payal rohatgi to marry boyfriend sangram singh after 12 years dating know the wedding date and details
Payal Rohatgi Sangram Singh Wedding: ਪਾਇਲ ਰੋਹਤਗੀ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਹਾਲ ਹੀ 'ਚ ਉਹ ਲੌਕ ਅੱਪ ਸ਼ੋਅ 'ਚੋਂ ਫਸਟ ਰਨਰ ਅੱਪ ਬਣ ਕੇ ਬਾਹਰ ਆਈ ਹੈ। ਸ਼ੋਅ ਦੌਰਾਨ ਉਹ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ 'ਚ ਰਹੀ। ਇਸ ਦੌਰਾਨ ਪ੍ਰੇਮੀ ਸੰਗਰਾਮ ਸਿੰਘ ਨੇ ਵੀ ਉਸ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ। ਅਜਿਹੇ 'ਚ ਹੁਣ ਇਸ ਜੋੜੇ ਨਾਲ ਜੁੜੀ ਇੱਕ ਅਹਿਮ ਜਾਣਕਾਰੀ ਸਾਹਮਣੇ ਆ ਰਹੀ ਹੈ।
ਜਿਵੇਂ ਕਿ ਸਾਰੇ ਜਾਣਦੇ ਹਾਂ ਕਿ ਪਾਇਲ ਰੋਹਤਗੀ ਅਤੇ ਸੰਗਰਾਮ ਸਿੰਘ ਦਾ ਪਿਆਰ ਹੁਣ ਕਿਸੇ ਤੋਂ ਲੁਕਿਆ ਨਹੀਂ ਹੈ। ਦੋਵੇਂ ਪਿਛਲੇ 12 ਸਾਲਾਂ ਤੋਂ ਇੱਕ ਦੂਜੇ ਦੇ ਨਾਲ ਹਨ ਅਤੇ ਲਿਵ-ਇਨ ਵਿੱਚ ਰਹਿ ਰਹੇ ਹਨ। ਹਾਲ ਹੀ 'ਚ ਪਾਇਲ ਕੰਗਨਾ ਰਣੌਤ ਦੇ ਸ਼ੋਅ 'ਲੌਕ ਅੱਪ' ਤੋਂ ਬਾਹਰ ਆਈ ਹੈ। ਸ਼ੋਅ ਦੌਰਾਨ ਸੰਗਰਾਮ ਸਿੰਘ ਨੇ ਪਾਇਲ ਰੋਹਤਗੀ ਨਾਲ ਜਲਦੀ ਹੀ ਵਿਆਹ ਕਰਨ ਦਾ ਵਾਅਦਾ ਕੀਤਾ ਸੀ, ਜਿਸ ਤੋਂ ਬਾਅਦ ਫੈਨਜ਼ ਉਨ੍ਹਾਂ ਦੇ ਵਿਆਹ ਦੀ ਤਰੀਕ ਜਾਣਨ ਲਈ ਬੇਤਾਬ ਹੋ ਰਹੇ ਹਨ।
ਹੁਣ ਇਸ ਜੋੜੇ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਆਪਣੇ ਵਿਆਹ ਦੀ ਤਰੀਕ ਦਾ ਐਲਾਨ ਕੀਤਾ ਹੈ। ਸੰਗਰਾਮ ਸਿੰਘ ਅਤੇ ਪਾਇਲ ਰੋਹਤਗੀ ਦੋਵਾਂ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਆਪਣੇ ਵਿਆਹ ਦੀ ਤਸਵੀਰ ਦੇ ਨਾਲ ਇੱਕ ਪੋਸਟ ਸ਼ੇਅਰ ਕੀਤੀ ਹੈ। ਤਸਵੀਰ 'ਚ ਪਾਇਲ ਅਤੇ ਸੰਗਰਾਮ ਦੋਵੇਂ ਅਖਾੜੇ 'ਚ ਨਜ਼ਰ ਆ ਰਹੇ ਹਨ। ਤਸਵੀਰ ਦੇ ਨਾਲ ਉਨ੍ਹਾਂ ਨੇ ਕੈਪਸ਼ਨ ਲਿਖਿਆ ਹੈ- 'ਇਸ ਜੁਲਾਈ 'ਚ ਅਸੀਂ ਵਿਆਹ ਕਰ ਰਹੇ ਹਾਂ'।
ਖ਼ਬਰਾਂ ਮੁਤਾਬਕ ਦੋਹਾਂ ਦਾ 21 ਜੁਲਾਈ ਨੂੰ ਸਾਦਾ ਵਿਆਹ ਹੋਵੇਗਾ। ਵਿਆਹ ਇੱਕ ਮੰਦਰ ਵਿੱਚ ਹੋਵੇਗਾ ਅਤੇ ਸਾਰੀਆਂ ਰਸਮਾਂ ਆਰੀਆ ਸਮਾਜ ਮੁਤਾਬਕ ਹੋਣਗੀਆਂ। ਵਿਆਹ ਦੀਆਂ ਜ਼ਿਆਦਾਤਰ ਰਸਮਾਂ ਗੁਜਰਾਤ ਜਾਂ ਹਰਿਆਣਾ ਵਿੱਚ ਹੋਣਗੀਆਂ। ਇਸ ਦੌਰਾਨ ਵਿਆਹ ਤੋਂ ਪਹਿਲਾਂ ਦੇ ਸਾਰੇ ਫੰਕਸ਼ਨ ਜਿਵੇਂ ਹਲਦੀ ਅਤੇ ਮਹਿੰਦੀ ਵੀ ਹੋਵੇਗੀ। ਦੱਸ ਦੇਈਏ ਕਿ ਸੰਗਰਾਮ ਸਿੰਘ ਦਾ ਜਨਮ ਦਿਨ ਵੀ 21 ਜੁਲਾਈ ਨੂੰ ਹੈ।
ਪਾਇਲ ਰੋਹਤਗੀ ਕਦੇ ਮਾਂ ਨਹੀਂ ਬਣ ਸਕਦੀ
ਪਾਇਲ ਰੋਹਤਗੀ ਨੇ 'ਲੌਕ ਅੱਪ' 'ਚ ਇਹ ਖੁਲਾਸਾ ਕਰਕੇ ਸਾਰਿਆਂ ਨੂੰ ਭਾਵੁਕ ਕਰ ਦਿੱਤਾ ਕਿ ਉਹ ਕਦੇ ਮਾਂ ਨਹੀਂ ਬਣ ਸਕਦੀ। ਉਸ ਨੇ ਆਈਵੀਐਫ ਵਰਗੀਆਂ ਕਈ ਤਕਨੀਕਾਂ ਅਪਣਾਈਆਂ ਪਰ ਉਸ ਮੁਤਾਬਕ ਉਸ ਨੂੰ ਕੋਈ ਫਾਇਦਾ ਨਹੀਂ ਹੋਇਆ। ਸ਼ੋਅ 'ਚ ਇਸ ਗੱਲ ਦਾ ਖੁਲਾਸਾ ਕਰਦੇ ਹੋਏ ਉਹ ਰੋਣ ਲੱਗ ਗਈ ਸੀ।
ਇਹ ਵੀ ਪੜ੍ਹੋ: IPL 2022: ਮੈਥਿਊ ਵੇਡ ਨੂੰ ਡ੍ਰੈਸਿੰਗ ਰੂਮ 'ਚ ਹੈਲਮੇਟ ਤੇ ਬੱਲਾ ਸੁੱਟਣਾ ਪਿਆ ਭਾਰੀ, ਆਊਟ ਹੋਣ ਮਗਰੋਂ ਕੀਤਾ ਸੀ ਰਿਐਕਟ