Rubina Dilaik Avinash Sachdeva Breakup : ਬਿੱਗ ਬੌਸ 14 ਦੀ ਵਿਜੇਤਾ ਅਤੇ ਮਸ਼ਹੂਰ ਟੀਵੀ ਅਦਾਕਾਰਾ ਰੁਬੀਨਾ ਦਿਲਾਇਕ ਨੂੰ ਇੰਡਸਟਰੀ ਵਿੱਚ ਇੱਕ ਦਮਦਾਰ ਅਭਿਨੇਤਰੀ ਮੰਨਿਆ ਜਾਂਦਾ ਹੈ। ਬਿੱਗ ਬੌਸ ਵਿੱਚ ਲੋਕਾਂ ਨੂੰ ਰੁਬੀਨਾ ਦੀ ਅਸਲੀ ਸ਼ਖਸੀਅਤ ਦੇਖਣ ਨੂੰ ਮਿਲੀ, ਜਿਸ ਤੋਂ ਪਤਾ ਚੱਲਦਾ ਹੈ ਕਿ ਉਹ ਨਾ ਸਿਰਫ਼ ਇੱਕ ਬੇਹਤਰੀਨ ਅਦਾਕਾਰਾ ਹੈ, ਸਗੋਂ ਇੱਕ ਮਜ਼ਬੂਤ ਔਰਤ ਵੀ ਹੈ ਪਰ ਅਦਾਕਾਰ ਨਾਲ ਬ੍ਰੇਕਅੱਪ ਹੋਣ 'ਤੇ ਉਹ ਟੁੱਟ ਗਈ ਸੀ। ਉਸ ਬ੍ਰੇਕਅੱਪ ਤੋਂ ਬਾਅਦ ਅਭਿਨੇਤਰੀ ਨੂੰ ਧੱਕਾ ਲੱਗਿਆ ਸੀ ਅਤੇ ਉਸ ਨੇ ਮਨ ਬਣਾ ਲਿਆ ਸੀ ਕਿ ਉਹ ਕਿਸੇ ਨੂੰ ਡੇਟ ਨਹੀਂ ਕਰੇਗੀ ਪਰ ਫਿਰ ਅਭਿਨਵ ਉਸ ਦੀ ਜ਼ਿੰਦਗੀ 'ਚ ਆਇਆ, ਦੋਵਾਂ ਨੂੰ ਪਿਆਰ ਹੋ ਗਿਆ ਅਤੇ ਫਿਰ ਵਿਆਹ ਹੋ ਗਿਆ।
ਹੁਣ ਹਾਲ ਹੀ 'ਚ ਰੁਬੀਨਾ ਨੇ ਆਪਣੇ ਬ੍ਰੇਕਅੱਪ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਅਦਾਕਾਰਾ ਨੇ ਸਿਧਾਰਥ ਕਾਨਨ ਨੂੰ ਦਿੱਤੇ ਇੰਟਰਵਿਊ 'ਚ ਦੱਸਿਆ ਕਿ ਉਸ ਬ੍ਰੇਕਅੱਪ ਦਾ ਰੁਬੀਨਾ ਦੀ ਜ਼ਿੰਦਗੀ 'ਤੇ ਕੀ ਅਸਰ ਪਿਆ। ਹਾਲਾਂਕਿ ਅਭਿਨੇਤਰੀ ਨੇ ਉਸ ਅਭਿਨੇਤਾ ਦਾ ਨਾਂ ਨਹੀਂ ਲਿਆ ਪਰ ਇਹ ਅਵਿਨਾਸ਼ ਸਚਦੇਵ ਹੋਵੇਗਾ, ਕਿਉਂਕਿ ਅਭਿਨਵ ਤੋਂ ਪਹਿਲਾਂ ਇਹ ਅਦਾਕਾਰਾ ਅਵਿਨਾਸ਼ ਨੂੰ ਡੇਟ ਕਰ ਰਹੀ ਸੀ ਅਤੇ ਉਸ ਨਾਲ ਰੁਬੀਨਾ ਦਾ ਰਿਸ਼ਤਾ ਬਹੁਤ ਵਧੀਆ ਨਹੀਂ ਚੱਲਿਆ ਸੀ।
ਇੰਟਰਵਿਊ 'ਚ ਅਭਿਨੇਤਰੀ ਨੇ ਕਿਹਾ, 'ਜਦੋਂ ਧੱਕਾ ਲੱਗਦਾ ਹੈ ਤਾਂ ਲੱਗਦਾ ਹੈ ਕਿ ਹੁਣ ਬੱਸ ਹੋ ਗਿਆ , ਹੁਣ ਨਹੀਂ ਚਾਹੀਦਾ ਕੁੱਝ ਹੋਰ ਅਤੇ ਉਸ 'ਤੇ ਭਰੋਸਾ ਕਰਨਾ ਹੋਰ ਵੀ ਡਰਾਉਣਾ ਸੀ। ਮੈਂ ਕਿਸੇ ਹੋਰ ਨਾਲ ਡੇਟ 'ਤੇ ਜਾਣ ਦੀ ਹਿੰਮਤ ਨਹੀਂ ਜੁਟਾ ਪਾਉਂਦੀ ਸੀ। ਮੈਂ ਸੋਚਦੀ ਸੀ ਕਿ ਹੁਣ ਬਸ ਹੋ ਗਿਆ, ਮੈਨੂੰ ਨਹੀਂ ਚਾਹੀਦਾ ਇਹ। ਇਸ ਵਿੱਚੋਂ ਨਿਕਲਣ ਲਈ ਮੈਨੂੰ ਇੱਕ ਸਾਲ ਲੱਗ ਗਿਆ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਅਭਿਵਾਨ ਅਤੇ ਰੁਬੀਨਾ ਦੇ ਵਿਆਹ ਨੂੰ 5 ਸਾਲ ਹੋਣ ਵਾਲੇ ਹਨ। ਦੋਵਾਂ ਦੇ ਪ੍ਰਸ਼ੰਸਕ ਇਸ ਜੋੜੀ ਨੂੰ ਕਾਫੀ ਪਸੰਦ ਕਰਦੇ ਹਨ ਪਰ ਅਦਾਕਾਰਾ ਦੇ ਪ੍ਰਸ਼ੰਸਕ ਉਸ ਸਮੇਂ ਹੈਰਾਨ ਰਹਿ ਗਏ ਜਦੋਂ ਬਿੱਗ ਬੌਸ ਦੌਰਾਨ ਰੁਬੀਨਾ ਨੇ ਦੱਸਿਆ ਕਿ ਜੇਕਰ ਉਹ ਅਤੇ ਅਭਿਨਵ ਸ਼ੋਅ 'ਤੇ ਨਾ ਆਉਂਦੇ ਤਾਂ ਹੁਣ ਤੱਕ ਉਨ੍ਹਾਂ ਦਾ ਤਲਾਕ ਹੋ ਚੁੱਕਾ ਸੀ। ਦੋਵੇਂ ਇੱਕ ਦੂਜੇ ਤੋਂ ਤਲਾਕ ਲੈਣ ਵਾਲੇ ਸਨ ਪਰ ਬਿੱਗ ਬੌਸ ਨੇ ਉਨ੍ਹਾਂ ਦੇ ਰਿਸ਼ਤੇ ਨੂੰ ਨਵੀਂ ਜ਼ਿੰਦਗੀ ਦਿੱਤੀ ਹੈ।