ਮੁੰਬਈ: ਰਣਬੀਰ ਕਪੂਰ, ਵਾਣੀ ਕਪੂਰ ਅਤੇ ਸੰਜੇ ਦੱਤ ਸਟਾਰਰ ਫਿਲਮ 'ਸ਼ਮਸ਼ੇਰਾ' ਸਾਲ 2022 ਦੀਆਂ ਬਹੁਤ ਉਡੀਕੀਆਂ ਫਿਲਮਾਂ ਚੋਂ ਇੱਕ ਹੈ। ਫੈਨਸ 'ਚ ਇਸ ਦੇ ਕ੍ਰੇਜ਼ ਨੂੰ ਦੇਖਦੇ ਹੋਏ ਮੇਕਰਸ ਨੇ ਹਾਲ ਹੀ 'ਚ ਇਸ ਦਾ ਪੋਸਟਰ ਰਿਲੀਜ਼ ਕੀਤਾ ਹੈ। ਇਸ ਦੇ ਨਾਲ ਹੀ ਕਥਿਤ ਤੌਰ 'ਤੇ ਸ਼ਮਸ਼ੇਰਾ ਤੋਂ ਰਣਬੀਰ ਕਪੂਰ ਦਾ ਲੁੱਕ ਵੀ ਸਾਹਮਣੇ ਆਇਆ ਹੈ। ਇਸ ਪੋਸਟਰ 'ਚ ਰਣਬੀਰ ਕਪੂਰ ਕਾਫੀ ਖੌਫਨਾਕ ਨਜ਼ਰ ਆ ਰਹੇ ਹਨ।
ਦੱਸ ਦੇਈਏ ਕਿ ਫਿਲਮ ਦਾ ਪੋਸਟਰ ਅਧਿਕਾਰਤ ਤੌਰ 'ਤੇ ਰਿਲੀਜ਼ ਨਹੀਂ ਹੋਇਆ ਹੈ। ਸੋਸ਼ਲ ਮੀਡੀਆ 'ਤੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਫਿਲਮ ਦਾ ਪੋਸਟਰ ਰਿਲੀਜ਼ ਤੋਂ ਪਹਿਲਾਂ ਹੀ ਲੀਕ ਹੋ ਗਿਆ ਹੈ। ਹਾਲਾਂਕਿ ਇਹ ਸੰਭਾਵਨਾ ਵੀ ਜਤਾਈ ਜਾ ਰਹੀ ਹੈ ਕਿ ਇਹ ਕਿਸੇ ਫੈਨ ਵਲੋਂ ਬਣਾਇਆ ਪੋਸਟਰ ਵੀ ਹੋ ਸਕਦਾ ਹੈ ਨਾ ਕਿ ਕੋਈ ਅਧਿਕਾਰਤ ਪੋਸਟਰ।
#Shamshera ਟਵਿੱਟਰ 'ਤੇ ਅੰਨ੍ਹੇਵਾਹ ਟ੍ਰੈਂਡ ਕਰ ਰਿਹਾ ਹੈ। ਇਸ ਹੈਸ਼ਟੈਗ ਨਾਲ ਯੂਜ਼ਰਸ ਲਗਾਤਾਰ ਰਣਬੀਰ ਕਪੂਰ ਦੇ ਪੋਸਟਰ ਨੂੰ ਸ਼ੇਅਰ ਕਰ ਰਹੇ ਹਨ। ਪੋਸਟਰ 'ਚ ਰਣਬੀਰ ਕਪੂਰ ਨੂੰ ਅਜਿਹੇ ਅਵਤਾਰ 'ਚ ਦੇਖਿਆ ਜਾ ਸਕਦਾ ਹੈ, ਜੋ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ। 'ਸ਼ਮਸ਼ੇਰਾ' 'ਚ ਰਣਬੀਰ ਇੱਕ ਡਾਕੂ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਅਜਿਹੇ 'ਚ ਪੋਸਟਰ 'ਚ ਉਸ ਦਾ ਲੁੱਕ ਕਾਫੀ ਜ਼ਬਰਦਸਤ ਹੈ।
ਖੂਬ ਤਾਰੀਫ ਕਰ ਰਹੇ ਹਨ ਫੈਨਸ
ਪੋਸਟਰ 'ਚ ਰਣਬੀਰ ਕਪੂਰ ਡਾਕੂ ਦੇ ਅੰਦਾਜ਼ 'ਚ ਨਜ਼ਰ ਆ ਰਿਹਾ ਹੈ। ਉਸ ਦੀ ਲੰਬੀ ਦਾੜ੍ਹੀ, ਮੁੱਛਾਂ ਅਤੇ ਲਹਿਰਾਉਂਦੇ ਲੰਬੇ ਵਾਲ ਹਨ। ਇਸ ਦੇ ਨਾਲ ਹੀ ਉਸ ਨੇ ਫਟੇ ਅਤੇ ਮੱਟਮੈਲੇ ਕੱਪੜੇ ਪਾਏ ਹੋਏ ਹਨ। ਰਣਬੀਰ ਆਪਣੇ ਸਾਹਮਣੇ ਇੱਕ ਵੱਡੀ ਕੁਹਾੜੀ ਨਾਲ ਕਿਸੇ ਨੂੰ ਗੁੱਸੇ ਨਾਲ ਦੇਖ ਰਿਹਾ ਹੈ। ਅਜਿਹਾ ਰੂਪ ਉਸ ਨੇ ਪਹਿਲਾਂ ਕਦੇ ਨਹੀਂ ਦੇਖਿਆ ਸੀ। ਪੋਸਟਰ ਵਿੱਚ ਫਿਲਮ ਦੀ ਟੈਗਲਾਈਨ - ਕਰਮ ਸੇ ਡਾਕੂ, ਧਰਮ ਸੇ ਆਜ਼ਾਦ।
ਦੱਸ ਦਈਏ ਕਿ ਨਿਰਦੇਸ਼ਕ ਕਰਨ ਮਲਹੋਤਰਾ ਫਿਲਮ ਸ਼ਮਸ਼ੇਰਾ ਬਣਾ ਰਹੇ ਹਨ। ਇਸ ਫਿਲਮ 'ਚ ਰਣਬੀਰ ਕਪੂਰ ਡਾਕੂ ਸ਼ਮਸ਼ੇਰਾ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਉਨ੍ਹਾਂ ਦੇ ਨਾਲ ਸੰਜੇ ਦੱਤ ਅਤੇ ਵਾਣੀ ਕਪੂਰ ਵੀ ਹੋਣਗੇ। ਇਸ ਤੋਂ ਇਲਾਵਾ ਫਿਲਮ 'ਚ ਆਸ਼ੂਤੋਸ਼ ਰਾਣਾ, ਸੌਰਭ ਸ਼ੁਕਲਾ, ਰੋਨਿਤ ਰਾਏ ਵਰਗੇ ਕਲਾਕਾਰਾਂ ਦੀਆਂ ਵੀ ਅਹਿਮ ਭੂਮਿਕਾਵਾਂ ਹੋਣ ਦੀ ਖ਼ਬਰ ਹੈ। ਇਹ ਫਿਲਮ 22 ਜੁਲਾਈ 2022 ਨੂੰ ਦੁਨੀਆ ਭਰ ਵਿੱਚ ਰਿਲੀਜ਼ ਹੋਵੇਗੀ।
ਇਹ ਵੀ ਪੜ੍ਹੋ: Sidhu Moosewala Murder 'ਚ ਸ਼ੂਟਰ ਸੰਤੋਸ਼ ਜਾਧਵ ਦਾ ਪੁਲਿਸ ਸਾਹਮਣੇ ਬਿਆਨ, ਕਿਹ- 'ਮੈਨੂੰ ਬਲੀ ਦਾ ਬੱਕਰਾ ਬਣਾਇਆ ਜਾ ਰਿਹਾ'