Shyam Rangeela Contest Lok Sabha Election: ਆਪਣੀ ਕਾਮੇਡੀ ਨਾਲ ਸਾਰਿਆਂ ਨੂੰ ਹਸਾਉਣ ਵਾਲੇ ਕਾਮੇਡੀਅਨ ਸ਼ਿਆਮ ਰੰਗੀਲਾ ਹੁਣ ਰਾਜਨੀਤੀ ਵਿੱਚ ਆਉਣ ਜਾ ਰਹੇ ਹਨ। ਸ਼ਿਆਮ ਰੰਗੀਲਾ ਨੇ ਐਲਾਨ ਕੀਤਾ ਹੈ ਕਿ ਉਹ ਵਾਰਾਣਸੀ ਲੋਕ ਸਭਾ ਸੀਟ ਤੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖਿਲਾਫ ਚੋਣ ਲੜਨਗੇ। ਉਨ੍ਹਾਂ ਨੇ ਖੁਦ ਐਕਸ 'ਤੇ ਇਕ ਵੀਡੀਓ 'ਚ ਇਸ ਗੱਲ ਦਾ ਐਲਾਨ ਕੀਤਾ।
ਉਨ੍ਹਾਂ ਕਿਹਾ ਕਿ ਉਹ ਜਲਦੀ ਹੀ ਵਾਰਾਣਸੀ ਆਉਣਗੇ ਅਤੇ ਨਾਮਜ਼ਦਗੀ ਦਾਖਲ ਕਰਨ ਬਾਰੇ ਜਾਣਕਾਰੀ ਦੇਣਗੇ। ਆਪਣੀ ਪੋਸਟ ਵਿੱਚ ਉਨ੍ਹਾਂ ਵਾਰਾਣਸੀ ਲਈ ਹੈਸ਼ਟੈਗ ਸ਼ਿਆਮਰੰਗੀਲਾ (#ShyamRangeelaForVaranasi) ਲਿਖਿਆ।
ਆਪਣੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਸ਼ਿਆਮ ਰੰਗੀਲਾ ਨੇ ਕਿਹਾ, "ਮੈਂ ਆਪਣੇ ਮਨ ਦੀ ਗੱਲ ਕਰਨ ਆਇਆ ਹਾਂ। ਤੁਹਾਡੇ ਦਿਮਾਗ 'ਚ ਇਹ ਸਵਾਲ ਹੈ ਕਿ ਜੋ ਅਸੀਂ ਖਬਰਾਂ 'ਚ ਸੁਣ ਰਹੇ ਹਾਂ, ਕੀ ਸ਼ਿਆਮ ਰੰਗੀਲਾ ਸੱਚ ਕਹਿ ਰਹੇ ਹਨ। ਕੀ ਇਹ ਮਜ਼ਾਕ ਤਾਂ ਨਹੀਂ ਹੈ?" ਕਾਮੇਡੀਅਨ ਮਜ਼ਾਕ ਕਰ ਰਿਹਾ ਹੈ ਪਰ ਇਹ ਕੋਈ ਮਜ਼ਾਕ ਨਹੀਂ ਹੈ, ਮੈਂ ਵਾਰਾਣਸੀ ਤੋਂ ਚੋਣ ਲੜ ਰਿਹਾ ਹਾਂ ਅਤੇ ਮੋਦੀ ਜੀ ਦੇ ਸਾਹਮਣੇ ਲੜ ਰਿਹਾ ਹਾਂ।
ਇਸਦੇ ਨਾਲ ਹੀ ਉਨ੍ਹਾਂ ਅੱਗੇ ਕਿਹਾ, "ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਸਦੀ ਕੀ ਲੋੜ ਪੈ ਗਈ...ਭਾਰਤ ਦੇ ਲੋਕਤੰਤਰ ਵਿੱਚ ਕੋਈ ਵੀ ਚੋਣ ਲੜ ਸਕਦਾ ਹੈ। ਮੈਂ ਜੋ ਚੋਣਾਂ ਲੜ ਰਿਹਾ ਹਾਂ ਉਸਦਾ ਵੀ ਇੱਕ ਕਾਰਨ ਹੈ। ਹਾਲ ਹੀ ਵਿੱਚ ਸੂਰਤ ਵਿੱਚ ਜੋ ਕੁਝ ਹੋਇਆ, ਚੰਡੀਗੜ੍ਹ ਵਿੱਚ ਜੋ ਹੋਇਆ। ਇੰਦੌਰ ਵਿੱਚ ਜੋ ਹੋ ਰਿਹਾ ਹੈ ਕਿ ਉੱਥੇ ਕਿਤੇ ਅਜਿਹਾ ਨਾ ਹੋ ਜਾਏ... ਜੇਕਰ ਕੋਈ ਵਿਅਕਤੀ ਕਿਸੇ ਦੇ ਵਿਰੋਧ ਵਿੱਚ ਵੋਟ ਦੇਣਾ ਚਾਹੁੰਦਾ ਹੈ ਤਾਂ ਉਸਨੂੰ ਵੋਟ ਪਾਉਣ ਦਾ ਅਧਿਕਾਰ ਹੈ, ਈਵੀਐਮ ਤੇ ਘੱਟੋ ਘੱਟ ਕਿਸੇ ਦਾ ਨਾਮ ਤਾਂ ਹੋਵੇ, ਪਰ ਮੈਨੂੰ ਡਰ ਹੈ ਕਿ ਕਿਤੇ ਉੱਥੇ ਵੀ ਅਜਿਹਾ ਨਾ ਹੋ ਜਾਏ, ਵਾਰਾਣਸੀ ਸੰਸਦੀ ਹਲਕੇ ਵਿੱਚ ਜਾਣ ਨਾਲ ਬਹੁਤ ਪ੍ਰਭਾਵ ਪਵੇਗਾ।
ਕਾਮੇਡੀਅਨ ਸ਼ਿਆਮ ਰੰਗੀਲਾ ਨੇ ਵੀ ਆਪਣੀ ਵੀਡੀਓ ਪੋਸਟ ਵਿੱਚ ਕਿਹਾ, "ਵਾਰਾਣਸੀ ਦੇ ਲੋਕ ਮੈਨੂੰ ਬੁਲਾ ਰਹੇ ਹਨ। ਮੈਨੂੰ ਬਹੁਤ ਪਿਆਰ ਮਿਲਿਆ ਹੈ। ਜਦੋਂ ਮੈਂ ਇਸ ਗੱਲ ਦਾ ਐਲਾਨ ਕੀਤਾ ਅਤੇ ਉਸ ਤੋਂ ਬਾਅਦ ਮੈਨੂੰ ਜੋ ਪਿਆਰ ਮਿਲਿਆ, ਮੈਂ ਬਹੁਤ ਉਤਸ਼ਾਹਿਤ ਹਾਂ। ਮੈਂ ਬਹੁਤ ਜਲਦੀ ਵਾਰਾਣਸੀ ਆ ਰਿਹਾ ਹਾਂ। "
ਸ਼ਿਆਮ ਰੰਗੀਲਾ ਨੇ ਕਿਹਾ ਕਿ ਉਹ ਚੋਣਾਂ ਨੂੰ ਲੈ ਕੇ ਉਤਸ਼ਾਹਿਤ ਹਨ ਪਰ ਕਿਉਂਕਿ ਉਹ ਪਹਿਲੀ ਵਾਰ ਚੋਣ ਲੜ ਰਹੇ ਹਨ, ਇਸ ਲਈ ਉਨ੍ਹਾਂ ਨੂੰ ਲੋਕਾਂ ਦੇ ਸਹਿਯੋਗ ਦੀ ਲੋੜ ਹੈ। ਉਸ ਨੇ ਕਿਹਾ, "ਮੈਨੂੰ ਨਹੀਂ ਪਤਾ ਕਿ ਚੋਣਾਂ ਵਿੱਚ ਨਾਮਜ਼ਦਗੀ ਕਿਵੇਂ ਭਰਨੀ ਹੈ, ਉੱਥੇ ਕਿਵੇਂ ਕੰਮ ਕਰਨਾ ਹੈ। ਮੈਨੂੰ ਤੁਹਾਡੇ ਸਾਰਿਆਂ ਤੋਂ ਤਨ, ਮਨ ਅਤੇ ਧਨ ਦੀ ਵੀ ਲੋੜ ਹੋਵੇਗੀ।"