ਚੰਡੀਗੜ੍ਹ: 'ਤੀਜੇ ਵੀਕ' ਵਾਲੇ ਮਸ਼ਹੂਰ ਪੰਜਾਬੀ ਗਾਇਕ ਅਦਾਕਾਰ ਜਾਰਡਨ ਸੰਧੂ ਦੀ ਇੰਡਸਟਰੀ ਵਿੱਚ ਅਲੱਗ ਪਛਾਣ ਹੈ। ਗਾਇਕ ਤੋਂ ਅਦਾਕਾਰ ਬਣੇ ਜਾਰਡਨ ਸੰਧੂ ਅੱਜ 27 ਸਾਲ ਦੇ ਹੋ ਗਏ ਹਨ। ਅੱਜ ਤਾਂ ਜਾਰਡਨ ਆਪਣਾ birthday ਸੌਂਗ ਆਪਣੇ ਆਪ ਲਈ ਗਾ ਲੈਣਗੇ ਕਿ ਅੱਜ ਜਸ਼ਨ ਮਨਾਏ ਜਾਣਗੇ ਤੇਰਾ ਸੋਹਣਿਆਂ birthday ਆ। ਪੌਲੀਵੁੱਡ ਸੈਲੇਬ੍ਰਿਟੀਜ਼ ਤੋਂ ਲੈ ਕੇ ਉਨ੍ਹਾਂ ਦੇ ਫੈਨਜ਼ ਤਕ ਹਰ ਕੋਈ ਜਾਰਡਨ ਨੂੰ birthday ਦੀਆਂ wishes ਭੇਜ ਰਿਹਾ ਹੈ।
ਜਾਰਡਨ ਸੰਧੂ ਨੇ ਸਾਲ 2014 ਵਿਚ ਗੀਤ 'ਬ੍ਰਾਂਡ' ਦੇ ਸ਼ੁਰੂਆਤ ਕੀਤੀ ਸੀ, ਜਿਸ ਨੂੰ ਠੀਕ ਠਾਕ ਰਿਸਪੌਂਸ ਮਿਲਿਆ ਸੀ ਪਰ ਸਾਲ 2015 ਵਿੱਚ ਆਇਆ ਗੀਤ 'ਮੁੱਛ ਫੁੱਟ' ਗੱਬਰੂ ਨੇ ਜੋਰਡਨ ਨੂੰ ਰਾਤੋ-ਰਾਤ ਸਟਾਰ ਬਣਾ ਦਿੱਤਾ। ਇਸ ਗੀਤ ਦੇ ਰਿਲੀਜ਼ ਹੋਣ ਤੋਂ ਪਹਿਲਾ ਹੀ ਗੀਤ ਦਾ ਆਡੀਓ ਵਾਇਰਲ ਹੋ ਗਿਆ ਸੀ ਜਿਸ ਤੋਂ ਬਾਅਦ ਹੁਣ ਤਕ ਜਾਰਡਨ ਸੰਧੂ ਦੇ ਸਾਰੇ ਗਾਣੇ ਹੀ ਹਿੱਟ ਹਨ।
ਜਾਰਡਨ ਸੰਧੂ ਨੇ ਪੰਜਾਬੀ ਗਾਣਿਆਂ ਦੇ ਨਾਲ-ਨਾਲ ਪੰਜਾਬੀ ਫ਼ਿਲਮ ਵਿੱਚ ਵੀ ਕੰਮ ਕੀਤਾ, ਜਿਸ ਵਿੱਚ ਕਾਲਾ ਸ਼ਾਹ ਕਾਲਾ, ਖ਼ਤਰੇ ਦਾ ਘੁਗੂ, ਗਿੱਦੜਸਿੰਘੀ ਵਰਗੀਆਂ ਫ਼ਿਲਮ ਸ਼ਾਮਲ ਹਨ ਜਿਸ ਵਿੱਚੋਂ ਫਿਲਮ ਕਾਲਾ ਸ਼ਾਹ ਕਾਲਾ ਕਾਫੀ ਹਿੱਟ ਰਹੀ।