Asin Post for Daughter: ਬਾਲੀਵੁੱਡ ਤੋਂ ਲੈ ਕੇ ਟਾਲੀਵੁੱਡ ਤੱਕ ਦੇ ਕਈ ਸੈਲੇਬਸ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ, ਪਰ 'ਗਜਨੀ' ਅਦਾਕਾਰਾ ਅਸਿਨ ਸੋਸ਼ਲ ਮੀਡੀਆ 'ਤੇ ਘੱਟ ਹੀ ਨਜ਼ਰ ਆਉਂਦੀ ਹੈ। ਹਾਲਾਂਕਿ, ਉਹ ਹਰ ਸਮੇਂ ਆਪਣੀ ਬੇਟੀ ਦੇ ਜਨਮਦਿਨ ਦੀ ਪਾਰਟੀ ਜਾਂ ਕਿਸੇ ਹੋਰ ਫੰਕਸ਼ਨ ਦੀਆਂ ਤਸਵੀਰਾਂ ਆਪਣੇ ਇੰਸਟਾ 'ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ। ਉਨ੍ਹਾਂ ਦੀ ਤਾਜ਼ਾ ਪੋਸਟ ਉਨ੍ਹਾਂ ਦੀ ਬੇਟੀ ਅਰਿਨ ਲਈ ਹੈ।
ਅਸਿਨ ਨੇ ਆਪਣੀ ਬੇਟੀ ਦੇ ਜਨਮਦਿਨ 'ਤੇ ਨੋਟ ਲਿਖਿਆ
ਅਸਲ 'ਚ ਅਸਿਨ ਨੇ ਹਾਲ ਹੀ 'ਚ ਆਪਣੀ ਬੇਟੀ ਦਾ 5ਵਾਂ ਜਨਮਦਿਨ ਸੈਲੀਬ੍ਰੇਟ ਕੀਤਾ ਹੈ। ਅਸਿਨ ਨੇ ਬੇਟੀ ਦੇ ਜਨਮਦਿਨ ਦੀ ਪਾਰਟੀ ਦੀ ਥੀਮ ਸਪੇਸ ਰੱਖੀ ਸੀ। ਉਨ੍ਹਾਂ ਨੇ ਇਸ ਦੀਆਂ ਤਸਵੀਰਾਂ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ ਹਨ। ਸੁਨਹਿਰੀ ਰੰਗ ਦੇ ਕੱਪੜੇ ਪਹਿਨੀ ਬੇਟੀ ਅਰਿਨ ਦੀ ਇੱਕ ਪਿਆਰੀ ਤਸਵੀਰ ਸ਼ੇਅਰ ਕਰਦੇ ਹੋਏ, ਅਸਿਨ ਨੇ ਲਿਖਿਆ, "ਉਹ ਸਾਡੀ ਜ਼ਿੰਦਗੀ ਦੀ ਰੋਸ਼ਨੀ ਹੈ ਅਤੇ ਅੱਜ ਉਸਦਾ ਜਨਮਦਿਨ ਹੈ !!!!! ਅਰਿਨ ਨੂੰ 5ਵੇਂ ਜਨਮਦਿਨ ਦੀਆਂ ਵਧਾਈਆਂ! ਅਸੀਂ ਤੁਹਾਨੂੰ ਬਹੁਤ ਪਿਆਰ ਕਰਦੇ ਹਾਂ, ਸਭ ਤੋਂ ਚਮਕਦਾਰ ਬੱਚੇ ਲਈ ਸਭ ਤੋਂ ਚਮਕਦਾਰ ਮੁਸਕਰਾਹਟ, ਸਭ ਤੋਂ ਮਜ਼ੇਦਾਰ ਕਮੈਂਟ ਅਤੇ ਸਭ ਤੋਂ ਪਿਆਰੇ ਡਾਂਸ ਮੂਵ... ਸਾਨੂੰ ਤੁਹਾਨੂੰ ਵਧਦੇ ਹੋਏ ਦੇਖਣਾ ਪਸੰਦ ਹੈ! ਰੌਕ-ਐਟ ਲਿਟਲ ਰੌਕਸਟਾਰ! ਜਨਮਦਿਨ ਮੁਬਾਰਕ, ਮੇਰੀ ਧੀ ਮੇਰੀ ਸ਼ਾਨ।"
ਅਸਿਨ ਨੇ ਫਿਲਮਾਂ ਕੀਤੀਆਂ ਕਈ ਹਿੱਟ
ਦੱਸ ਦੇਈਏ ਕਿ 'ਗਜਨੀ', 'ਰੈਡੀ' ਅਤੇ 'ਬੋਲ ਬੱਚਨ' ਵਰਗੀਆਂ ਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਆਸਿਨ ਨੇ 2016 'ਚ ਬਿਜ਼ਨੈੱਸਮੈਨ ਰਾਹੁਲ ਸ਼ਰਮਾ ਨਾਲ ਵਿਆਹ ਕੀਤਾ ਸੀ। ਜੋੜੇ ਨੇ 2017 ਵਿੱਚ ਬੇਟੀ ਅਰਿਨ ਦਾ ਸਵਾਗਤ ਕੀਤਾ ਸੀ। ਫਿਲਮਾਂ ਵਿੱਚ ਆਪਣੀ ਵਾਪਸੀ 'ਤੇ, ਅਸਿਨ ਨੇ ਪਹਿਲਾਂ ਕਿਹਾ ਸੀ, "ਮੈਂ ਕੋਈ ਵੀ ਅਸਾਈਨਮੈਂਟ ਲੈਣਾ ਬੰਦ ਕਰ ਦਿੱਤਾ ਹੈ ਅਤੇ ਆਪਣੇ ਵਿਆਹ ਤੋਂ ਪਹਿਲਾਂ ਹੀ ਆਪਣੇ ਬ੍ਰਾਂਡ ਐਂਡੋਰਸਮੈਂਟ ਸਮੇਤ ਆਪਣੇ ਸਾਰੇ ਵਾਅਦੇ ਪੂਰੇ ਕਰ ਲਏ ਹਨ।"