Mimi Chakraborty On Fly Emirates : ਜੇਕਰ ਅਸੀਂ ਬੰਗਾਲੀ ਫਿਲਮ ਇੰਡਸਟਰੀ ਦੀ ਸਭ ਤੋਂ ਮਸ਼ਹੂਰ ਅਭਿਨੇਤਰੀ ਦੀ ਗੱਲ ਕਰੀਏ ਤਾਂ ਮਿਮੀ ਚੱਕਰਵਰਤੀ (Mimi Chakraborty) ਦਾ ਨਾਮ ਜ਼ਰੂਰ ਇਸ ਵਿੱਚ ਸ਼ਾਮਲ ਹੋਵੇਗਾ। ਫਿਲਮੀ ਦੁਨੀਆ ਤੋਂ ਲੈ ਕੇ ਰਾਜਨੀਤੀ ਦੇ ਗਲਿਆਰੇ ਤੱਕ ਮਿਮੀ ਚੱਕਰਵਰਤੀ ਕਾਫੀ ਮਸ਼ਹੂਰ ਹੈ। ਇਸ ਦੌਰਾਨ ਮਿਮੀ ਚੱਕਰਵਰਤੀ ਦਾ ਨਾਂ ਇਕ ਨਵੇਂ ਵਿਵਾਦ ਨੂੰ ਲੈ ਕੇ ਗਰਮਾਇਆ ਹੈ। ਮਿਮੀ ਚੱਕਰਵਰਤੀ ਦਾ ਇਹ ਵਿਵਾਦ ਮਸ਼ਹੂਰ ਏਅਰਲਾਈਨ ਫਲਾਈ ਐਮੀਰੇਟਸ ਨਾਲ ਹੋਇਆ ਹੈ। ਜਿਸ ਦੀ ਵਜ੍ਹਾ ਅਦਾਕਾਰਾ ਨੇ ਖਾਣੇ 'ਚ ਵਾਲ ਨਿਕਲਣ 'ਤੇ ਏਅਰਲਾਈਨਜ਼ ਦੀ ਕਲਾਸ ਲਗਾਈ ਹੈ।

Fly Emirates 'ਤੇ ਫੁੱਟਿਆ ਮਿਮੀ ਚੱਕਰਵਰਤੀ ਦਾ ਗੁੱਸਾ  

 

ਮੰਗਲਵਾਰ ਨੂੰ ਮਿਮੀ ਚੱਕਰਵਰਤੀ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ 'ਤੇ ਤਾਜ਼ਾ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਮਿਮੀ ਚੱਕਰਵਰਤੀ ਦੀਆਂ ਇਹ ਤਸਵੀਰਾਂ ਇਸ ਏਅਰਲਾਈਨਜ਼ 'ਚ ਮਿਲਣ ਵਾਲੇ ਖਾਣੇ ਦੀਆਂ ਹਨ, ਜਿਸ 'ਚ ਖਾਣਾ ਖਾਂਦੇ ਸਮੇਂ ਮਿਮੀ ਨੂੰ ਸਿਰ ਦਾ ਵਾਲ ਮਿਲਿਆ ਹੈ। ਇਸ ਤੋਂ ਬਾਅਦ ਖਰਾਬ ਖਾਣੇ ਨੂੰ ਲੈ ਕੇ ਫਲਾਈ ਐਮੀਰੇਟਸ 'ਤੇ ਮਿਮੀ ਚੱਕਰਵਰਤੀ ਦਾ ਗੁੱਸਾ ਫੁੱਟਿਆ ਹੈ।

 





ਇਸ ਮਾਮਲੇ ਨੂੰ ਲੈ ਕੇ ਮਿਮੀ ਚੱਕਰਵਰਤੀ ਨੇ ਇਸ ਟਵੀਟ 'ਚ ਲਿਖਿਆ ਹੈ- ਪਿਆਰੇ ਅਮੀਰਾਤ, ਮੈਨੂੰ ਲੱਗਦਾ ਹੈ ਕਿ ਤੁਸੀਂ ਬਹੁਤ ਜ਼ਿਆਦਾ ਵੱਡੇ ਹੋ ਗਏ ਹੋ , ਤੁਹਾਨੂੰ ਆਪਣੇ ਨਾਲ ਸਫਰ ਕਰਨ ਵਾਲੇ ਲੋਕਾਂ ਦੀ ਕੋਈ ਪਰਵਾਹ ਨਹੀਂ ਹੈ। ਮੇਰੇ ਹਿਸਾਬ ਨਾਲ ਖਾਣੇ ਵਿੱਚ ਵਾਲ ਮਿਲਣਾ ਚੰਗੀ ਗੱਲ ਨਹੀਂ ਹੈ। ਮੈਂ ਇਸ ਮਾਮਲੇ ਬਾਰੇ ਤੁਹਾਡੀ ਟੀਮ ਨੂੰ ਮੇਲ ਕੀਤਾ ਹੈ, ਪਰ ਸ਼ਾਇਦ ਤੁਹਾਡੇ ਵੱਲੋਂ ਮਾਫੀ ਮੰਗਣਾ ਜਾਂ ਕੋਈ ਜਵਾਬ ਦੇਣਾ ਜ਼ਰੂਰੀ ਨਹੀਂ ਹੈ। ਮੈਂ ਜਿਸ ਬੁਰਕੀ ਨੂੰ ਚਬਾ ਰਹੀ ਸੀ ,ਉਸ ਵਿੱਚੋਂ ਵਾਲ ਨਿਕਲਿਆ ਹੈ। ਜੇ ਤੁਹਾਨੂੰ ਪਰਵਾਹ ਹੋ ਤਾਂ ਪੂਰੀ ਡਿਟੇਲ ਨਾਲ ਮੇਰੀ ਮੇਲ ਵੇਖੋ।  ਇਸ ਤਰ੍ਹਾਂ ਮਿਮੀ ਚੱਕਰਵਰਤੀ ਨੇ ਐਮੀਰੇਟਸ ਏਅਰਲਾਈਨਜ਼ ਨੂੰ ਖਰੀ -ਖਰੀ ਸੁਣਾਈ ਹੈ।

 





ਲੋਕਾਂ ਨੇ ਦਿੱਤੇ ਅਜਿਹੇ ਪ੍ਰਤੀਕਰਮ  


ਮਿਮੀ ਚੱਕਰਵਰਤੀ ਦੇ ਇਸ ਟਵੀਟ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਲੋਕਾਂ ਦੀਆਂ ਪ੍ਰਤੀਕਿਰਿਆਵਾਂ ਆਉਣੀਆਂ ਸ਼ੁਰੂ ਹੋ ਗਈਆਂ ਹਨ। ਇੱਕ ਟਵਿੱਟਰ ਯੂਜ਼ਰ ਨੇ ਕਮੈਂਟ ਕਰਦੇ ਹੋਏ ਲਿਖਿਆ ਹੈ- ਆਪਣਾ ਹੀ ਵਾਲ ਪਾ ਕੇ ਫੋਟੋ ਖਿਚੋ ਮੈਮ , ਇਹ ਟ੍ਰਿਕ ਹੁਣ ਪੁਰਾਣੀ ਹੋ ਗਈ ਹੈ, ਕੁਝ ਨਵਾਂ ਲੈ ਕੇ ਆਉ। ਇਕ ਹੋਰ ਯੂਜ਼ਰ ਨੇ ਲਿਖਿਆ ਹੈ ਕਿ ਐਮੀਰੇਟਸ ਤੋਂ ਸ਼ਾਇਦ ਗਲਤੀ ਹੋ ਗਈ ਹੈ, ਉਨ੍ਹਾਂ ਨੂੰ ਵਾਲ ਲੈ ਕੇ ਟੈਸਟ ਕਰਨਾ ਚਾਹੀਦਾ ਸੀ ਕਿ ਇਹ ਕਿਸ ਦਾ ਵਾਲ ਹੈ।