Rakulpreet Singh Struggle: ਅਦਾਕਾਰਾ ਰਕੁਲ ਪ੍ਰੀਤ ਸਿੰਘ ਦਾ ਸਾਊਥ ਦੀਆਂ ਫ਼ਿਲਮਾਂ ਵਿੱਚ ਸ਼ਾਨਦਾਰ ਕਰੀਅਰ ਰਿਹਾ ਹੈ। ਬਾਲੀਵੁੱਡ ਵਿੱਚ ਆਪਣੀ ਪਛਾਣ ਬਣਾਉਣ ਤੋਂ ਬਾਅਦ, ਉਨ੍ਹਾਂ ਕੋਲ ਕਈ ਹਿੰਦੀ ਫਿਲਮਾਂ ਵੀ ਹਨ। ਹਾਲ ਹੀ 'ਚ ਅਦਾਕਾਰਾ ਅਜੇ ਦੇਵਗਨ ਦੀ ਫਿਲਮ 'ਰਨਵੇ 34' 'ਚ ਨਜ਼ਰ ਆਈ ਸੀ। ਇਸ ਫਿਲਮ 'ਚ ਰਕੁਲ ਦੀ ਅਦਾਕਾਰੀ ਨੂੰ ਖੂਬ ਪਸੰਦ ਕੀਤਾ ਗਿਆ ਸੀ। ਅਜੇ ਦੇਵਗਨ ਨਾਲ ਰਕੁਲ ਦੀ ਇਹ ਦੂਜੀ ਫਿਲਮ ਹੈ। ਉਹ 'ਦੇ ਦੇ ਪਿਆਰ ਦੇ' 'ਚ ਅਜੇ ਨਾਲ ਰੋਮਾਂਸ ਕਰਦੀ ਨਜ਼ਰ ਆਈ ਸੀ ਪਰ ਇਸ ਫਿਲਮ 'ਚ ਕਿਰਦਾਰ ਨਿਭਾਉਣਾ ਉਨ੍ਹਾਂ ਲਈ ਆਸਾਨ ਨਹੀਂ ਸੀ। ਰਕੁਲ ਨੇ ਇਸ ਲਈ ਖੁਦ 'ਤੇ ਸਖਤ ਮਿਹਨਤ ਕੀਤੀ।
ਪਤਲੇ ਹੋਣ ਕਰਕੇ ਲੋਕ ਕਹਿੰਦੇ ਸੀ ਸੋਟੀ
ਰਕੁਲ ਪ੍ਰੀਤ ਸਿੰਘ ਨੂੰ ਹਾਲ ਹੀ 'ਚ ਸ਼ਿਲਪਾ ਸ਼ੈੱਟੀ ਦੇ ਚੈਟ ਸ਼ੋਅ 'ਸ਼ੇਪ ਆਫ ਯੂ' 'ਚ ਦੇਖਿਆ ਗਿਆ ਸੀ, ਜਿੱਥੇ ਉਨ੍ਹਾਂ ਨੇ ਖੁਲਾਸਾ ਕੀਤਾ ਸੀ ਕਿ ਬਾਲੀਵੁੱਡ 'ਚ ਐਂਟਰੀ ਲੈਣ ਲਈ ਉਹਨਾਂ ਨੇ ਆਪਣੇ ਵਜ਼ਨ 'ਤੇ ਕਾਫੀ ਮਿਹਨਤ ਕੀਤੀ ਹੈ। ਜਿੱਥੇ ਦੱਖਣ ਦੀਆਂ ਫ਼ਿਲਮਾਂ ਵਿੱਚ ਇੱਕ ਅਦਾਕਾਰਾ ਨੂੰ ਚਬੀ ਹੋਣਾ ਜ਼ਰੂਰੀ ਹੈ, ਉੱਥੇ ਹੀ ਬਾਲੀਵੁੱਡ ਵਿੱਚ ਇੱਕ ਪਰਫੈਕਟ ਫਿੱਟ ਅਦਾਕਾਰਾ ਦੀ ਮੰਗ ਹੈ। ਅਦਾਕਾਰਾ ਨੇ ਸ਼ਿਲਪਾ ਨੂੰ ਕਿਹਾ, 'ਜਦੋਂ ਮੈਂ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ, ਮੈਂ ਬਹੁਤ ਪਤਲੀ ਸੀ, ਲੋਕ ਮੈਨੂੰ ਸੋਟੀ ਕਹਿੰਦੇ ਸਨ। ਪਰ ਫਿਰ ਮੈਂ ਆਪਣੇ ਭਾਰ 'ਤੇ ਕੰਮ ਕੀਤਾ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਅੱਗੇ ਕਿਹਾ, 'ਜਦੋਂ ਮੈਂ ਮੁੰਬਈ ਆਈ ਸੀ ਤਾਂ ਮੈਨੂੰ ਕਿਹਾ ਗਿਆ ਸੀ ਕਿ ਮੈਨੂੰ ਭਾਰ ਘਟਾਉਣਾ ਹੈ ਕਿਉਂਕਿ ਇਹ ਮੁੰਬਈ ਲਈ ਜ਼ਰੂਰੀ ਹੈ। ਮੈਂ ਫਿਰ 50 ਦਿਨਾਂ ਵਿੱਚ 10 ਕਿਲੋ ਭਾਰ ਘਟਾਇਆ, ਤੇ ਫਿਰ ਮੈਂ ਇਹ ਨਹੀਂ ਸੋਚਿਆ ਕਿ ਮੇਰਾ ਵਜ਼ਨ 10 ਕਿਲੋ ਵੱਧ ਹੈ। ਰਕੁਲ ਨੇ ਇਸ ਸ਼ੋਅ 'ਚ ਯਾਦ ਕੀਤਾ ਕਿ ਕਿਵੇਂ ਉਸ ਨੇ ਲਵ ਰੰਜਨ ਦੀ ਫਿਲਮ 'ਦੇ ਦੇ ਪਿਆਰ ਦੇ' ਲਈ ਖੁਦ ਨੂੰ ਬਦਲਿਆ ਸੀ। ਅਜੇ ਦੇਵਗਨ ਤੇ ਤੱਬੂ ਦੀ ਇਸ ਫਿਲਮ 'ਚ ਰਕੁਲ ਪ੍ਰੀਤ ਸਿੰਘ ਨੂੰ ਵੀ ਦਮਦਾਰ ਰੋਲ ਮਿਲਿਆ ਹੈ।
ਆਉਣ ਵਾਲੀ ਬਾਲੀਵੁੱਡ ਫਿਲਮ
ਰਕੁਲ ਦੀਆਂ ਆਉਣ ਵਾਲੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਹ 'ਮਿਸ਼ਨ ਸਿੰਡਰੈਲਾ', 'ਥੈਂਕ ਗੌਡ', 'ਡਾਕਟਰ ਜੀ', ਛੱਤਰੀਵਾਲੀ ਵਰਗੀਆਂ ਬਾਲੀਵੁੱਡ ਫਿਲਮਾਂ 'ਚ ਨਜ਼ਰ ਆਵੇਗੀ। ਇਸ ਤੋਂ ਇਲਾਵਾ ਸਾਊਥ ਦੀਆਂ ਕਈ ਫਿਲਮਾਂ ਵੀ ਉਨ੍ਹਾਂ ਦੀ ਪਾਈਪਲਾਈਨ 'ਚ ਹਨ।