Actor injured: ਸਾਊਥ ਫਿਲਮ ਇੰਡਸਟਰੀ ਦੇ ਫਿਲਮਕਾਰ ਮਣੀ ਰਤਨਮ ਅਤੇ ਕਮਲ ਹਾਸਨ ਦੀ ਫਿਲਮ 'ਠੱਗ ਲਾਈਫ' ਦੇ ਅਭਿਨੇਤਾ ਜੋਜੂ ਜਾਰਜ ਨੂੰ ਲੈ ਬੁਰੀ ਖਬਰ ਸਾਹਮਣੇ ਆ ਰਹੀ ਹੈ। ਦੱਸ ਦੇਈਏ ਕਿ ਜੋਜੂ ਜਾਰਜ ਸ਼ੂਟਿੰਗ ਦੌਰਾਨ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਸੂਤਰਾਂ ਮੁਤਾਬਕ ਜੋਜੂ ਨੇ ਫਿਲਮ ਲਈ ਹਾਈ ਰਿਸਕ ਸਟੰਟ ਸੀਨ ਕਰਦੇ ਸਮੇਂ ਖੱਬੇ ਪੈਰ ਦੀ ਹੱਡੀ ਟੁੱਟ ਗਈ। ਕਥਿਤ ਤੌਰ 'ਤੇ ਸਟੰਟ ਸੀਨ ਵਿੱਚ ਇੱਕ ਹੈਲੀਕਾਪਟਰ ਸ਼ਾਮਲ ਸੀ, ਜਿਸ ਕਾਰਨ ਉਸ ਨੂੰ ਸੱਟ ਲੱਗ ਗਈ। ਸ਼ੂਟਿੰਗ ਪੁਡੂਚੇਰੀ 'ਚ ਹੋ ਰਹੀ ਸੀ ਪਰ ਜ਼ਖਮੀ ਹੋਣ ਤੋਂ ਬਾਅਦ ਉਹ ਕੋਚੀ ਪਰਤ ਆਏ ਹਨ।
ਜਾਣਕਾਰੀ ਮੁਤਾਬਕ ਕੋਚੀ ਆਉਣ ਤੋਂ ਬਾਅਦ ਜੋਜੂ ਜਾਰਜ ਦਾ ਨੇੜਲੇ ਹਸਪਤਾਲ 'ਚ ਐਕਸਰੇ ਕੀਤਾ ਗਿਆ। ਉਸਦੀ ਖੱਬੀ ਲੱਤ ਵਿੱਚ ਫਰੈਕਚਰ ਹੋਣ ਕਾਰਨ ਉਸਦੀ ਲੱਤ ਨੂੰ ਪਲਾਸਟਰ ਕਰਨਾ ਪਿਆ। ਡਾਕਟਰ ਨੇ ਅਦਾਕਾਰ ਨੂੰ ਅਗਲੇ ਕੁਝ ਹਫ਼ਤਿਆਂ ਤੱਕ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ। ਸੋਸ਼ਲ ਮੀਡੀਆ 'ਤੇ ਜੋਜੂ ਜਾਰਜ ਦੀ ਇਕ ਤਸਵੀਰ ਵੀ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਉਸ ਦੀ ਲੱਤ 'ਤੇ ਪਲਾਸਟਰ ਲੱਗਾ ਹੋਇਆ ਹੈ ਅਤੇ ਉਹ ਸੋਟੀ ਦੀ ਮਦਦ ਨਾਲ ਚੱਲ ਰਿਹਾ ਹੈ।
'ਠੱਗ ਲਾਈਫ' ਦੀ ਕਾਸਟ ਅਤੇ ਕਰੂ ਪਿਛਲੇ ਕੁਝ ਦਿਨਾਂ ਤੋਂ ਪੁਡੂਚੇਰੀ 'ਚ ਕੁਝ ਅਹਿਮ ਦ੍ਰਿਸ਼ਾਂ ਦੀ ਸ਼ੂਟਿੰਗ ਕਰ ਰਹੇ ਸਨ। ਅਗਲਾ ਸ਼ੈਡਿਊਲ ਯੂਰਪ ਵਿੱਚ ਸ਼ੁਰੂ ਹੋਣ ਦੀ ਉਮੀਦ ਹੈ, ਜਿੱਥੇ ਅਦਾਕਾਰ ਸਿੰਬੂ, ਤ੍ਰਿਸ਼ਾ ਅਤੇ ਕਮਲ ਹਾਸਨ ਸ਼ੂਟਿੰਗ ਕਰਨਗੇ।
ਇਹ ਕਲਾਕਾਰ ਗੈਂਗਸਟਰ ਐਕਸ਼ਨ ਡਰਾਮਾ ਫਿਲਮ 'ਚ ਨਜ਼ਰ ਆਉਣਗੇ
'ਠੱਗ ਲਾਈਫ' ਮਣੀ ਰਤਨਮ ਦੁਆਰਾ ਨਿਰਦੇਸ਼ਿਤ ਇੱਕ ਗੈਂਗਸਟਰ ਐਕਸ਼ਨ ਡਰਾਮਾ ਹੈ। ਉਸਨੇ ਕਮਲ ਹਾਸਨ ਨਾਲ ਮਿਲ ਕੇ ਸਕ੍ਰਿਪਟ ਲਿਖੀ ਹੈ, ਜੋ ਫਿਲਮ ਵਿੱਚ ਮੁੱਖ ਭੂਮਿਕਾ ਵੀ ਨਿਭਾ ਰਹੇ ਹਨ। ਕਲਾਕਾਰਾਂ ਵਿੱਚ ਸਿਲੰਬਰਾਸਨ ਉਰਫ਼ ਸਿੰਬੂ, ਤ੍ਰਿਸ਼ਾ, ਜੋਜੂ ਜਾਰਜ, ਐਸ਼ਵਰਿਆ ਲਕਸ਼ਮੀ, ਨਾਸਰ, ਅਸ਼ੋਕ ਸੇਲਵਾਨ ਅਤੇ ਪੰਕਜ ਤ੍ਰਿਪਾਠੀ ਵੀ ਹਨ। ਸੰਗੀਤ ਏ ਆਰ ਰਹਿਮਾਨ ਦਾ ਹੋਵੇਗਾ।