24 ਸਤੰਬਰ 2021 ਨੂੰ ਐਮੀ ਵਿਰਕ-ਸਰਗੁਣ ਮਹਿਤਾ ਦੀ ਜੋੜੀ ਸੁਪਰਹਿੱਟ ਫਿਲਮ ਕਿਸਮਤ ਦੇ ਸੀਕੁਅਲ ਨਾਲ ਸਿਨੇਮਾਘਰਾਂ 'ਚ ਨਜ਼ਰ ਆਵੇਗੀ। “ਕਿਸਮਤ” ਫਿਲਮ ਪੰਜਾਬੀ ਸਿਨੇਮਾ ਦੀ ਹੁਣ ਤਕ ਦੀ ਸਭ ਤੋਂ ਸਫਲ ਰੋਮਾਂਟਿਕ ਫਿਲਮ ਰਹੀ ਹੈ। ਕਿਸਮਤ 2 ਦੀ ਅਨਾਊਸਮੈਂਟ ਦੇ ਨਾਲ ਹੀ ਦਰਸ਼ਕਾਂ 'ਚ ਐਕਸਾਈਟਮੈਂਟ ਹੋਰ ਵੱਧ ਗਈ ਸੀ। ਹੁਣ ਲਗਦਾ ਹੈ ਇਸ ਐਕਸਾਈਟਮੈਂਟ ਦਾ ਲੈਵਲ ਹੋਰ ਵਧੇਗਾ। ਇਸ ਫਿਲਮ 'ਚ ਪੰਜਾਬੀ ਗਾਇਕ ਗੈਰੀ ਸੰਧੂ ਵੀ ਨਜ਼ਰ ਆ ਸਕਦੇ ਹਨ।
ਰਿਪੋਰਟਸ ਦੇ ਮੁਤਾਬਕ ਗੈਰੀ ਸੰਧੂ ਇਸ ਫਿਲਮ 'ਚ ਕੈਮਿਓ ਕਰਨ ਵਾਲੇ ਹਨ। ਕਿਸਮਤ -2 ਦੇ ਬਾਕੀ ਪਾਰਟ ਦੀ ਸ਼ੂਟਿੰਗ ਇੰਨੀ ਦਿਨੀ ਇੰਗਲੈਂਡ 'ਚ ਹੋ ਰਹੀ ਹੈ। ਫਿਲਮ ਦੀ ਸਟਾਰ ਕਾਸਟ ਦੇ ਨਾਲ ਗੈਰੀ ਸੰਧੂ ਵੀ ਇੰਨੀ ਦਿਨੀ ਇੰਗਲੈਂਡ 'ਚ ਹਨ। ਸਕਦਾ ਹੈ ਇੰਗਲੈਂਡ ਵਾਲੇ ਪਾਰਟ 'ਚ ਗੈਰੀ ਸੰਧੂ ਦੇ ਕਿਰਦਾਰ ਨੂੰ ਦਿਖਾਇਆ ਜਾਵੇ। ਹਾਲਾਂਕਿ ਹੁਣ ਤੱਕ ਨਾ ਕਿਸਮਤ ਦੀ ਟੀਮ ਵਲੋਂ ਤੇ ਨਾ ਹੀ ਗੈਰੀ ਸੰਧੂ ਵਲੋਂ ਕੋਈ ਵੀ ਆਫੀਸ਼ੀਅਲ ਅਨਾਊਸਮੈਂਟ ਕੀਤੀ ਗਈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਗੈਰੀ ਦੇ ਕਿਰਦਾਰ ਦਾ ਨਾਮ ਬਿੱਟੂ ਬਰਾੜ ਹੋ ਸਕਦਾ ਹੈ।
ਫਿਲਮ ਕਿਸਮਤ 2 ਦਾ ਇੰਤਜ਼ਾਰ ਦਰਸ਼ਕਾਂ ਨੂੰ ਬੇਸਬਰੀ ਦੇ ਨਾਲ ਹੈ। ਇਸ ਫਿਲਮ 'ਚ ਇਸ ਵਾਰ ਅਦਾਕਾਰਾ ਤਾਨੀਆ ਦਾ ਕਿਰਦਾਰ ਵੀ ਵੱਧ ਹੋਵੇਗਾ। ਪਿਛਲੀ ਫਿਲਮ 'ਚ ਤਾਨੀਆ ਦਾ ਸਿਰਫ ਕੈਮਿਓ ਸੀ। ਜੇਕਰ ਲੌਕਡਾਊਨ ਕਾਰਨ ਸਿਨੇਮਾ ਦੀ ਹਾਲਤ ਹੋਰ ਨਾ ਵਿਗੜੀ ਤਾਂ ਕਿਸਮਤ -2 ਆਪਣੀ ਤੈਅ ਡੇਟ 'ਤੇ ਹੀ ਰਿਲੀਜ਼ ਹੋਵੇਗੀ।