Kapil Sharma Interview: ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਨੇ ਆਪਣੀ ਕਾਬਲੀਅਤ ਦੇ ਦਮ 'ਤੇ ਘਰ-ਘਰ 'ਚ ਨਾਂਅ ਕਮਾਇਆ ਹੈ। ਕਪਿਲ ਸ਼ਰਮਾ ਨੇ ਕਾਮੇਡੀ ਦਾ ਅਜਿਹਾ ਜਲਵਾ ਬਿਖੇਰਿਆ ਹੈ, ਜਿਸ ਨੇ ਦੁਨੀਆਂ ਭਰ 'ਚ ਉਨ੍ਹਾਂ ਦਾ ਨਾਂਅ ਕਮਾਇਆ ਹੈ। ਕਪਿਲ ਸ਼ਰਮਾ ਨੇ ਟੀਵੀ ਦੇ 'ਲਾਫਟਰ ਚੈਲੇਂਜ ਸ਼ੋਅ' ਤੋਂ ਲੈ ਕੇ ਨੈੱਟਫਲਿਕਸ 'ਤੇ ਆਪਣੇ 'ਐਮ ਨਾਟ ਡਨ ਯੈਟ ਸ਼ੋਅ' ਤੱਕ ਦਾ ਸਫ਼ਰ ਤੈਅ ਕੀਤਾ ਹੈ।
ਕਪਿਲ ਸ਼ਰਮਾ ਅੱਜ ਉਹ ਸਭ ਕੁਝ ਖਰੀਦਣ ਦੀ ਕਾਬਲੀਅਤ ਰੱਖਦੇ ਹਨ, ਜਿਸ ਲਈ ਉਨ੍ਹਾਂ ਨੇ ਕਦੇ ਬਹੁਤ ਧੱਕੇ ਖਾਧੇ ਸਨ। ਜੀ ਹਾਂ...ਕਪਿਲ ਸ਼ਰਮਾ (Kapil Sharma Life Journey) ਨੇ ਇੱਕ ਚੈਟ ਸ਼ੋਅ ਦੌਰਾਨ ਦੱਸਿਆ ਕਿ ਉਨ੍ਹਾਂ ਨੇ ਬਚਪਨ 'ਚ ਮਿਊਜ਼ਿਕ ਸਿਸਟਮ ਲੈਣ ਲਈ ਕੀ ਕੀਤਾ ਸੀ।
ਕਪਿਲ ਸ਼ਰਮਾ ਨੇ 'ਦੀ ਅਨੁਪਮ ਖੇਰ ਸ਼ੋਅ' 'ਚ ਆਪਣੀ ਜ਼ਿੰਦਗੀ ਬਾਰੇ ਗੱਲ ਕਰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੇ 14-15 ਸਾਲ ਦੀ ਉਮਰ 'ਚ ਅੰਮ੍ਰਿਤਸਰ ਦੀ ਇਕ ਕੱਪੜਾ ਮਿੱਲ 'ਚ ਕੰਮ ਵੀ ਕੀਤਾ ਸੀ। ਕਪਿਲ ਸ਼ਰਮਾ ਨੇ ਕਿਹਾ ਕਿ ਇਸ ਬਾਰੇ ਅੱਜ ਤੱਕ ਕਿਸੇ ਨੂੰ ਪਤਾ ਨਹੀਂ ਸੀ ਪਰ ਉਹ ਇਕ ਕੱਪੜਾ ਮਿੱਲ 'ਚ ਕੰਮ ਕਰਦੇ ਸਨ।
ਕਿੱਸਾ ਸਾਂਝਾ ਕਰਦੇ ਹੋਏ ਕਪਿਲ ਨੇ ਦੱਸਿਆ ਕਿ ਦਸਵੀਂ ਦੇ ਇਮਤਿਹਾਨ ਤੋਂ ਬਾਅਦ ਢਾਈ ਮਹੀਨੇ ਦੀਆਂ ਛੁੱਟੀਆਂ ਹੋਣ 'ਤੇ ਉਹ ਮਿੱਲ 'ਚ ਕੰਮ ਕਰਦੇ ਸਨ। ਕਪਿਲ ਸ਼ਰਮਾ ਨੇ ਦੱਸਿਆ ਕਿ ਅਜਿਹਾ ਨਹੀਂ ਸੀ ਕਿ ਉਨ੍ਹਾਂ ਨੇ ਇਹ ਪੈਸੇ ਘਰ 'ਚ ਦੇਣੇ ਸਨ, ਸਗੋਂ ਉਹ ਮਿਊਜ਼ਿਕ ਸਿਸਟਮ ਖਰੀਦਣਾ ਚਾਹੁੰਦੇ ਸਨ। ਕਪਿਲ ਸ਼ਰਮਾ ਨੇ ਦੱਸਿਆ ਸੀ ਕਿ ਉਨ੍ਹਾਂ ਨੂੰ ਰੋਜ਼ਾਨਾ 70-80 ਰੁਪਏ ਮਿਲਦੇ ਸਨ ਤੇ ਉਨ੍ਹਾਂ ਨੇ ਇਹ ਪੈਸੇ ਜੋੜ ਕੇ 3 ਹਜ਼ਾਰ ਰੁਪਏ ਦਾ ਮਿਊਜ਼ਿਕ ਸਿਸਟਮ ਲਿਆ ਸੀ।
ਕਪਿਲ ਸ਼ਰਮਾ ਨੇ 'ਦੀ ਅਨੁਪਮ ਖੇਰ ਸ਼ੋਅ' 'ਚ ਆਪਣੀ ਜ਼ਿੰਦਗੀ ਦੀਆਂ ਕਹਾਣੀਆਂ ਸਾਂਝੀਆਂ ਕਰਦੇ ਹੋਏ ਆਪਣੇ ਅੰਦਰ ਮੌਜੂਦ ਕਮੀਆਂ ਬਾਰੇ ਵੀ ਦੱਸਿਆ। ਕਪਿਲ ਸ਼ਰਮਾ (Kapil Sharma Interview)ਨੇ ਕਿਹਾ ਕਿ ਉਹ ਲੋਕਾਂ 'ਤੇ ਬਹੁਤ ਜਲਦੀ ਭਰੋਸਾ ਕਰਦੇ ਹਨ।
ਕਪਿਲ ਦਾ ਮੰਨਣਾ ਹੈ ਕਿ ਇਹ ਵੀ ਚੰਗੀ ਗੱਲ ਹੈ, ਜਦੋਂ ਜਲਦਬਾਜ਼ੀ 'ਚ ਕਿਸੇ ਨਾਲ ਅਜਿਹਾ ਹੁੰਦਾ ਹੈ ਤਾਂ ਧੋਖਾਧੜੀ ਦੀ ਸੰਭਾਵਨਾ ਘੱਟ ਹੋ ਜਾਂਦੀ ਹੈ ਪਰ ਕਈ ਵਾਰ ਧੋਖਾਧੜੀ ਵੀ ਹੋ ਜਾਂਦੀ ਹੈ। ਕਪਿਲ ਸ਼ਰਮਾ ਨੇ ਆਪਣੇ ਮਜ਼ਾਕੀਆ ਅੰਦਾਜ਼ ਨਾਲ ਹਰ ਥਾਂ ਰੰਗ ਬੰਨ੍ਹ ਦਿੰਦੇ ਹਨ। ਅੱਜ ਕਪਿਲ ਸ਼ਰਮਾ ਕਾਮੇਡੀ ਨਾਲ ਹਰ ਘਰ 'ਚ ਆਪਣੀ ਪਛਾਣ ਬਣਾ ਚੁੱਕੇ ਹਨ।
ਇਹ ਵੀ ਪੜ੍ਹੋ: SBI ਦੇ ਗਾਹਕਾਂ ਲਈ ਖੁਸ਼ਖਬਰੀ! ਹੁਣ ਖੁਦ ਕਰ ਸਕਣਗੇ ਡੈਬਿਟ ਕਾਰਡ ਦਾ PIN ਜੈਨਰੇਟ, ਸਿਰਫ਼ ਕਰਨਾ ਪਵੇਗਾ ਇਹ ਛੋਟਾ ਜਿਹਾ ਕੰਮ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin