Janhvi Kapoor: ਅਦਾਕਾਰਾ ਜਾਨ੍ਹਵੀ ਕਪੂਰ ਰਾਧਿਕਾ ਅਤੇ ਅਨੰਤ ਅੰਬਾਨੀ ਦੇ ਵਿਆਹ ਦੇ ਸਾਰੇ ਫੰਕਸ਼ਨਾਂ ਵਿੱਚ ਆਪਣੇ ਸ਼ਾਨਦਾਰ ਲੁੱਕ ਦੇ ਚਲਦੇ ਸੁਰਖੀਆਂ ਵਿੱਚ ਰਹੀ। ਇਨ੍ਹੀਂ ਦਿਨੀਂ ਜਾਨ੍ਹਵੀ ਆਪਣੀ ਆਉਣ ਵਾਲੀ ਫਿਲਮ 'Ulajh' ਨੂੰ ਲੈ ਕੇ ਲਗਾਤਾਰ ਚਰਚਾ 'ਚ ਹੈ। ਫਿਲਮ 'Ulajh' ਦੇ ਪ੍ਰੀਵਿਊ ਦੌਰਾਨ ਜਦੋਂ ਪਾਪਰਾਜ਼ੀ ਨੇ ਅਦਾਕਾਰਾ ਤੋਂ ਪੁੱਛਿਆ ਕਿ ਉਹ ਕਦੋਂ ਵਿਆਹ ਕਰ ਰਹੀ ਹੈ ਤਾਂ ਜਾਨ੍ਹਵੀ ਦਾ ਰਿਐਕਸ਼ਨ ਦੇਖਣ ਯੋਗ ਸੀ।
ਦਰਅਸਲ, ਜਾਨ੍ਹਵੀ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਇੰਸਟਾਗ੍ਰਾਮ 'ਤੇ ਇਕ ਸਟੋਰੀ ਸ਼ੇਅਰ ਕੀਤੀ, ਜਿਸ 'ਚ ਉਸ ਨੇ ਲਿਖਿਆ, 'ਦੋਸਤੋ, ਮੇਰੇ ਕੋਲ ਇਕ ਰਾਜ਼ ਹੈ, ਇਸ ਨੂੰ ਤੁਹਾਡੇ ਨਾਲ ਸਾਂਝਾ ਕਰਨ ਲਈ ਇੰਤਜ਼ਾਰ ਨਹੀਂ ਕਰ ਸਕਦੀ।' ਜਦੋਂ ਪਾਪਰਾਜ਼ੀ ਨੇ ਇਸ ਪੋਸਟ ਨੂੰ ਲੈ ਕੇ ਜਾਨ੍ਹਵੀ ਨੂੰ ਪੁੱਛਿਆ ਕਿ ਦੱਸੋ ਕਿ ਇਹ ਰਾਜ਼ ਕੀ ਹੈ ਤਾਂ ਜਾਨ੍ਹਵੀ ਨੇ ਤੁਰੰਤ ਜਵਾਬ ਦਿੰਦੇ ਹੋਏ ਕਿਹਾ, ਕੀ ਤੁਸੀਂ ਪਾਗਲ ਹੋ ਗਏ ਹੋ? ਜਦੋਂ ਜਾਨ੍ਹਵੀ ਤੋਂ ਇਸ ਰਾਜ਼ ਬਾਰੇ ਵਾਰ-ਵਾਰ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ, "ਤੁਸੀਂ ਕੱਲ੍ਹ ਯਾਨੀ 16 ਜੁਲਾਈ ਨੂੰ ਜਾਣ ਜਾਵੋਗੇ।" ਇਹ ਸਵਾਲ ‘Ulajh’ ਦੀ ਪ੍ਰੀਵਿਊ ਵਿੱਚ ਉਸ ਤੋਂ ਪੁੱਛਿਆ ਗਿਆ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਜਾਨ੍ਹਵੀ ਪਿਛਲੇ ਕਈ ਸਾਲਾਂ ਤੋਂ ਸ਼ਿਖਰ ਪਹਾੜੀਆ ਨੂੰ ਡੇਟ ਕਰ ਰਹੀ ਹੈ। ਦੋਵਾਂ ਨੂੰ ਅਕਸਰ ਇਕੱਠੇ ਘੁੰਮਦੇ ਹੋਏ, ਸਮਾਗਮਾਂ 'ਚ ਸ਼ਾਮਲ ਹੁੰਦੇ ਅਤੇ ਮੰਦਰਾਂ 'ਚ ਜਾਂਦੇ ਦੇਖਿਆ ਜਾਂਦਾ ਹੈ। ਅਜਿਹਾ ਲਗਦਾ ਹੈ ਕਿ ਇਹ ਹੁਣ ਕੋਈ ਰਾਜ਼ ਨਹੀਂ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ, ਹਾਲ ਹੀ 'ਚ ਇਕ ਇੰਟਰਵਿਊ ਦੌਰਾਨ ਜਾਨ੍ਹਵੀ ਨੇ ਸ਼ਿਖਰ ਨੂੰ ਆਪਣਾ ਸਪੋਰਟ ਸਿਸਟਮ ਦੱਸਿਆ ਸੀ, ਜਿਸ ਨੇ ਇਹ ਵੀ ਦੱਸਿਆ ਸੀ ਕਿ ਸ਼ਿਖਰ 15 ਜਾਂ 16 ਸਾਲ ਦੀ ਉਮਰ ਤੋਂ ਹੀ ਉਨ੍ਹਾਂ ਦੀ ਜ਼ਿੰਦਗੀ 'ਚ ਹਨ ਅਤੇ ਉਹ ਕਾਫੀ ਕਰੀਬ ਹਨ। ਜਾਨ੍ਹਵੀ ਨੇ ਅੱਗੇ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਮੇਰੇ ਸੁਪਨੇ ਹਮੇਸ਼ਾ ਉਸ ਦੇ ਸੁਪਨੇ ਰਹੇ ਹਨ ਅਤੇ ਉਸ ਦੇ ਸੁਪਨੇ ਹਮੇਸ਼ਾ ਮੇਰੇ ਸੁਪਨੇ ਰਹੇ ਹਨ। ਅਸੀਂ ਇੱਕ-ਦੂਜੇ ਦੇ ਸਪੋਰਟ ਸਿਸਟਮ ਰਹੇ ਹਾਂ, ਲਗਭਗ ਅਜਿਹਾ ਲੱਗਦਾ ਹੈ ਜਿਵੇਂ ਅਸੀਂ ਇੱਕ ਦੂਜੇ ਨੂੰ ਪਾਲਿਆ ਹੈ।"
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਜਾਨ੍ਹਵੀ ਸਾਊਥ ਦੀਆਂ ਦੋ ਮੈਗਾ ਬਜਟ ਫਿਲਮਾਂ 'ਚ ਨਜ਼ਰ ਆਵੇਗੀ। ਪਹਿਲੀ ਫਿਲਮ 'ਦੇਵਰਾ ਪਾਰਟ 1' ਹੈ, ਇਸ ਫਿਲਮ 'ਚ ਜਾਨ੍ਹਵੀ ਪੈਨ ਇੰਡੀਆ ਸਟਾਰ ਜੂਨੀਅਰ ਐਨਟੀਆਰ ਨਾਲ ਨਜ਼ਰ ਆਵੇਗੀ। ਇਸ ਤੋਂ ਇਲਾਵਾ ਜਾਨ੍ਹਵੀ ਦੀ ਦੂਜੀ ਫਿਲਮ ਦਾ ਨਾਂ 'ਆਰਸੀ 16' ਹੈ, ਇਸ ਫਿਲਮ 'ਚ ਜਾਨ੍ਹਵੀ ਰਾਮ ਚਰਨ ਨਾਲ ਨਜ਼ਰ ਆਵੇਗੀ। Ulajh ਦੀ ਗੱਲ ਕਰਿਏ ਤਾਂ ਜਾਨ੍ਹਵੀ ਦੀ ਇਹ ਫਿਲਮ 2 ਅਗਸਤ 2024 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।