1….'ਡੀਅਰ ਜ਼ਿੰਦਗੀ' ਰਾਂਹੀ ਇੱਕ ਵਾਰ ਫਿਰ ਆਪਣੀ ਪ੍ਰਤਿਭਾ ਦਿਖਾਉਣ ਨੂੰ ਤਿਆਰ ਆਲੀਆ ਭੱਟ ਦਾ ਕਹਿਣਾ ਹੈ ਕਿ ਮੈਂ ਬਹੁਮੁਖੀ ਪ੍ਰਤਿਭਾ ਦੇ ਰੂਪ ਵਿੱਚ ਖੁਦ ਨੂੰ ਦਖਾਉਣ ਦੀ ਕੋਸ਼ਿਸ਼ ਨਹੀਂ ਕਰ ਰਹੀ ਮੈਂ ਸਿਰਫ ਖੁਦ ਨੂੰ ਚੁਣੌਤੀ ਦੇਣਾ ਚਾਹੁੰਦੀ ਹਾਂ।
2….ਸੁਪਰਸਟਾਰ ਸ਼ਾਹਰੁਖ ਖਾਨ ਦੀ ਫਿਲਮ 'ਓਮ ਸ਼ਾਂਤੀ ਓਮ' ਜਾਪਾਨ ਵਿੱਚ ਸੰਗੀਤਮਈ ਫਿਲਮ ਦੇ ਤੌਰ ਤੇ ਬਣਾਈ ਜਾ ਰਹੀ ਹੈ। ਇਸ ਫਿਲਮ ਨੂੰ ਕੱਲ 9 ਸਾਲ ਹੋ ਗਏ ਜਿਸ ਮੌਕੇ ਨਿਰਦੇਸ਼ਕ ਫਰਾਹ ਖਾਨ ਨੇ ਇਹ ਜਾਣਕਾਰੀ ਸ਼ੇਅਰ ਕੀਤੀ।
3….ਮਸ਼ਹੂਰ ਚੈਟ ਸ਼ੋਅ 'ਕਾਫੀ ਵਿਦ ਕਰਨ' ਵਿੱਚ ਆਪਣੇ ਪਤੀ ਅਤੇ ਅਭਿਨੇਤਾ ਅਕਸ਼ੇ ਕੁਮਾਰ ਦੇ ਨਾਲ ਪਹੁੰਚੀ ਟਵਿੰਕਲ ਖੰਨਾ ਨੇ ਕਿਹਾ ਕਿ ਕਰਨ ਦੇ ਨਾਲ ਕਾਫੀ ਪੀਣਾ ਖਤਰਨਾਕ ਹੈ। ਪ੍ਰੋਮੋ ਵਿੱਚ ਟਵਿੰਕਲ ਬਿਨਾਂ ਝਿਝਕ ਕਰਨ ਦੇ ਸਵਾਲਾਂ ਦੇ ਜਵਾਬ ਦਿੰਦੀ ਦਿਖੀ ।
4…500 ਅਤੇ 1000 ਦੇ ਨੋਟ ਬੈਨ ਕਰਨ ਤੇ ਬਾਲੀਵੁੱਡ ਹਸਤੀਆਂ ਨੇ ਵੀ ਪ੍ਰਕ੍ਰਿਆ ਦਿੱਤੀ। ਸ਼ਾਹਰੁਖ ਖਾਨ ਨੇ ਟਵੀਟ ਕਰ ਕਿਹਾ ਦੂਰਦਰਸ਼ੀ, ਬਹੁਤ ਹੀ ਸਮਾਰਟ ਅਤੇ ਸਿਆਸੀ ਰੂਪ ਤੋਂ ਪ੍ਰੇਰਿਤ ਨਹੀਂ। ਭਾਰਤੀ ਅਰਥਵਿਵਸਥਾ ਵਿੱਚ ਪਾਜ਼ੀਟਿਵ ਬਦਲਾਅ ਲਿਆਵੇਗਾ। ਸਾਹਸਪੂਰਨ ਕਦਮ ਪੀਐਮ ਮੋਦੀ ।
5….ਦੂਜੇ ਪਾਸੇ ਇਸ ਬੈਨ ਕਾਰਨ ਅਭਿਨੇਤਰੀ ਬਿਪਾਸ਼ਾ ਬਸੂ ਨੂੰ ਅੰਡੇ ਖਰੀਦਣ ਲਈ ਪੈਸੇ ਉਧਾਰ ਲੈਣੇ ਪਏ। ਬਿਪਾਸ਼ਾ ਨੇ ਟਵੀਟ ਕਰ ਦੱਸਿਆ 'ਮੈਨੂੰ ਅੰਡੇ ਖਰੀਦਣ ਲਈ @RockyStarWorld ਤੋਂ ਪੈਸੇ ਉਧਾਰ ਲੈਣੇ ਪਏ। ਵਾਹ ਕਿਆ ਦਿਨ ਹੈ !'
6…..ਪ੍ਰਧਾਨ ਮੰਤਰੀ ਮੋਦੀ ਦੇ 500 ਤੇ 1000 ਰੁਪਏ ਦੇ ਨੋਟਾਂ ਨੂੰ ਬੈਨ ਕਰਨ ਦੇ ਫੈਸਲੇ ‘ਤੇ ਪੰਮੀ ਅੰਟੀ ਨੇ ਵੀ ਆਪਣਾ ਦੁੱਖੜਾ ਸਾਰਿਆਂ ਨੂੰ ਸੁਣਾ ਦਿੱਤਾ ਹੈ। ਪੰਮੀ ਅੰਟੀ ਨੇ ਆਪਣੇ ਰਾਹੀਂ ਉਨ੍ਹਾਂ ਸਾਰੀਆਂ ਮਹਿਲਾਵਾਂ ਦਾ ਦੁੱਖ ਬਿਆਨ ਕੀਤਾ ਹੈ ਜੋ ਬਿਨਾਂ ਕਿਸੇ ਨੂੰ ਦਿੱਸੇ ਪੈਸੇ ਸਾਂਭ ਕੇ ਰੱਖਦੀਆਂ ਹਨ
7…ਆਪਣੀ ਆਗਾਮੀ ਫਿਲਮ 'ਫੋਰਸ 2' ਲਈ ਜੌਹਨ ਅਬਰਾਹਿਮ ਨੇ ਕਡ਼ੀ ਮਿਹਨਤ ਕੀਤੀ ਹੈ। ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ਤੇ ਇੱਕ ਵੀਡੀਓ ਵਾਇਰਲ ਹੋਈ ਜਿਸ ਵਿੱਚ ਗੰਭੀਰ ਸੱਟ ਦੇ ਬਾਵਜੂਦ ਜੌਹਨ ਸ਼ੂਟਿੰਗ ਜਾਰੀ ਰਖਦੇ ਵਖਾਈ ਦਿੱਤੇ। ਜਿਸ ਕਾਰਨ ਉਹਨਾਂ ਦੇ ਤਿੰਨ ਆਪਰੇਸ਼ਨ ਹੋਏ।
8…ਸਿਮਰਜੀਤ ਬੱਲ ਦਾ ਨਵਾਂ ਗੀਤ 'ਤੇਰੇ ਲਈ' ਰਿਲੀਜ਼ ਹੋ ਗਿਆ ਹੈ। ਇਹ ਇੱਕ ਰੋਮਾਂਟਿਕ ਸੌਂਗ ਹੈ ਜਿਸ ਵਿੱਚ ਬੱਲ ਇੱਕ ਹੈਂਡੀਕੈਪਡ ਕੁਡ਼ੀ ਨੂੰ ਦਿਲੋ ਜਾਨ ਨਾਲ ਪਿਆਰ ਕਰਦੇ ਹਨ। ਇਸਤੋਂ ਪਹਿਲਾਂ ਵੀ ਸਿਮਰਜੀਤ ਕਈ ਹਿਟ ਟਰੈਕਸ ਦੇ ਚੁੱਕੇ ਨੇ।
9…ਰੇਸ਼ਮ ਅਨਮੋਲ ਦੇ ਗੀਤ 'ਸਰੂਰ' ਦਾ ਮੋਸ਼ਨ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਜਿਸ ਵਿੱਚ ਰੈਪਰ ਰਫਤਾਰ ਰੇਸ਼ਮ ਦਾ ਸਾਥ ਨਿਭਾ ਰਹੇ ਹਨ। ਹਾਲ ਹੀ ਵਿੱਚ ਰੇਸ਼ ਦਾ ਗੀਤ 'ਰਾਹੂ ਕੇਤੂ' ਵੀ ਖੂਬ ਪਸੰਦ ਕੀਤਾ ਗਿਆ ਸੀ।
10…ਬੱਬਲ ਰਾਏ ਅਤੇ ਜੱਸੀ ਗਿੱਲ ਦਾ ਨਵਾਂ ਗੀਤ 'ਯਾਰ ਜੱਟ ਦੇ' ਰਿਲੀਜ਼ ਹੋਇਆ ਹੈ ਜਿਸ ਵਿੱਚ ਦੋਵੇਂ ਗਾਇਕ ਯਾਰੀਆਂ ਨਿਭਾਉਂਦੇ ਦਿਖ ਰਹੇ ਹਨ ਅਤੇ ਭੰਗਡ਼ਾ ਵੀ ਪਾ ਰਹੇ ਹਨ। ਬੱਬਲ ਅਤੇ ਜੱਸੀ ਰੀਲ ਦੇ ਇਲਾਵਾ ਰੀਅਲ ਲਾਈਫ 'ਚ ਵੀ ਕਾਫੀ ਚੰਗੇ ਦੋਸਤ ਹਨ।
11…ਆਗਾਮੀ ਫਿਲਮ 'ਫੋਰਸ 2' ਦਾ ਗੀਤ 'ਕੋਈ ਇਸ਼ਾਰਾ' ਰਿਲੀਜ਼ ਹੋਇਆ ਹੈ । ਫਿਲਮ ਵਿੱਚ ਸੋਨਾਕਸ਼ੀ ਸਿਨਹਾ ਅਤੇ ਜੌਹਨ ਅਬਰਾਹਿਮ ਮੁੱਖ ਭੂਮਿਕਾ ਨਿਭਾ ਰਹੇ ਹਨ। ਇਹ ਫਿਲਮ 18 ਨਵੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ।