Madhuri Dixit Husband Shriram Nene Trolled: ਬਾਲੀਵੁੱਡ ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਦੇ ਪਤੀ ਅਤੇ ਭਾਰਤੀ ਅਮਰੀਕੀ ਕਾਰਡੀਓਵੈਸਕੁਲਰ ਸਰਜਨ ਡਾਕਟਰ ਸ਼੍ਰੀਰਾਮ ਨੇਨੇ ਲਾਈਮਲਾਈਟ ਤੋਂ ਦੂਰ ਰਹਿੰਦੇ ਹਨ। ਹਾਲਾਂਕਿ, ਉਹ ਅਕਸਰ ਆਪਣੀ ਅਭਿਨੇਤਰੀ ਪਤਨੀ ਨਾਲ ਇਵੈਂਟਸ ਵਿੱਚ ਦੇਖਿਆ ਜਾਂਦਾ ਹੈ। ਇਸ ਸਮੇਂ ਡਾਕਟਰ ਨੇਨੇ ਆਪਣੇ ਇੱਕ ਟਵੀਟ ਕਾਰਨ ਟ੍ਰੋਲ ਹੋ ਕੇ ਸੁਰਖੀਆਂ ਵਿੱਚ ਆ ਗਏ ਹਨ।
'ਹੈਪੀ ਗੁੱਡ ਫਰਾਈਡੇ' ਦੀ ਕਾਮਨਾ ਕਰਨ 'ਤੇ ਮਾਧੁਰੀ ਦੇ ਪਤੀ ਨੇਨੇ ਹੋਏ ਟ੍ਰੋਲ
ਸ਼੍ਰੀ ਰਾਮ ਨੇਨੇ ਨੇ ਟਵੀਟ ਕਰਕੇ ਆਪਣੇ ਫੈਨਜ਼ ਨੂੰ 'ਹੈਪੀ ਗੁੱਡ ਫਰਾਈਡੇ' ਵਿਸ਼ ਕੀਤਾ। ਡਾਕਟਰ ਨੇਨੇ ਨੇ ਆਪਣੇ ਟਵੀਟ ਵਿੱਚ ਲਿਖਿਆ, "ਮਨਾਉਣ ਵਾਲਿਆਂ ਨੂੰ ਮੁਬਾਰਕ ਅਤੇ ਗੁੱਡ ਫਰਾਈਡੇ!" ਇਸ ਕਾਰਨ ਉਹ ਟ੍ਰੋਲਸ ਦੇ ਨਿਸ਼ਾਨੇ 'ਤੇ ਆ ਗਏ। ਦਰਅਸਲ, ਯਿਸੂ ਮਸੀਹ ਦੇ ਸਲੀਬ 'ਤੇ ਚੜ੍ਹਾਏ ਜਾਣ ਦੀ ਯਾਦ ਵਿਚ ਈਸਾਈਆਂ ਵਿਚ ਗੁੱਡ ਫਰਾਈਡੇ ਮਨਾਇਆ ਜਾਂਦਾ ਹੈ। ਕਈ ਲੋਕ ਇਸ ਦਿਨ ਨੂੰ ਸੋਗ ਵਜੋਂ ਮਨਾਉਂਦੇ ਹਨ। ਅਜਿਹੇ 'ਚ ਮਾਧੁਰੀ ਦੀਕਸ਼ਿਤ ਦੇ ਪਤੀ ਡਾਕਟਰ ਨੇਨੇ ਹੁਣ ਇਸ ਦਿਨ ਨੂੰ 'ਹੈਪੀ' ਕਹਿਣ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਟ੍ਰੋਲਸ ਦੇ ਨਿਸ਼ਾਨੇ 'ਤੇ ਆ ਗਏ ਹਨ ਅਤੇ ਯੂਜ਼ਰਸ ਉਨ੍ਹਾਂ ਦੀ ਜ਼ਬਰਦਸਤ ਆਲੋਚਨਾ ਕਰ ਰਹੇ ਹਨ।
ਯੂਜ਼ਰ ਨੇ ਮਾਧੁਰੀ ਦੀਕਸ਼ਿਤ ਦੇ ਪਤੀ ਡਾਕਟਰ ਨੇਨੇ ਦੀ ਲਾਈ ਕਲਾਸ
ਇਕ ਯੂਜ਼ਰ ਨੇ ਟਵੀਟ ਕੀਤਾ, ''ਕੌਣ ਮਨਾਉਂਦਾ ਹੈ ਗੁੱਡ ਫਰਾਈਡੇ ਸਰ?? ਇਹ ਪ੍ਰਾਰਥਨਾ ਅਤੇ ਸੋਗ ਦਾ ਦਿਨ ਹੈ। ਜਸ਼ਨ ਦਾ ਨਹੀਂ। ਇਸ ਤੋਂ ਪਹਿਲਾਂ ਕਿ ਤੁਸੀਂ ਅਜਿਹਾ ਕੁਝ ਟਵੀਟ ਕਰੋ, ਥੋੜੀ ਸਮਾਜਕ ਜਾਗਰੁਕਤਾ 'ਤੇ ਧਿਆਨ ਦੇਣਾ ਚਾਹੀਦਾ ਹੈ।' ਜਦੋਂ ਕਿ ਦੂਜੇ ਨੇ ਲਿਖਿਆ, "ਮੈਨੂੰ ਲਗਦਾ ਹੈ ਕਿ ਤੁਹਾਨੂੰ ਇਸ ਗੱਲ 'ਤੇ ਧਿਆਨ ਦੇਣਾ ਚਾਹੀਦਾ ਹੈ ਕਿ ਅਸੀਂ ਅਸਲ ਵਿੱਚ ਇਸਨੂੰ ਕਿਉਂ ਮਨਾਉਂਦੇ ਹਾਂ।" ਇਕ ਹੋਰ ਨੇ ਲਿਖਿਆ, “ਗੁੱਡ ਫਰਾਈਡੇ ਪ੍ਰਭੂ ਯਿਸੂ ਮਸੀਹ ਦੇ ਸਲੀਬ ਉੱਤੇ ਚੜ੍ਹਾਏ ਜਾਣ ਕਾਰਨ ਸੋਗ ਦਾ ਦਿਨ ਹੈ। ਇਹ ਕੋਈ ਜਸ਼ਨ ਨਹੀਂ ਸਗੋਂ ਪਵਿੱਤਰ ਮੌਕਾ ਹੈ। ਇਸ ਵਿੱਚ ਖੁਸ਼ ਹੋਣ ਵਾਲੀ ਕੋਈ ਗੱਲ ਨਹੀਂ ਹੈ।
ਕੀ ਸੱਚਮੁੱਚ ਡਾ. ਨੇਨੇ ਨੇ ਕੀਤੀ ਗਲਤੀ?
ਗੁੱਡ ਫਰਾਈਡੇ 'ਹੈਪੀ' ਹੈ ਜਾਂ 'ਸੈਡ', ਇਸ 'ਤੇ ਪੂਰੀ ਦੁਨੀਆ 'ਚ ਮਿਲੇ ਜੁਲੇ ਵਿਚਾਰ ਹਨ। ਰੋਮ ਕੈਥੋਲਿਕ ਇਸ ਦਿਨ ਨੂੰ ਸੋਗ ਵਜੋਂ ਮਨਾਉਂਦੇ ਹਨ, ਜਦਕਿ ਦੂਜੇ ਈਸਾਈ ਸੈਕਟ ਇਸ ਦਿਨ ਦੀ ਖੁਸ਼ੀ ਮਨਾਉਂਦੇ ਹਨ, ਕਿਉਂਕਿ ਈਸਾਈ ਮਾਨਤਾ ਅਨੁਸਾਰ ਯਿਸੂ ਮਸੀਹ ਨੂੰ ਜਿਸ ਦਿਨ ਸਲੀਬ 'ਤੇ ਚੜ੍ਹਾਇਆ ਗਿਆ, ਉਸ ਤੋਂ ਤੀਜੇ ਦਿਨ ਉਹ ਮੁਰਦਿਆਂ ਵਿੱਚੋਂ ਜੀ ਉੱਠੇ ਸੀ। ਯਿਸੂ ਮਸੀਹ ਜ਼ਿੰਦਾ ਹਨ ਅਤੇ ਸੋਗ ਮ੍ਰਿਤਕਾਂ ਦਾ ਮਨਾਇਆ ਜਾਂਦਾ ਹੈ।