The Kashmir Files Anupam Kher Name: ਜੇਕਰ ਪਿਛਲੇ ਸਾਲ ਬਾਲੀਵੁੱਡ ਦੀ ਸਭ ਤੋਂ ਚਰਚਿਤ ਫਿਲਮ ਦੀ ਗੱਲ ਕਰੀਏ ਤਾਂ 'ਦਿ ਕਸ਼ਮੀਰ ਫਾਈਲਜ਼' ਦਾ ਨਾਂ ਸਭ ਤੋਂ ਉੱਪਰ ਹੋਵੇਗਾ। ਹਿੰਦੀ ਸਿਨੇਮਾ ਦੇ ਦਿੱਗਜ ਕਲਾਕਾਰ ਅਨੁਪਮ ਖੇਰ ਨੇ ਨਿਰਦੇਸ਼ਕ ਵਿਵੇਕ ਅਗਨੀਹੋਤਰੀ ਦੀ ਫਿਲਮ ‘ਦਿ ਕਸ਼ਮੀਰ ਫਾਈਲਜ਼’ ਵਿੱਚ ਮੁੱਖ ਭੂਮਿਕਾ ਨਿਭਾਈ ਸੀ। ਇਸ ਫਿਲਮ 'ਚ ਅਨੁਪਮ ਖੇਰ ਦੇ ਕਿਰਦਾਰ ਦਾ ਨਾਂ ਪੁਸ਼ਕਰ ਨਾਥ ਤ੍ਰਿਪਾਠੀ ਦਿਖਾਇਆ ਗਿਆ ਹੈ। ਇਸ ਦੌਰਾਨ ਵਿਵੇਕ ਅਗਨੀਹੋਤਰੀ ਨੇ ਹਾਲ ਹੀ 'ਚ ਅਨੁਪਮ ਦੇ 'ਦਿ ਕਸ਼ਮੀਰ ਫਾਈਲਜ਼' ਕਿਰਦਾਰ ਦੇ ਨਾਂ ਪਿੱਛੇ ਇਕ ਦਿਲਚਸਪ ਕਹਾਣੀ ਬਿਆਨ ਕੀਤੀ ਹੈ।
'ਦਿ ਕਸ਼ਮੀਰ ਫਾਈਲਜ਼' 'ਚ ਇਸ ਤਰ੍ਹਾਂ ਪਿਆ ਅਨੁਪਮ ਦਾ ਨਾਂ
ਹਾਲ ਹੀ 'ਚ ਜ਼ੀ ਸਿਨੇ ਐਵਾਰਡਸ ਦੌਰਾਨ ਅਨੁਪਮ ਖੇਰ ਨੂੰ ਫਿਲਮ 'ਦਿ ਕਸ਼ਮੀਰ ਫਾਈਲਜ਼' ਲਈ ਸਰਵੋਤਮ ਅਦਾਕਾਰ ਦਾ ਐਵਾਰਡ ਮਿਲਿਆ ਹੈ। ਖਾਸ ਗੱਲ ਇਹ ਹੈ ਕਿ ਅਨੁਪਮ ਖੇਰ ਨੂੰ ਇਹ ਐਵਾਰਡ ਦੇਣ ਲਈ ਮੰਚ 'ਤੇ 'ਦਿ ਕਸ਼ਮੀਰ ਫਾਈਲਜ਼' ਦੇ ਨਿਰਦੇਸ਼ਕ ਵਿਵੇਕ ਅਗਨੀਹੋਤਰੀ ਮੌਜੂਦ ਸਨ। ਇਸ ਮੌਕੇ ਦਾ ਇੱਕ ਵੀਡੀਓ ਅਨੁਪਮ ਖੇਰ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ 'ਚ ਵਿਵੇਕ ਅਗਨੀਹੋਤਰੀ ਕਹਿ ਰਹੇ ਹਨ ਕਿ- 'ਅਨੁਪਮ ਜੀ ਨੂੰ ਇਹ ਐਵਾਰਡ ਦੇਣ ਤੋਂ ਪਹਿਲਾਂ ਅਸੀਂ ਤੁਹਾਨੂੰ ਇਕ ਦਿਲਚਸਪ ਕਹਾਣੀ ਦੱਸਣ ਜਾ ਰਹੇ ਹਾਂ। ਫਿਲਮ ਦਿ ਕਸ਼ਮੀਰ ਫਾਈਲਜ਼ ਵਿੱਚ ਅਨੁਪਮ ਖੇਰ ਦੇ ਕਿਰਦਾਰ ਦਾ ਨਾਮ ਕਿਵੇਂ ਪਿਆ? ਅਸਲ ਵਿੱਚ ਜਦੋਂ ਮੈਂ ਮੁੰਬਈ ਆਇਆ ਤਾਂ ਖੇਰ ਸਾਹਬ ਦੀ ਕੰਪਨੀ ਵਿੱਚ ਹੀ ਕੰਮ ਕਰਦਾ ਸੀ।
ਇਹ ਵੀ ਪੜ੍ਹੋ: ਖੇਤਾਂ 'ਚ ਕੰਮ ਕਰਦੀ ਮਾਂ ਦੀ ਤਸਵੀਰ ਸ਼ੇਅਰ ਕਰਦਿਆਂ ਬਾਲੀਵੁੱਡ 'ਤੇ ਨਿਸ਼ਾਨਾ ਸਾਧਿਆ, ਕਿਹਾ- 'ਭਿਖਾਰੀ ਮੂਵੀ ਮਾਫੀਆ'
ਅਨੁਪਮ ਖੇਰ ਤਾਂ ਦਫ਼ਤਰ ਵਿੱਚ ਜ਼ਿਆਦਾ ਨਹੀਂ ਰੁਕਦੇ ਸਨ। ਪਰ ਮੈਂ ਉਨ੍ਹਾਂ ਦੇ ਬਜ਼ੁਰਗ ਪਿਤਾ ਨਾਲ ਬਹੁਤ ਸਮਾਂ ਬਿਤਾਇਆ ਹੈ। ਮੈਂ ਅਕਸਰ ਉਨ੍ਹਾਂ ਨੂੰ ਮਿਲਣ ਜਾਂਦਾ ਸੀ। ਮੇਰੀ ਨਜ਼ਰ ਵਿਚ ਉਨ੍ਹਾਂ ਦਾ ਅਕਸ ਇਕ ਸ਼ਾਨਦਾਰ ਸ਼ਖਸੀਅਤ ਦਾ ਸੀ। ਇਸ ਤੋਂ ਬਾਅਦ, ਜਦੋਂ ਮੈਂ ਅਨੁਪਮ ਖੇਰ ਨੂੰ ਦਿ ਕਸ਼ਮੀਰ ਫਾਈਲਜ਼ ਦੀ ਸਕ੍ਰਿਪਟ ਸੁਣਾਉਣ ਲਈ ਨਿਊਯਾਰਕ ਗਿਆ ਤਾਂ ਖੇਰ ਸਾਹਬ ਨੇ ਮੈਨੂੰ ਇਸ ਫਿਲਮ ਵਿੱਚ ਆਪਣੇ ਕਿਰਦਾਰ ਦੇ ਨਾਂ ਬਾਰੇ ਪੁੱਛਿਆ, ਉਸ ਸਮੇਂ ਖੇਰ ਸਾਹਬ ਦੇ ਪਿਤਾ ਦਾ ਚਿਹਰਾ ਮੇਰੇ ਦਿਮਾਗ ਵਿੱਚ ਪ੍ਰਗਟ ਹੋਇਆ।
" data-captioned data-default-framing width="400" height="400" layout="responsive">
ਪਿਤਾ ਦੇ ਨਾਂਅ ‘ਤੇ ਪਿਆ ਅਨੁਪਮ ਖੇਰ ਦਾ ਨਾਂ
ਹਰ ਕੋਈ ਜਾਣਦਾ ਹੈ ਕਿ ਅਨੁਪਮ ਖੇਰ ਦੇ ਪਿਤਾ ਦਾ ਨਾਂ ਪੁਸ਼ਕਰਨਾਥ ਖੇਰ ਸੀ। ਇਸੇ ਲਈ 'ਦਿ ਕਸ਼ਮੀਰ ਫਾਈਲਜ਼' 'ਚ ਵੀ ਅਨੁਪਮ ਨੂੰ ਉਨ੍ਹਾਂ ਦੇ ਪਿਤਾ ਦਾ ਨਾਂ ਦਿੱਤਾ ਗਿਆ ਸੀ। ਦੱਸਿਆ ਜਾਂਦਾ ਹੈ ਕਿ ਫਿਲਮ 'ਦਿ ਕਸ਼ਮੀਰ ਫਾਈਲਜ਼' ਬਾਲੀਵੁੱਡ ਦੀਆਂ ਸਫਲ ਫਿਲਮਾਂ 'ਚੋਂ ਇਕ ਹੈ।
ਇਹ ਵੀ ਪੜ੍ਹੋ: 'ਖਿਲਾੜੀ ਕੁਮਾਰ' ਨਾਲ ਇਸ ਫਿਲਮ 'ਚ ਬਿਊਟੀ ਕੁਈਨ ਰੇਖਾ ਨੇ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ,ਮੂਵੀ ਇੱਥੇ ਹੈ ਮੌਜੂਦ