ਮੁੰਬਈ: ਸਾਰਾ ਅਲੀ ਖ਼ਾਨ ਦੇ ਸਿਤਾਰੇ ਇਨ੍ਹੀਂ ਦਿਨੀਂ ਬੁਲੰਦੀਆਂ ‘ਤੇ ਹਨ। ਉਸ ਨੇ ਪਿਛਲੇ ਸਾਲ ਦਸੰਬਰ ‘ਚ ‘ਕੇਰਦਾਰਨਾਥ’ ਤੇ ‘ਸਿੰਬਾ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਹੈ। ‘ਕੇਦਾਰਨਾਥ’ ਨਾਲ ਉਸ ਨੂੰ ਮਲੀਆਂ ਤਾਰੀਫਾਂ ਤੇ ‘ਸਿੰਬਾ’ ਨੇ ਬਾਕਸਆਫਿਸ ‘ਤੇ ਧਮਾਲ ਮਚਾ ਦਿੱਤੀ ਹੈ। ਇਸ ਤੋਂ ਬਾਅਦ ਸਾਰਾ ਦੇ ਫੈਨ ਫੌਲੋਇੰਗ ਕਾਫੀ ਵਧ ਗਈ ਹੈ ਜਿਸ ‘ਚ ਬਾਲੀਵੁੱਡ ਦੇ ਸਿਤਾਰੇ ਵੀ ਸ਼ਾਮਲ ਹਨ।
ਹੁਣ ਬਾਲੀਵੁੱਡ ਦੇ ਕਈ ਚਹਿਰੇ ਸਾਰਾ ਨਾਲ ਕੰਮ ਕਰਨ ਦੀ ਇੱਛਾ ਜ਼ਾਹਿਰ ਕਰ ਚੁੱਕੇ ਹਨ, ਜਿਨ੍ਹਾਂ ‘ਚ ਇਮਰਾਨ ਹਾਸ਼ਮੀ ਵੀ ਹਨ। ਇਮਰਾਨ ਨੇ ਹਾਲ ਹੀ ‘ਚ ਇੰਟਰਵਿਊ ‘ਚ ਕਿਹਾ, “ਮੈਂ ਅਜੇ ਤਕ ਸਾਰਾ ਦੀ ਕੋਈ ਫ਼ਿਲਮ ਨਹੀਂ ਦੇਖੀ ਪਰ ਮੇਰਾ ਪਰਿਵਾਰ ਉਸ ਤੇ ਕੁਝ ਦੋਸਤਾਂ ਨੇ ਉਸ ਦੇ ਕੰਮ ਦੀ ਕਾਫੀ ਤਾਰੀਫ ਕੀਤੀ ਹੈ। ਉਸ ਦੀ ਇੰਨੀ ਤਾਰੀਫ ਸੁਣ ਮੈਨੂੰ ਲੱਗਦਾ ਹੈ ਕਿ ਸਾਰਾ ਨਾਲ ਕੰਮ ਕਰਨਾ ਚਾਹੀਦਾ ਹੈ।”
ਗੱਲਾਂ ਹੀ ਗੱਲਾਂ ‘ਚ ਇਮਰਾਨ ਨੇ ਸਾਰਾ ਦੀ ਜੰਮ ਕੇ ਤਾਰੀਫ ਕੀਤੀ ਹੈ। ਉਨ੍ਹਾਂ ਦੀ ਗੱਲਾਂ ਜਦੋਂ ਸਾਰਾ ਸੁਣੇਗੀ ਤਾਂ ਸੱਚ ਉਹ ਵੀ ਬੇਹੱਦ ਖੁਸ਼ ਹੋਵੇਗੀ। ਸਾਰਾ ਨੇ ਆਪਣੇ ਚੁਲਬੁਲੇ ਸੁਭਾਅ ਤੇ ਕਮਾਲ ਦੀ ਐਕਟਿੰਗ ਨਾਲ ਸਭ ਦਾ ਦਿਲ ਜਿੱਤ ਲਿਆ ਹੈ।