ਕਪਿਲ ਸ਼ਰਮਾ ਨੇ ਅਮਰਿੰਦਰ ਗਿੱਲ ਦੇ ਗੀਤ ਦੀ ਤਾਰੀਫ ਕੀਤੀ ਹੈ। ਅਮਰਿੰਦਰ ਗਿੱਲ ਦੀ ਐਲਬਮ 'ਜੁਦਾ 3' ਦੇ ਗੀਤ 'ਚਲ ਜਿੰਦੀਏ' ਨੇ ਕਪਿਲ ਸ਼ਰਮਾ ਦਾ ਦਿਲ ਜਿੱਤ ਲਿਆ ਹੈ। ਜਿਸ ਤੋਂ ਬਾਅਦ ਕਪਿਲ ਸ਼ਰਮਾ ਨੇ ਖਾਸ ਤੌਰ 'ਤੇ ਗਾਣਾ ਸ਼ੇਅਰ ਕੀਤਾ ਤੇ ਕਿਹਾ, "ਕਿੰਨੀ ਸੋਹਣੀ ਗਾਇਕੀ, ਕਿੰਨੇ ਸੌਹਣੇ ਬੋਲ, ਕਿੰਨਾ ਸੋਹਣਾ ਸੰਗੀਤ, ਦਿਲ ਜਿੱਤ ਲਿਆ.. ਮੁਬਾਰਕ ਮੇਰੇ ਤਿੰਨੇ ਵੀਰਾਂ ਨੂੰ"
ਅਮਰਿੰਦਰ ਗਿੱਲ ਦੇ ਨਾਲ-ਨਾਲ ਕਪਿਲ ਸ਼ਰਮਾ ਨੇ ਡਾਕਟਰ ZEUS ਦੇ ਸੰਗੀਤ ਤੇ ਬੀਰ ਸਿੰਘ ਦੀ ਲਿਖਤ ਦੀ ਵੀ ਤਾਰੀਫ ਕੀਤੀ ਹੈ। ਅਮਰਿੰਦਰ ਗਿੱਲ ਤੇ ਕਪਿਲ ਸ਼ਰਮਾ ਇਕ ਹੀ ਯੂਨੀਵਰਸਿਟੀ ਤੋਂ ਪਾਸ ਆਊਟ ਹਨ। ਦੋਵੇਂ ਅੱਜ ਆਪਣੀ-ਆਪਣੀ ਫੀਲਡ ਦੇ ਮਾਹਿਰ ਮੰਨੇ ਜਾਂਦੇ ਹਨ। ਡਾਕਟਰ ZEUS ਨਾਲ ਵੀ ਕਪਿਲ ਦੀ ਦੋਸਤੀ ਕਾਫੀ ਪੁਰਾਣੀ ਹੈ। ਡਾਕਟਰ ਜ਼ਿਊਸ ਨੇ ਕਪਿਲ ਦੀ ਫਿਲਮ 'ਕਿਸ ਕਿਸ ਕੋ ਪਿਆਰ ਕਰੂੰ' ਦੇ ਗੀਤ ਤਿਆਰ ਕੀਤੇ ਸੀ।
ਦਸ ਦਈਏ ਕਿ 27 ਅਗਸਤ ਨੂੰ ਫਿਲਮ ਚੱਲ ਮੇਰਾ ਪੁੱਤ-2 ਵੀ ਸਿਨੇਮਾ ਘਰਾਂ 'ਚ ਮੁੜ ਰਿਲੀਜ਼ ਹੋਵੇਗੀ। ਇਸ ਤੋਂ ਪਹਿਲਾਂ ਫਿਲਮ 2020 'ਚ ਰਿਲੀਜ਼ ਹੋਈ ਪਰ ਕੋਰੋਨਾ ਵਾਇਰਸ ਕਾਰਨ ਫਿਲਮ ਅੱਧਵਾਟੇ ਹੀ ਰਹਿ ਗਈ ਯਾਨੀ ਕਿ ਦਰਸ਼ਕਾਂ ਤਕ ਆਪਣੀ ਪਹੁੰਚ ਨਹੀਂ ਬਣਾ ਸਕੀ। ਚੱਲ ਮੇਰਾ ਪੁੱਤ ਨੂੰ ਵੀ ਬਹੁਤ ਪਸੰਦ ਕੀਤਾ ਗਿਆ ਸੀ ਤੇ ਹੁਣ ਉਮੀਦ ਹੈ ਕਿ ਦਰਸ਼ਕਾਂ ਨੂੰ ਚੱਲ ਮੇਰਾ ਪੁੱਤ 2 ਵੀ ਬਹੁਤ ਪਸੰਦ ਆਵੇਗੀ। ਚੱਲ ਮੇਰਾ ਪੁੱਤ 2 'ਚ ਵੀ ਅਮਰਿੰਦਰ ਗਿੱਲ ਤੇ ਸਿੰਮੀ ਚਹਿਲ ਲੀਡ ਰੋਲ 'ਚ ਨਜ਼ਰ ਆਉਣਗੇ।
ਕੋਰੋਨਾ ਵਾਇਰਸ ਨੇ ਜਿੱਥੇ ਆਮ ਜਨ ਜੀਵਨ ਪ੍ਰਭਾਵਿਤ ਕੀਤਾ ਉੱਥੇ ਹੀ ਕਰੀਬ ਹਰ ਕਾਰੋਬਾਰ 'ਤੇ ਇਸ ਦੇ ਪ੍ਰਭਾਵ ਦਿਖਾਈ ਦਿੱਤੇ। ਸਿਨੇਮਾ ਘਰਾਂ ਕੋਰੋਨਾ ਵਾਇਰਸ ਨੇ ਚੁੱਪ ਪਸਰ ਦਿੱਤੀ ਸੀ। ਦਰਅਸਲ ਜਦੋਂ ਤੋਂ ਕੋਰੋਨਾ ਨੇ ਦਸਤਕ ਦਿੱਤੀ ਸਿਨੇਮਾ ਘਰਾਂ ਦੀਆਂ ਰੌਣਕਾਂ ਖ਼ਤਮ ਹੋ ਗਈਆਂ। ਹੁਣ ਜਦੋਂ ਕੋਰੋਨਾ ਦੀ ਦੂਜੀ ਵੇਵ ਦਾ ਖਤਰਾ ਟਲਿਆ ਹੈ ਤਾਂ ਅਜਿਹੇ 'ਚ ਸਿਨੇਮਾ ਘਰਾਂ 'ਚ ਰੌਣਕ ਮੁੜ ਤੋਂ ਪਰਤਣ ਲੱਗੀ ਹੈ।