ਨਵੀਂ ਦਿੱਲੀ- ਹੇਮਾ ਮਾਲਿਨੀ (Hema Malini) ਅਤੇ ਧਰਮਿੰਦਰ ਨੇ ਵਿਆਹ ਤੋਂ ਪਹਿਲਾਂ ਕਈ ਫਿਲਮਾਂ 'ਚ ਇਕੱਠੇ ਕੰਮ ਕੀਤਾ ਸੀ। ਦੋਵਾਂ ਦੀ ਕੈਮਿਸਟਰੀ ਨੇ ਪਰਦੇ 'ਤੇ ਜਾਦੂ ਬਿਖੇਰਿਆ। ਉਨ੍ਹਾਂ ਨੂੰ ਦੇਖ ਕੇ ਲੱਗਦਾ ਸੀ ਕਿ ਉਹ ਇੱਕ ਦੂਜੇ ਲਈ ਬਣੇ ਹਨ। ਅਸਲ ਜ਼ਿੰਦਗੀ 'ਚ ਜਦੋਂ ਉਨ੍ਹਾਂ ਦੇ ਅਫੇਅਰ ਦੀ ਚਰਚਾ ਸ਼ੁਰੂ ਹੋਈ ਤਾਂ ਹੇਮਾ ਮਾਲਿਨੀ ਦੇ ਮਾਤਾ-ਪਿਤਾ ਨੇ ਉਨ੍ਹਾਂ 'ਤੇ ਨਜ਼ਰ ਰੱਖਣੀ ਸ਼ੁਰੂ ਕਰ ਦਿੱਤੀ। ਹੇਮਾ ਮਾਲਿਨੀ ਦੇ ਨਾਲ ਉਨ੍ਹਾਂ ਦੇ ਪਿਤਾ ਵੀ ਸੈੱਟ 'ਤੇ ਜਾਂਦੇ ਸਨ। ਇੰਨੀਆਂ ਪਾਬੰਦੀਆਂ ਦੇ ਬਾਵਜੂਦ ਧਰਮਿੰਦਰ ਅਤੇ ਹੇਮਾ ਮਾਲਿਨੀ ਨੂੰ ਮਿਲਣ ਤੋਂ ਕੋਈ ਨਹੀਂ ਰੋਕ ਸਕਿਆ।
ਹੇਮਾ ਮਾਲਿਨੀ ਨੇ ਇਕ ਇੰਟਰਵਿਊ 'ਚ ਦੱਸਿਆ ਕਿ ਉਨ੍ਹਾਂ ਦੇ ਮਾਤਾ-ਪਿਤਾ ਉਨ੍ਹਾਂ 'ਤੇ ਨਜ਼ਰ ਰੱਖਦੇ ਸਨ ਕਿਉਂਕਿ ਉਹ ਨਹੀਂ ਚਾਹੁੰਦੇ ਸਨ ਕਿ ਧਰਮਿੰਦਰ ਉਨ੍ਹਾਂ ਦੇ ਨੇੜੇ ਆਉਣ। ਜਦੋਂ ਧਰਮਿੰਦਰ ਦਾ ਹੇਮਾ ਮਾਲਿਨੀ ਨਾਲ ਅਫੇਅਰ ਸ਼ੁਰੂ ਹੋਇਆ, ਉਦੋਂ ਉਹ ਸ਼ਾਦੀਸ਼ੁਦਾ ਸੀ ਅਤੇ ਪ੍ਰਕਾਸ਼ ਕੌਰ ਤੋਂ ਉਨ੍ਹਾਂ ਦੇ ਚਾਰ ਬੱਚੇ ਸਨ। ਹੇਮਾ ਮਾਲਿਨੀ ਦੇ ਪਿਆਰ ਅੱਗੇ ਧਰਮਿੰਦਰ ਬੇਵੱਸ ਸੀ। ਆਖਰਕਾਰ ਦੋਹਾਂ ਨੇ ਸਮਾਜ ਦੀਆਂ ਸਾਰੀਆਂ ਰੁਕਾਵਟਾਂ ਨੂੰ ਪਿੱਛੇ ਛੱਡਦਿਆਂ 1980 ਵਿੱਚ ਵਿਆਹ ਕਰਵਾ ਲਿਆ।
ਧਰਮਿੰਦਰ ਨੇ ਆਪਣੀ ਪਹਿਲੀ ਪਤਨੀ ਪ੍ਰਕਾਸ਼ ਕੌਰ ਨੂੰ ਤਲਾਕ ਦਿੱਤੇ ਬਿਨਾਂ ਹੇਮਾ ਮਾਲਿਨੀ ਨਾਲ ਵਿਆਹ ਕਰਵਾ ਲਿਆ ਸੀ, ਪਰ ਹੇਮਾ ਕਦੇ ਵੀ ਆਪਣੀ ਸੌਤਨ ਪ੍ਰਕਾਸ਼ ਕੌਰ ਨਾਲ ਇੱਕ ਘਰ ਵਿੱਚ ਇਕੱਠੀ ਨਹੀਂ ਹੋਈਆਂ। ਹੇਮਾ ਨਾਲ ਵਿਆਹ ਕਰਨ ਤੋਂ ਬਾਅਦ, ਧਰਮਿੰਦਰ ਨੇ ਉਸ ਲਈ ਨਵਾਂ ਘਰ ਖਰੀਦਿਆ ਅਤੇ ਉਹ ਆਪਣੇ ਬੱਚਿਆਂ ਨਾਲ ਉੱਥੇ ਰਹਿਣ ਲੱਗਾ। ਧਰਮਿੰਦਰ ਦੇ ਨਾਲ ਵਿਆਹ ਦੇ 43 ਸਾਲ ਬਾਅਦ ਵੀ, ਉਨ੍ਹਾਂ ਕਦੇ ਵੀ ਧਰਮਿੰਦਰ ਦੇ ਪਹਿਲੇ ਘਰ ਵਿੱਚ ਕਦਮ ਨਹੀਂ ਰੱਖਿਆ। 74 ਸਾਲਾ ਹੇਮਾ ਮਾਲਿਨੀ ਨੇ ਆਪਣੀ ਜੀਵਨੀ 'ਚ ਖੁਲਾਸਾ ਕੀਤਾ ਕਿ ਇਸ ਪਰੰਪਰਾ ਨੂੰ ਇਕ ਵਾਰ ਈਸ਼ਾ ਦਿਓਲ ਨੇ ਤੋੜਿਆ ਸੀ।
ਧਰਮਿੰਦਰ ਦੇ ਭਰਾ ਅਜੀਤ ਦਿਓਲ ਦੀ ਸਿਹਤ 2015 'ਚ ਕਾਫੀ ਖਰਾਬ ਹੋ ਗਈ ਸੀ ਅਤੇ ਉਹ ਧਰਮਿੰਦਰ ਦੇ ਪਹਿਲੇ ਘਰ ਸਨ। ਉਹ ਈਸ਼ਾ ਅਤੇ ਅਹਾਨਾ ਦੇ ਕਰੀਬ ਸੀ ਅਤੇ ਉਨ੍ਹਾਂ ਨੂੰ ਮਿਲਣਾ ਚਾਹੁੰਦੇ ਸੀ। ਜਦੋਂ ਈਸ਼ਾ ਦਿਓਲ ਉਸ ਨੂੰ ਮਿਲਣ ਗਈ ਤਾਂ ਉਹ ਸੰਨੀ ਦਿਓਲ ਦੇ ਨਾਲ-ਨਾਲ ਆਪਣੀ ਵੱਡੀ ਮਾਂ ਪ੍ਰਕਾਸ਼ ਕੌਰ ਨੂੰ ਵੀ ਮਿਲੀ। ਉਦੋਂ 87 ਸਾਲਾ ਧਰਮਿੰਦਰ ਦੀ ਪਹਿਲੀ ਪਤਨੀ ਨੇ ਉਸ ਨੂੰ ਆਪਣੀ ਧੀ ਵਾਂਗ ਪਿਆਰ ਕੀਤਾ ਸੀ।