ ਕੋਈ ਬਦਲਾਅ ਲਿਆ ਸਕਦੀ ਹਾਂ, ਤਾਂ ਮੇਰਾ ਟੀਚਾ ਮੇਰੇ ਆਰਟ ਰਾਹੀਂ ਜੋ ਵੀ ਮੈਂ ਕਰਦੀ ਹਾਂ, ਉਸ ਰਾਹੀਂ ਪੂਰਾ ਹੋ ਜਾਵੇਗਾ। ਮੈਂ ਹਰ ਰੋਜ਼ ਸਵੇਰੇ ਇੱਕ ਮਕਸਦ ਨਾਲ ਉੱਠਦੀ ਹਾਂ ਅਤੇ ਆਪਣੇ ਵਰਗੀਆਂ ਲੱਖਾਂ ਕੁੜੀਆਂ ਦੀ ਜ਼ਿੰਦਗੀ 'ਚ ਬਦਲਾਅ ਲਿਆਉਣਾ ਚਾਹੁੰਦੀ ਹਾਂ। ਚੰਗਾ ਮਹਿਸੂਸ ਹੁੰਦਾ ਹੈ ਜਦੋਂ ਤੁਹਾਨੂੰ ਜਿਊਰੀ ਦੇ ਹਿੱਸੇ ਵਜੋਂ ਕਾਨਸ ਫਿਲਮ ਫੈਸਟੀਵਲ 'ਚ ਆਪਣੇ ਦੇਸ਼ ਦੀ ਨੁਮਾਇੰਦਗੀ ਕਰਨ ਦਾ ਮੌਕਾ ਮਿਲਦਾ ਹੈ ਜਾਂ ਤੁਸੀਂ ਬੋਫ 500 ਕਵਰ ਦਾ ਹਿੱਸਾ ਬਣਨ ਵਾਲੀ ਪਹਿਲੇ ਭਾਰਤੀ ਹੁੰਦੇ ਹੋ, ਮੈਂ ਸ਼ੁਕਰਗੁਜ਼ਾਰ ਹਾਂ।"
ਬਿਮਾਰ ਹੋਣ ਦੀਆਂ ਆਈਆਂ ਸਨ ਖ਼ਬਰ
ਕਈ ਰਿਪੋਰਟਾਂ 'ਚ ਉਨ੍ਹਾਂ ਦੇ ਹਸਪਤਾਲ 'ਚ ਦਾਖਲ ਹੋਣ ਦਾ ਦਾਅਵਾ ਕੀਤਾ ਗਿਆ ਸੀ। ਇਸ ਹਫ਼ਤੇ ਦੀ ਸ਼ੁਰੂਆਤ 'ਚ ਦੀਪਿਕਾ ਆਪਣੀ ਮਾਂ ਉਜਲਾ ਪਾਦੂਕੋਣ ਨਾਲ ਮੁੰਬਈ ਤੋਂ ਬਾਹਰ ਚਲੀ ਗਈ ਸੀ। ਹਾਲ ਹੀ 'ਚ, ਪਿੰਕਵਿਲਾ ਨੇ ਦੱਸਿਆ ਸੀ ਕਿ ਦੀਪਿਕਾ ਨੂੰ ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦੇ ਕਈ ਟੈਸਟ ਕੀਤੇ ਗਏ ਸਨ, ਕਿਉਂਕਿ ਉਨ੍ਹਾਂ ਨੇ ਬੇਆਰਾਮੀ ਮਹਿਸੂਸ ਕਰਨ ਦੀ ਸ਼ਿਕਾਇਤ ਕੀਤੀ ਸੀ।
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਦੀਪਿਕਾ ਪਾਦੂਕੋਣ ਆਉਣ ਵਾਲੀ ਐਕਸ਼ਨ ਥ੍ਰਿਲਰ 'ਪਠਾਨ' 'ਚ ਨਜ਼ਰ ਆਵੇਗੀ। ਸਿਧਾਰਥ ਆਨੰਦ ਵੱਲੋਂ ਨਿਰਦੇਸ਼ਿਤ 'ਪਠਾਨ' 'ਚ ਸ਼ਾਹਰੁਖ ਖ਼ਾਨ ਅਤੇ ਜੌਨ ਅਬ੍ਰਾਹਮ ਵੀ ਮੁੱਖ ਭੂਮਿਕਾਵਾਂ 'ਚ ਹਨ ਅਤੇ 25 ਜਨਵਰੀ 2023 ਨੂੰ ਸਿਨੇਮਾ ਘਰਾਂ 'ਚ ਆਉਣ ਵਾਲੀ ਹੈ। 'ਪ੍ਰੋਜੈਕਟ-ਕੇ' 'ਚ ਪ੍ਰਭਾਸ ਦੇ ਨਾਲ ਦੀਪਿਕਾ ਵੀ ਨਜ਼ਰ ਆਵੇਗੀ।