The Great Indian Kapil Show: ਕਪਿਲ ਸ਼ਰਮਾ ਦਾ ਕਾਮੇਡੀ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਦੀ ਸ਼ੁਰੂਆਤ ਹੋ ਗਈ ਹੈ। ਇਹ ਸ਼ੋਅ ਟੀਵੀ 'ਤੇ ਨਹੀਂ ਸਗੋਂ OTT ਪਲੇਟਫਾਰਮ Netflix 'ਤੇ ਸਟ੍ਰੀਮ ਕੀਤਾ ਜਾ ਰਿਹਾ ਹੈ। ਸ਼ਨੀਵਾਰ 30 ਮਾਰਚ ਨੂੰ ਸ਼ੋਅ ਦਾ ਪਹਿਲਾ ਐਪੀਸੋਡ ਆਇਆ ਹੈ, ਜੋ ਕਾਫੀ ਧਮਾਕੇਦਾਰ ਰਿਹਾ। ਪਹਿਲੇ ਐਪੀਸੋਡ ਦੇ ਮਹਿਮਾਨ ਰਣਬੀਰ ਕਪੂਰ, ਨੀਤੂ ਕਪੂਰ ਅਤੇ ਰਿਧੀਮਾ ਕਪੂਰ ਸਾਹਨੀ ਸਨ। ਤਿੰਨਾਂ ਨੇ ਮਿਲ ਕੇ ਕਪਿਲ ਦੇ ਸ਼ੋਅ 'ਚ ਖੂਬ ਧੂਮ ਮਚਾਈ।
ਕਪਿਲ ਦੇ ਸ਼ੋਅ ਵਿੱਚ ਨੀਤੂ ਕਪੂਰ, ਰਣਬੀਰ ਕਪੂਰ ਅਤੇ ਰਿਧੀਮਾ ਕਪੂਰ ਸਾਹਨੀ ਨੇ ਇੱਕ ਦੂਜੇ ਦੇ ਕਈ ਰਾਜ਼ ਖੋਲ੍ਹੇ, ਜਿਸਨੂੰ ਸੁਣ ਕੇ ਦਰਸ਼ਕ ਹੈਰਾਨ ਰਹਿ ਗਏ ਅਤੇ ਹੱਸ-ਹੱਸ ਲੋਟ ਪੋਟ ਹੋ ਗਏ। ਆਓ ਜਾਣਦੇ ਹਾਂ ਉਹ ਰਾਜ਼ ਕੀ ਸਨ।
ਨੀਤੂ ਨੇ ਦੱਸਿਆ ਉਨ੍ਹਾਂ ਦੇ ਬੱਚਿਆਂ ਨੂੰ ਰਿਸ਼ੀ ਕਪੂਰ ਤੋਂ ਚੰਗੇ ਸੰਸਕਾਰ ਮਿਲੇ
ਕਪਿਲ ਸ਼ਰਮਾ ਨੇ ਨੀਤੂ ਕਪੂਰ ਨੂੰ ਸਵਾਲ ਪੁੱਛਿਆ ਕਿ ਤੁਹਾਡੇ ਦੋਹਾਂ ਬੱਚਿਆਂ ਨੂੰ ਤੁਹਾਡੀਆਂ ਕਿਹੜੀਆਂ ਆਦਤਾਂ ਲੱਗੀਆਂ ਹਨ। ਇਸ 'ਤੇ ਨੀਤੂ ਨੇ ਜਵਾਬ ਦਿੱਤਾ ਕਿ ਉਹ ਵੀ ਮੇਰੇ ਵਾਂਗ ਸ਼ਾਂਤ ਹਨ, ਪਰ ਉਨ੍ਹਾਂ ਦੇ ਪਿਤਾ ਰਿਸ਼ੀ ਨੇ ਇਨ੍ਹਾਂ ਨੂੰ ਬਹੁਤ ਚੰਗੀ ਪਰਵਰਿਸ਼ ਦਿੱਤੀ ਹੈ। ਉਨ੍ਹਾਂ ਨੇ ਇਨ੍ਹਾਂ ਨੂੰ ਲੋਕਾਂ ਦਾ ਆਦਰ ਕਰਨਾ, ਪੈਸਿਆਂ ਦੀ ਮਹੱਤਤਾ ਅਤੇ ਸਮੇਂ ਦੀ ਕਦਰ ਕਰਨਾ ਸਿਖਾਇਆ ਹੈ।
ਇਸ ਤੋਂ ਬਾਅਦ ਰਣਬੀਰ ਕਪੂਰ ਦੱਸਦੇ ਹਨ ਕਿ ਉਹ ਆਪਣੇ ਪਿਤਾ ਤੋਂ ਬਹੁਤ ਡਰਦੇ ਸਨ। ਰਣਬੀਰ ਦਾ ਕਹਿਣਾ ਹੈ ਕਿ ਜੇਕਰ ਪਾਪਾ ਉਨ੍ਹਾਂ ਵੱਲ ਘੂਰ ਵੀ ਲੈਂਦੇ ਸੀ ਤਾਂ ਉਹ ਵੱਡੇ-ਵੱਡੇ ਹੰਝੂ ਵਹਾਉਣ ਲੱਗ ਪੈਂਦਾ ਸੀ। ਅਭਿਨੇਤਾ ਦਾ ਕਹਿਣਾ ਹੈ ਕਿ ਪਰ ਪਿਤਾ ਉਨ੍ਹਾਂ ਨੂੰ ਹੀ ਡਾਂਟਦੇ ਸਨ, ਜਿਨ੍ਹਾਂ ਨੂੰ ਉਹ ਪਿਆਰ ਕਰਦੇ ਸਨ।
ਜਾਣੋ ਰਿਸ਼ੀ ਨੇ ਰਣਬੀਰ ਨੂੰ ਕਿਉਂ ਕੁੱਟਿਆ ਸੀ
ਕਪਿਲ ਨੇ ਅੱਗੇ ਪੁੱਛਿਆ ਕਿ ਕੀ ਰਣਬੀਰ ਨੂੰ ਕਦੇ ਉਸਦੇ ਪਿਤਾ ਨੇ ਕੁੱਟਿਆ ਹੈ? ਇਸ 'ਤੇ ਅਭਿਨੇਤਾ ਪਹਿਲਾਂ ਨਾਂਹ ਕਹਿੰਦਾ ਹੈ ਪਰ ਬਾਅਦ ਵਿਚ ਉਹ ਇਕ ਘਟਨਾ ਦੱਸਦਾ ਹੈ, ਜਦੋਂ ਉਸ ਨੂੰ ਆਪਣੇ ਪਿਤਾ ਰਿਸ਼ੀ ਕਪੂਰ ਤੋਂ ਕੁੱਟ ਪਈ ਸੀ। ਅਦਾਕਾਰ ਕਹਿੰਦਾ ਹੈ ਕਿ- ਪਾਪਾ ਬਹੁਤ ਧਾਰਮਿਕ ਸਨ। ਤਾਂ ਇੱਕ ਦਿਨ ਮੈਂ ਆਰ ਕੇ ਸਟੂਡੀਓ ਗਿਆ ਸੀ, ਜਿੱਥੇ ਪਿਤਾ ਜੀ ਪੂਜਾ ਕਰ ਰਹੇ ਸਨ ਅਤੇ ਮੈਂ ਬਿਨਾਂ ਜੁੱਤੀ ਉਤਾਰੇ ਅੰਦਰ ਚਲਾ ਗਿਆ। ਇਹ ਦੇਖ ਕੇ ਪਿਤਾ ਜੀ ਨੇ ਮੈਨੂੰ ਖੂਬ ਕੁੱਟਿਆ ਸੀ।
ਇਸ ਫਿਲਮ 'ਚ ਨਜ਼ਰ ਆਉਣਗੇ ਰਣਬੀਰ ਕਪੂਰ
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਰਣਬੀਰ ਕਪੂਰ ਨੂੰ ਆਖਰੀ ਵਾਰ ਫਿਲਮ ਐਨੀਮਲ ਵਿੱਚ ਦੇਖਿਆ ਗਿਆ ਸੀ। ਇਹ ਫਿਲਮ 1 ਦਸੰਬਰ 2023 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਸੀ। ਫਿਲਮ ਨੇ ਬਾਕਸ ਆਫਿਸ 'ਤੇ ਧਮਾਲ ਮਚਾ ਦਿੱਤੀ ਸੀ। ਹੁਣ ਇਹ ਅਭਿਨੇਤਾ ਫਿਲਮ ਰਾਮਾਇਣ 'ਚ ਨਜ਼ਰ ਆਉਣ ਵਾਲੇ ਹਨ।