ਨਵਜੋਤ ਸਿੱਧੂ ਨੂੰ 'ਕਪਿਲ ਸ਼ਰਮਾ ਸ਼ੋਅ' ਤੋਂ ਹਟਾਏ ਜਾਣ ਤੋਂ ਬਾਅਦ ਅਰਚਨਾ ਪੂਰਨ ਨੇ 'ਲਾਫਿੰਗ ਕਵੀਨ' ਦੀ ਥਾਂ ਲੈ ਲਈ ਹੈ। ਇਸ ਸਮੇਂ ਕਪਿਲ ਸ਼ਰਮਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਉਹ ਨਵਜੋਤ ਸਿੱਧੂ ਦੇ ਅੰਦਾਜ਼ ‘ਚ ਅਰਚਨਾ ਪੂਰਨ ਸਿੰਘ ਦੀ ਲੱਤ ਖਿੱਚਦੇ ਹੋਏ ਦਿਖਾਈ ਦੇ ਰਹੇ ਹਨ।
ਕਪਿਲ ਸ਼ਰਮਾ ਦੀ ਇਹ ਵੀਡੀਓ ਲੋਕਾਂ ਵਿੱਚ ਕਾਫ਼ੀ ਮਸ਼ਹੂਰ ਹੋ ਰਹੀ ਹੈ। ਲੋਕ ਇਸ ਵੀਡੀਓ ‘ਤੇ ਟਿੱਪਣੀਆਂ ਕਰ ਰਹੇ ਹਨ ਤੇ ਆਪਣੀ ਪ੍ਰਤੀਕ੍ਰਿਆ ਦੇ ਰਹੇ ਹਨ। ਕਪਿਲ ਅਕਸਰ ਸ਼ੋਅ ‘ਚ ਅਰਚਨਾ ਨਾਲ ਮਜ਼ਾਕ ਵੀ ਕਰਦੇ ਹਨ। ਇਸ ਵੀਡੀਓ ਨੂੰ ਫੈਨ ਪੇਜ ਤੋਂ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਵਿੱਚ ਕਪਿਲ ਨੀਲੇ ਰੰਗ ਦੀ ਪੱਗ ਬੰਨ੍ਹੇ ਦਿਖਾਈ ਦੇ ਰਹੇ ਹਨ।