Priyanka Chopra Jai Gangaajal: ਬਾਲੀਵੁੱਡ ਤੋਂ ਲੈ ਕੇ ਹਾਲੀਵੁੱਡ ਤੱਕ ਆਪਣੀ ਅਦਾਕਾਰੀ ਦਾ ਝੰਡਾ ਲਹਿਰਾਉਣ ਵਾਲੀ ਗਲੋਬਲ ਸਟਾਰ ਪ੍ਰਿਯੰਕਾ ਚੋਪੜਾ ਦਾ ਦੁਨੀਆ ਭਰ 'ਚ ਵੱਡਾ ਨਾਂ ਹੈ। ਇੱਕ ਵਧੀਆ ਅਦਾਕਾਰਾ ਹੋਣ ਦੇ ਨਾਲ-ਨਾਲ ਦੇਸੀ ਗਰਲ ਇੱਕ ਸਫਲ ਕਾਰੋਬਾਰੀ ਵੀ ਹੈ। ਅੱਜ ਅਸੀ ਤੁਹਾਨੂੰ ਪ੍ਰਿਯੰਕਾ ਬਾਰੇ ਅਜਿਹਾ ਕਿੱਸਾ ਦੱਸਣ ਜਾ ਰਹੇ ਹਾਂ, ਜਿਸ ਤੋਂ ਸ਼ਾਇਦ ਤੁਸੀ ਵੀ ਅਣਜਾਣ ਹੋਵੋਗੇ। ਦਰਅਸਲ, ਇੱਕ ਵਾਰ ਇੱਕ ਫਿਲਮ ਦੀ ਸ਼ੂਟਿੰਗ ਦੌਰਾਨ ਉਹ ਫੁੱਟ-ਫੁੱਟ ਰੋਈ ਸੀ। ਅਦਾਕਾਰਾ ਇੰਨੀ ਰੋਣ ਲੱਗੀ ਕਿ ਨਿਰਦੇਸ਼ਕ ਨੂੰ ਸ਼ੂਟਿੰਗ ਅੱਧ ਵਿਚਾਲੇ ਹੀ ਰੋਕਣੀ ਪਈ। ਤਾਂ ਆਓ ਜਾਣਦੇ ਹਾਂ ਇਸ ਕਹਾਣੀ ਬਾਰੇ...
ਪ੍ਰਿਯੰਕਾ ਨੇ ਇਸ ਅਦਾਕਾਰ ਦੀ ਗੱਲ੍ਹ 'ਤੇ ਮਾਰੀ ਸੀ ਲੱਤ
ਇਹ ਘਟਨਾ ਸਾਲ 2016 ਵਿੱਚ ਆਈ ਫਿਲਮ 'ਜੈ ਗੰਗਾਜਲ' ਦੌਰਾਨ ਵਾਪਰੀ, ਜਿਸ 'ਚ ਪ੍ਰਿਯੰਕਾ ਚੋਪੜਾ ਮਾਨਵ ਕੌਲ ਨਾਲ ਸ਼ੂਟਿੰਗ ਕਰ ਰਹੀ ਸੀ। ਅਦਾਕਾਰਾ ਨੇ ਮਾਨਵ ਨਾਲ ਫਾਈਟ ਸੀਨ ਸ਼ੂਟ ਕਰਨਾ ਸੀ। ਇਸ ਐਕਸ਼ਨ ਸੀਨ 'ਚ ਪ੍ਰਿਯੰਕਾ ਨੂੰ ਉੱਠ ਕੇ ਮਾਨਵ ਨੂੰ ਲੱਤ ਮਾਰਨੀ ਪਈ ਸੀ, ਪਰ ਗਲਤੀ ਨਾਲ ਉਸ ਦਾ ਪੈਰ ਅਦਾਕਾਰ ਦੇ ਮੂੰਹ 'ਤੇ ਲੱਗ ਗਿਆ, ਜਿਸ ਤੋਂ ਬਾਅਦ ਪ੍ਰਿਯੰਕਾ ਇਸ ਗੱਲ ਨੂੰ ਲੈ ਕੇ ਕਾਫੀ ਦੋਸ਼ੀ ਮਹਿਸੂਸ ਹੋਈ।
ਘੰਟਿਆਂ ਤੱਕ ਰੋਂਦੀ ਰਹੀ ਅਦਾਕਾਰਾ
ਇਸ ਗੱਲ ਦਾ ਖੁਲਾਸਾ ਖੁਦ ਮਾਨਵ ਨੇ ਕੀਤਾ ਸੀ। ਬਾਲੀਵੁੱਡ ਲਾਈਫ ਨਾਲ ਇੱਕ ਇੰਟਰਵਿਊ ਦੌਰਾਨ ਅਦਾਕਾਰ ਨੇ ਦੱਸਿਆ ਕਿ 'ਪ੍ਰਿਯੰਕਾ ਨੇ ਗਲਤੀ ਨਾਲ ਮੇਰੇ ਚਿਹਰੇ 'ਤੇ ਲੱਤ ਮਾਰ ਦਿੱਤੀ ਸੀ, ਜਿਸ ਕਾਰਨ ਉਹ ਬਹੁਤ ਬੁਰਾ ਮਹਿਸੂਸ ਕਰ ਰਹੀ ਸੀ। ਇਸ ਤੋਂ ਬਾਅਦ ਉਹ ਮੇਰੇ ਕੋਲ ਆਈ ਅਤੇ ਪੁੱਛਿਆ ਕਿ ਤੁਹਾਨੂੰ ਸੱਟ ਲੱਗੀ ਹੈ? ਮੈਂ ਉਸ ਨੂੰ ਨਾਂਹ ਕਹਿ ਦਿੱਤਾ, ਪਰ ਉਦੋਂ ਤੱਕ ਉਹ ਰੋਣ ਲੱਗ ਪਈ। ਉਸਦੇ ਹੰਝੂ ਰੁਕਣ ਦਾ ਨਾਂਅ ਨਹੀਂ ਲੈ ਰਹੇ ਸਨ, ਉਹ ਰੋਂਦੀ ਰਹੀ। ਉਨ੍ਹਾਂ ਨੂੰ ਸ਼ਾਂਤ ਕਰਨ ਲਈ ਸਾਨੂੰ ਸ਼ੂਟਿੰਗ ਅੱਧ ਵਿਚਾਲੇ ਰੋਕਣੀ ਪਈ। ਮਾਨਵ ਨੇ ਅੱਗੇ ਦੱਸਿਆ ਕਿ 'ਪ੍ਰਿਯੰਕਾ ਬਹੁਤ ਗਿਲਟ ਵਿੱਚ ਸੀ। ਉਨ੍ਹਾਂ ਨੇ ਮੈਨੂੰ ਕਿਹਾ ਕਿ ਮੈਂ ਜਾਣਦਾ ਹਾਂ ਕਿ ਤੁਸੀਂ ਦੁਖੀ ਹੋ ਅਤੇ ਇਹ ਬਹੁਤ ਗਲਤ ਹੈ।
ਇਨ੍ਹੀਂ ਦਿਨੀਂ ਪ੍ਰਿਯੰਕਾ ਚੋਪੜਾ ਆਪਣੀ ਮਾਂ ਬਣਨ ਦਾ ਪੂਰਾ ਆਨੰਦ ਲੈ ਰਹੀ ਹੈ। ਉਹ ਹਰ ਰੋਜ਼ ਸੋਸ਼ਲ ਮੀਡੀਆ 'ਤੇ ਆਪਣੀ ਪਿਆਰੀ ਮਾਲਤੀ ਮੈਰੀ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ। ਦੱਸ ਦੇਈਏ ਕਿ ਜਨਵਰੀ 2022 ਵਿੱਚ ਪ੍ਰਿਯੰਕਾ ਚੋਪੜਾ ਅਤੇ ਨਿਕ ਜੋਨਸ ਨੇ ਸਰੋਗੇਸੀ ਦੀ ਮਦਦ ਨਾਲ ਇੱਕ ਬੇਟੀ ਦਾ ਸਵਾਗਤ ਕੀਤਾ ਸੀ।