India's Got Talent Shocking Video: ਰਿਐਲਿਟੀ ਸ਼ੋਅ 'ਇੰਡੀਆਜ਼ ਗੌਟ ਟੈਲੇਂਟ' ਦਾ ਨਵਾਂ ਸੀਜ਼ਨ ਇੱਕ ਵਾਰ ਫਿਰ ਤੋਂ ਧਮਾਕੇਦਾਰ ਵਾਪਸੀ ਕਰ ਰਿਹਾ ਹੈ। ਅਜਿਹੇ 'ਚ ਇਸ ਵਾਰ ਸ਼ੋਅ ਦੇ ਜੱਜ ਕਿਰਨ ਖੇਰ, ਬਾਦਸ਼ਾਹ ਅਤੇ ਸ਼ਿਲਪਾ ਸ਼ੈੱਟੀ ਹਨ। ਹਾਲ ਹੀ 'ਚ ਸੋਨੀ ਟੀਵੀ ਦੇ ਇੰਸਟਾ ਪੇਜ਼ 'ਤੇ ਇੱਕ ਪੋਸਟ ਸਾਹਮਣੇ ਆਈ ਹੈ, ਜਿਸ 'ਚ ਹੈਰਾਨੀਜਨਕ ਕਾਰਨਾਮੇ ਹੁੰਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਇਨ੍ਹਾਂ ਖਤਰਨਾਕ ਸਟੰਟਸ ਨੂੰ ਦੇਖ ਕੇ ਤਿੰਨੋਂ ਜੱਜਾਂ ਦੇ ਚਿਹਰਿਆਂ ਦੇ ਰੰਗ ਉੱਡ ਗਏ।
ਜੱਜਾਂ ਦੇ ਚਿਹਰਿਆਂ ਦੇ ਰੰਗ ਉੱਡ ਗਏ !
ਹਾਲ ਹੀ 'ਚ ਸ਼ੋਅ ਦਾ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ, ਪ੍ਰੋਮੋ 'ਚ ਅਭਿਨੇਤਰੀ ਸ਼ਿਲਪਾ ਸ਼ੈੱਟੀ, ਕਿਰਨ ਖੇਰ ਅਤੇ ਬਾਦਸ਼ਾਹ ਜੱਜ ਦੀ ਕੁਰਸੀ 'ਤੇ ਨਜ਼ਰ ਆ ਰਹੇ ਹਨ, ਇਹ ਤਿੰਨੋਂ ਭਾਰਤ ਦੇ ਟੈਲੇਂਟ ਨੂੰ ਚੁਣਨ ਲਈ ਕਮਰ ਕੱਸ ਕੇ ਬੈਠੇ ਹਨ, ਉਦੋਂ ਹੀ ਇਕ ਤੋਂ ਬਾਅਦ ਇਕ ਅਜਿਹੇ ਐਕਟ ਕੀਤੇ ਜਾਂਦੇ ਹਨ ਜੋ ਉਨ੍ਹਾਂ ਨੂੰ ਹਿਲਾ ਦਿੰਦੇ ਹਨ। ਅਜਿਹੇ 'ਚ ਵੀਡੀਓ 'ਚ ਅਜਿਹਾ ਐਕਟ ਹੈ, ਜਿਸ 'ਚ ਇੱਕ ਵਿਅਕਤੀ ਦੇ ਸਿਰ 'ਤੇ ਅੱਗ ਲੱਗ ਰਹੀ ਹੈ। ਉਹ ਖੁਦ ਪਾਣੀ ਦੀ ਬਾਲਟੀ ਨਾਲ ਅੱਗ ਬੁਝਾਉਂਦਾ ਨਜ਼ਰ ਆ ਰਿਹਾ ਹੈ। ਆਖਿਰ ਇਹ ਕਾਰਨਾਮਾ ਕੀ ਹੈ ਅਤੇ ਕੀ ਇਸ ਦੀ ਸੱਚਾਈ ਹੈ, ਇਹ ਤਾਂ ਸ਼ੋਅ ਦੇ ਪ੍ਰੀਮੀਅਰ ਆਉਣ 'ਤੋਂ ਬਾਅਦ ਹੀ ਪਤਾ ਲੱਗੇਗਾ।
ਸ਼ਿਲਪਾ ਸ਼ੈੱਟੀ ਸਮੇਤ ਹੋਰ ਜੱਜਾਂ ਦੇ ਉੱਡੇ ਹੋਸ਼
ਹਾਲਾਂਕਿ ਇਸ ਕਾਰਨਾਮੇ ਨੂੰ ਦੇਖ ਕੇ ਤਿੰਨੋਂ ਜੱਜ ਕਾਫੀ ਹੈਰਾਨ ਹੋਏ ਨਜ਼ਰ ਆਏ। ਸ਼ਿਲਪਾ ਸ਼ੈੱਟੀ ਇੰਨੀ ਹੈਰਾਨ ਹੈ ਕਿ ਉਹ ਆਪਣੇ ਹੱਥਾਂ ਨਾਲ ਆਪਣਾ ਮੂੰਹ ਬੰਦ ਕਰ ਲੈਂਦੀ ਹੈ। ਇਸ ਦੇ ਨਾਲ ਹੀ ਕਿਰਨ ਖੇਰ ਪ੍ਰਤੀਯੋਗੀ ਨੂੰ ਧਿਆਨ ਨਾਲ ਦੇਖਦੀ ਹੈ ਅਤੇ ਉਸਦੇ ਹੋਸ਼ ਉੱਡ ਜਾਂਦੇ ਹਨ, ਕੁਝ ਦੇਰ ਬਾਅਦ ਉਸ ਦਾ ਮੂੰਹ ਵੀ ਖੁੱਲ੍ਹ ਜਾਂਦਾ ਹੈ। ਦੂਜੇ ਪਾਸੇ, ਬਾਦਸ਼ਾਹ ਆਪਣੀਆਂ ਅੱਖਾਂ ਬੰਦ ਕਰ ਲੈਂਦਾ ਹੈ। ਉਹ ਆਪਣੀਆਂ ਉਂਗਲਾਂ ਵਿਚਕਾਰੋਂ ਇੱਕ ਅੱਖ ਖੋਲ੍ਹਦਾ ਹੈ ਅਤੇ ਉਸ ਕਾਰਨਾਮੇ ਨੂੰ ਦੇਖਦਾ ਹੈ।