Ranveer Allahbadia: ਯੂਟਿਊਬਰ ਅਤੇ ਕਾਮੇਡੀਅਨ ਰਣਵੀਰ ਇਲਾਹਾਬਾਦੀਆ ਦੇ ਇੱਕ ਕਮੈਂਟ ਨੇ ਸੋਸ਼ਲ ਮੀਡੀਆ 'ਤੇ ਵੱਡਾ ਵਿਵਾਦ ਖੜ੍ਹਾ ਕਰ ਦਿੱਤਾ ਹੈ। ਰਣਵੀਰ ਇਲਾਹਾਬਾਦੀਆ ਨੂੰ ਫੇਸਬੁੱਕ ਟਾਈਮਲਾਈਨ ਅਤੇ ਐਕਸ ਪਲੇਟਫਾਰਮ 'ਤੇ ਜਨਤਾ ਦੁਆਰਾ ਖਤਰਨਾਕ ਤਰੀਕੇ ਨਾਲ ਰੋਸਟ ਕੀਤਾ ਜਾ ਰਿਹਾ ਹੈ ਅਤੇ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਰਣਵੀਰ ਇਲਾਹਾਬਾਦੀਆ ਯੂਟਿਊਬ 'ਤੇ BeerBiceps ਨਾਮ ਦਾ ਚੈਨਲ ਚਲਾਉਂਦੇ ਹਨ। ਇਹ ਚੈਨਲ ਆਪਣੇ ਡਬਲ ਮੀਨਿੰਗ ਵਾਲੇ ਸੰਵਾਦਾਂ, ਅਸ਼ਲੀਲ ਟਿੱਪਣੀਆਂ ਅਤੇ ਕਈ ਵਾਰ ਅਡਲਟ ਸਮੱਗਰੀ ਕਾਰਨ ਚਰਚਾ ਵਿੱਚ ਰਹਿੰਦਾ ਹੈ।
ਇਸ ਵਾਰ ਵੀ ਰਣਵੀਰ ਇਲਾਹਾਬਾਦੀਆ ਨੇ ਅਜਿਹੇ ਹੀ ਇੱਕ ਕਮੈਂਟ ਨਾਲ ਇੰਟਰਨੈੈੱਟ ਤੇ ਸਨਸਨੀ ਫੈਲਾ ਦਿੱਤੀ ਹੈ। ਇਹ ਘਟਨਾ ਹਾਲ ਹੀ ਵਿੱਚ ਇੱਕ ਐਪੀਸੋਡ ਦੌਰਾਨ ਵਾਪਰੀ। ਰਣਵੀਰ ਇਲਾਹਾਬਾਦੀਆ, ਸਟੈਂਡ-ਅੱਪ ਕਾਮੇਡੀਅਨ, ਸਮੈ ਰੈਨਾ ਦੇ ਸ਼ੋਅ ਇੰਡੀਆਜ਼ ਗੌਟ ਲੇਟੈਂਟ ਵਿੱਚ ਆਏ ਹੋਏ ਸੀ।
ਇਸ ਸ਼ੋਅ ਵਿੱਚ ਰਣਵੀਰ ਇਲਾਹਾਬਾਦੀਆ ਕੰਟੈਂਟ ਕ੍ਰੀਏਟਰ ਆਸ਼ੀਸ਼ ਚੰਚਲਾਨੀ, ਜਸਪ੍ਰੀਤ ਸਿੰਘ ਅਤੇ ਅਪੂਰਵਾ ਮੁਖੀਜਾ, ਜਿਸ ਨੂੰ ਦ ਰਿਬੇਲ ਕਿਡ ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ, ਦੇ ਨਾਲ ਜੱਜ ਦੇ ਰੂਪ ਵਿੱਚ ਸ਼ਾਮਿਲ ਹੋਏ ਸੀ। ਸ਼ੋਅ ਵਿੱਚ, ਰਣਵੀਰ ਨੇ ਇੱਕ ਕੰਟੇਸਟੇਂਟ ਨੂੰ ਇੱਕ ਬਹੁਤ ਹੀ ਵਿਵਾਦਪੂਰਨ ਸਵਾਲ ਪੁੱਛਿਆ। ਬਹੁਤ ਸਾਰੇ ਲੋਕਾਂ ਨੂੰ ਇਹ ਸਵਾਲ ਹੈਰਾਨੀਜਨਕ ਤੌਰ 'ਤੇ ਅਪੱਤੀਜਨਕ ਲੱਗਿਆ। ਰਣਵੀਰ ਇਲਾਹਾਬਾਦੀਆ ਨੇ ਸ਼ੋਅ ਦੇ ਇੱਕ ਪ੍ਰਤੀਯੋਗੀ ਨੂੰ ਪੁੱਛਿਆ, "ਕੀ ਤੁਸੀਂ ਆਪਣੇ ਮਾਤਾ-ਪਿਤਾ ਨੂੰ ਆਪਣੀ ਜ਼ਿੰਦਗੀ ਦੇ ਬਾਕੀ ਹਿੱਸਿਆ ਲਈ ਹਰ ਦਿਨ ਜਿਨਸੀ ਸਬੰਧ ਬਣਾਉਂਦੇ ਹੋਏ ਦੇਖੋਗੇ ਜਾਂ ਇੱਖ ਵਾਰ ਸ਼ਾਮਿਲ ਹੋਣਗੇ ਅਤੇ ਇਸਨੂੰ ਹਮੇਸ਼ਾ ਲਈ ਰੋਕੋਗੇ?" ਇਹ ਸਵਾਲ ਅੰਗਰੇਜ਼ੀ ਵਿੱਚ ਪੁੱਛਿਆ ਗਿਆ।
ਰਣਵੀਰ ਇਲਾਹਾਬਾਦੀਆ ਨੇ ਪ੍ਰਤੀਕਿਰਿਆ ਨਹੀਂ ਦਿੱਤੀ
ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਜਲਦੀ ਹੀ ਆਲੋਚਨਾ ਦਾ ਹੜ੍ਹ ਆ ਗਿਆ। ਯੂਜ਼ਰਸ ਨੇ ਕਿਹਾ ਕਿ ਡਿਜੀਟਲ ਮਨੋਰੰਜਨ ਦੀ ਦੁਨੀਆ ਵਿੱਚ ਸੰਵੇਦਨਸ਼ੀਲਤਾ ਅਤੇ ਨੈਤਿਕ ਜ਼ਿੰਮੇਵਾਰੀ ਦੀ ਲੋੜ ਹੈ। ਕਈ ਯੂਜ਼ਰਸ ਨੇ ਰਣਵੀਰ ਇਲਾਹਾਬਾਦੀਆ ਨੂੰ ਮੁਆਫੀ ਮੰਗਣ ਲਈ ਕਿਹਾ, ਕਈਆਂ ਨੇ ਕਾਨੂੰਨੀ ਉਪਚਾਰ ਕਰਨ ਦੀ ਗੱਲ ਕੀਤੀ। ਜ਼ਿਆਦਾਤਰ ਲੋਕਾਂ ਨੇ ਰਣਵੀਰ ਇਲਾਹਾਬਾਦੀਆ ਵਿਰੁੱਧ ਤਿੱਖੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ।