Money Heist Trailer: ਅਪਰਾਧ ਅਤੇ ਡਰਾਮੇ 'ਤੇ ਆਧਾਰਿਤ ਦੁਨੀਆ ਦੀ ਸਭ ਤੋਂ ਫੇਮਸ ਵੈੱਬ ਸੀਰੀਜ਼ 'ਮਨੀ ਹਾਈਸਟ' ਦੇ ਪੰਜਵੇਂ ਸੀਜ਼ਨ ਦੇ ਦੂਜੇ ਹਿੱਸੇ ਦਾ ਟ੍ਰੇਲਰ ਰਿਲੀਜ਼ ਹੁੰਦੇ ਹੀ ਵਾਇਰਲ ਹੋ ਗਿਆ ਹੈ। ਇਸ ਟ੍ਰੇਲਰ 'ਚ ਸਪੈਨਿਸ਼ ਵੈਬਸੀਰੀਜ਼ 'ਮਨੀ ਹਾਈਸਟ' ਦੀ ਜ਼ਿੰਦਗੀ ਕਹੇ ਜਾਣ ਵਾਲੇ ਪ੍ਰੋਫੈਸਰ ਪੂਰੇ ਰੂਪ 'ਚ ਨਜ਼ਰ ਆ ਰਹੇ ਹਨ। ਟ੍ਰੇਲਰ 'ਚ ਹੋਰ ਕੀ ਨਜ਼ਰ ਆ ਰਿਹਾ ਹੈ, ਇਸ ਬਾਰੇ 'ਚ ਤੁਹਾਨੂੰ ਵਿਸਥਾਰ ਨਾਲ ਦੱਸਾਂਗੇ, ਸਭ ਤੋਂ ਪਹਿਲਾਂ ਇਹ ਜਾਣ ਲਓ ਕਿ ਇਸ ਐਕਸ਼ਨ ਅਤੇ ਡਰਾਮੇ ਨਾਲ ਭਰਪੂਰ ਵੈੱਬ ਸੀਰੀਜ਼ ਦੇ ਹੁਣ ਤੱਕ ਕੁੱਲ ਪੰਜ ਸੀਜ਼ਨ ਬਣ ਚੁੱਕੇ ਹਨ। ਸੀਰੀਜ਼ ਦਾ ਪੰਜਵਾਂ ਹਿੱਸਾ ਐਕਸ਼ਨ ਨਾਲ ਭਰਪੂਰ ਸੀ। ਪੰਜਵੇਂ ਸੀਜ਼ਨ ਦੇ ਕਲਾਈਮੈਕਸ ਵਿੱਚ ਇਹ ਦਿਖਾਇਆ ਗਿਆ ਹੈ ਕਿ ਪ੍ਰੋਫੈਸਰ ਦੀ ਟੀਮ ਦੇ ਸਭ ਤੋਂ ਮਸ਼ਹੂਰ ਮੈਂਬਰ, ਟੋਕੀਓ ਦੀ ਮੌਤ ਹੋ ਜਾਂਦੀ ਹੈ।
ਅੱਜ ਰਿਲੀਜ਼ ਹੋਏ ਟ੍ਰੇਲਰ 'ਚ 'ਰਾਇਲ ਮਿੰਟ ਆਫ ਸਪੇਨ' ਅਤੇ 'ਬੈਂਕ ਆਫ ਸਪੇਨ' 'ਚ ਚੋਰੀਆਂ ਦੀ ਯੋਜਨਾ ਬਣਾਉਣ ਵਾਲੇ ਪ੍ਰੋਫੈਸਰ ਹੁਣ ਆਪਣੀ ਟੀਮ ਨੂੰ ਬਚਾਉਣ ਲਈ ਮੈਦਾਨ 'ਚ ਆ ਗਿਆ ਹੈ। ਟ੍ਰੇਲਰ 'ਚ ਪ੍ਰੋਫੈਸਰ ਦੀ ਟੀਮ ਇੱਕ-ਇੱਕ ਕਰਕੇ ਬਿਖਰਦੀ ਨਜ਼ਰ ਆ ਰਹੀ ਹੈ ਅਤੇ ਉਸ ਦੇ ਬਚਣ ਦੀ ਕੋਈ ਗੁੰਜਾਇਸ਼ ਨਹੀਂ ਹੈ, ਅਜਿਹੇ 'ਚ ਟ੍ਰੇਲਰ 'ਚ ਪ੍ਰੋਫੈਸਰ ਨੂੰ ਦੇਖ ਕੇ ਲੋਕਾਂ ਦੇ ਦਿਮਾਗ 'ਚ ਇਹ ਸਵਾਲ ਜ਼ਰੂਰ ਆਉਂਦਾ ਹੈ ਕਿ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਉਹ ਆਪਣੇ ਤੇਜ਼ ਦਿਮਾਗ ਦੀ ਮਦਦ ਨਾਲ ਟੀਮ ਨੂੰ ਬਚਾ ਲਵੇਗਾ?
ਦੱਸ ਦੇਈਏ ਕਿ ਵੈੱਬ ਸੀਰੀਜ਼ 'ਮਨੀ ਹਾਈਸਟ' 'ਚ ਸਪੈਨਿਸ਼ ਐਕਟਰ ਅਲਵਾਰੋ ਮੋਰਟੇ ਨੇ ਸਰਜੀਓ ਮਾਰਕਿਨਾ ਨਾਂ ਦੇ ਪ੍ਰੋਫੈਸਰ ਦੀ ਭੂਮਿਕਾ ਨਿਭਾਈ ਹੈ। ਪ੍ਰੋਫ਼ੈਸਰ ਬਹੁਤ ਤੇਜ਼ ਦਿਮਾਗ਼ ਵਾਲਾ ਹੈ ਅਤੇ ਉਸ ਨੇ 'ਰਾਇਲ ਮਿੰਟ ਆਫ਼ ਸਪੇਨ' ਅਤੇ 'ਬੈਂਕ ਆਫ਼ ਸਪੇਨ' ਵਿੱਚ ਚੋਰੀਆਂ ਲਈ ਯੋਜਨਾ ਤਿਆਰ ਕੀਤੀ ਹੈ, ਜਿਸ ਨੂੰ ਉਸ ਦੀ ਚੁਣੀ ਟੀਮ ਅੰਜ਼ਾਮ ਦਿੰਦੀ ਹੈ ਅਤੇ ਬੈਂਕ ਚੋਂ ਕਰੋੜਾਂ ਦਾ ਸੋਨਾ ਲੈ ਜਾਂਦੀ ਹੈ।
ਇਹ ਵੀ ਪੜ੍ਹੋ: Diwali Bash 2021: ਬਾਲੀਵੁੱਡ ਸਟਾਰਸ ਦੀ ਦੀਵਾਲੀ ਪਾਰਟੀ, Salman ਨਾਲ ਨਜ਼ਰ ਆਈ Iulia Vantur
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin