ਚੰਡੀਗੜ੍ਹ: ਕੰਗਨਾ ਰਣੌਤ ਅਤੇ ਰਿਤਿਕ ਰੋਸ਼ਨ ਵਿਚਕਾਰ ਵਿਵਾਦ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਆ ਰਿਹਾ ਹੈ।ਰਿਤਿਕ ਰੋਸ਼ਨ ਇਸ ਮਾਮਲੇ ਵਿਚ ਪੁਲਿਸ ਕੋਲ ਆਪਣਾ ਬਿਆਨ ਦਰਜ ਕਰਾਉਣ ਲਈ ਪਹੁੰਚਗੇ ਹਨ।ਮੁੰਬਈ ਕ੍ਰਾਇਮ ਬ੍ਰਾਂਚ ਕੋਲ ਰਿਤਿਕ ਪਹੁੰਚੇ ਹਨ। ਇਸ ਦੌਰਾਨ ਕੰਗਨਾ ਰਣੌਤ ਨੇ ਰਿਤਿਕ ਰੋਸ਼ਨ ਨੂੰ ਟੀਜ਼ ਕਰਦੇ ਹੋਏ ਇੱਕ ਵਾਰ ਫਿਰ 'ਸਿਲੀ ਐਕਸ' ਕਹਿ ਕੇ ਇਹ ਮੁੱਦਾ ਚੁੱਕਿਆ ਹੈ।
ਦਰਅਸਲ, ਰਿਤਿਕ ਇਸ ਪੂਰੇ ਮਾਮਲੇ ਬਾਰੇ ਆਪਣਾ ਬਿਆਨ ਦਰਜ ਕਰਨ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਕੰਗਨਾ ਰਣੌਤ ਨੇ ਟਵਿੱਟਰ 'ਤੇ ਲਿਖਿਆ ਕਿ "ਦੁਨੀਆ ਕਿੱਥੇ ਪਹੁੰਚ ਗਈ ਹੈ, ਪਰ ਮੇਰਾ ਸਿਲੀ ਐਕਸ ਅਜੇ ਵੀ ਉਥੇ ਹੈ।ਉਸੇ ਸਮੇਂ ਜਿੱਥੇ ਇਹ ਸਮਾਂ ਦੁਬਾਰਾ ਵਾਪਸ ਨਹੀਂ ਆ ਸਕਦਾ।"
ਦਰਅਸਲ, ਰਿਤਿਕ ਨੇ ਸਾਲ 2016 ਵਿੱਚ ਅਣਪਛਾਤੇ ਲੋਕਾਂ ਦੇ ਖ਼ਿਲਾਫ਼ ਸਾਈਬਰ ਕ੍ਰਾਈਮ ਥਾਣੇ ਵਿੱਚ ਆਈਪੀਸੀ ਦੀ ਧਾਰਾ 419 ਅਤੇ ਆਈਟੀ ਐਕਟ ਦੀ ਧਾਰਾ 66 (ਸੀ) ਅਤੇ 66 (ਡੀ) ਤਹਿਤ ਐਫਆਈਆਰ ਦਰਜ ਕਰਵਾਈ ਸੀ। ਜਿਸ ਵਿੱਚ ਉਸਨੇ ਕੰਗਨਾ ਰਣੌਤ ਉੱਤੇ ਇਲਜ਼ਾਮ ਲਗਾਇਆ ਕਿ ਉਸਨੂੰ ਅਭਿਨੇਤਰੀ ਦੇ ਈਮੇਲ ਆਈਡੀ ਤੋਂ 100 ਤੋਂ ਵੱਧ ਮੇਲ ਪ੍ਰਾਪਤ ਹੋਏ ਹਨ। ਅਦਾਕਾਰ ਰਿਤਿਕ ਰੋਸ਼ਨ ਨੇ ਇਕ ਸ਼ਿਕਾਇਤ ਦਰਜ ਕਰਾਈ ਜਿਸ ਵਿਚ ਇਹ ਵੀ ਕਿਹਾ ਗਿਆ ਕਿ ਇਕ ਵਿਅਕਤੀ ਆਪਣੀ ਨਕਲੀ ਈਮੇਲ ਆਈਡੀ ਬਣਾ ਕੇ ਅਦਾਕਾਰਾ ਕੰਗਨਾ ਰਣੌਤ ਨੂੰ ਈਮੇਲ ਕਰ ਰਿਹਾ ਸੀ। ਹਾਲਾਂਕਿ, ਕੰਗਨਾ ਨੇ ਜਵਾਬ ਦਿੱਤਾ ਕਿ ਰਿਤਿਕ ਨੇ ਉਨ੍ਹਾਂ ਨੂੰ ਇਹ ਆਈਡੀ ਦਿੱਤੀ ਸੀ ਅਤੇ 2014 ਤੱਕ ਅਭਿਨੇਤਾ ਕੰਗਨਾ ਨਾਲ ਸੰਪਰਕ ਸਾਂਝੇ ਕਰਨ ਲਈ ਉਸੀ ਮੇਲ ਆਈਡੀ ਦੀ ਵਰਤੋਂ ਕਰਦਾ ਸੀ।