Parineeti Chopra Raghav Chadha Enagagement: ਪਰਿਣੀਤੀ ਚੋਪੜਾ ਅਤੇ 'ਆਪ' ਨੇਤਾ ਰਾਘਵ ਚੱਢਾ ਨੇ ਸ਼ਨੀਵਾਰ 13 ਮਈ ਨੂੰ ਦਿੱਲੀ 'ਚ ਮੰਗਣੀ ਕਰ ਲਈ। ਇਸ ਤੋਂ ਬਾਅਦ ਜੋੜੇ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸੈਰੇਮਨੀ ਦੀਆਂ ਕਈ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਸਨ। ਉਦੋਂ ਤੋਂ ਪ੍ਰਸ਼ੰਸਕ ਪਰਿਣੀਤੀ ਅਤੇ ਰਾਘਵ ਨੂੰ ਜ਼ੋਰਦਾਰ ਵਧਾਈ ਦੇ ਰਹੇ ਹਨ। ਅਤੇ ਰਾਘਵ ਦੀ ਮੰਗਣੀ ਤੋਂ ਬਾਅਦ, ਅਭਿਨੇਤਰੀ ਨੇ ਹੁਣ ਇੰਸਟਾਗ੍ਰਾਮ ਸਟੋਰੀ 'ਤੇ ਇਕ ਵੱਡਾ ਨੋਟ ਸਾਂਝਾ ਕੀਤਾ ਹੈ।
ਇਹ ਵੀ ਪੜ੍ਹੋ: ਜਦੋਂ ਰਾਜ ਕੁਮਾਰ ਦਾ ਧਰਮਿੰਦਰ ਨੇ ਫੜ ਲਿਆ ਸੀ ਕਾਲਰ, ਹੱਥੋਪਾਈ ਦੀ ਆ ਗਈ ਸੀ ਨੋਬਤ, ਫਿਰ...
ਪਰਿਣੀਤੀ ਨੇ ਨੋਟ ਸ਼ੇਅਰ ਕਰਕੇ ਮੀਡੀਆ ਅਤੇ ਪ੍ਰਸ਼ੰਸਕਾਂ ਦਾ ਕੀਤਾ ਧੰਨਵਾਦ
ਪਰਿਣੀਤੀ ਦੁਆਰਾ ਇੰਸਟਾਗ੍ਰਾਮ ਸਟੋਰੀ 'ਤੇ ਸ਼ੇਅਰ ਕੀਤੇ ਨੋਟ ਵਿੱਚ ਲਿਖਿਆ ਹੈ, "ਰਾਘਵ ਅਤੇ ਮੈਂ ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਮਿਲੇ ਪਿਆਰ ਅਤੇ ਸਕਾਰਾਤਮਕਤਾ ਤੋਂ ਬਹੁਤ ਪ੍ਰਭਾਵਿਤ ਹਾਂ, ਖਾਸ ਤੌਰ 'ਤੇ ਸਾਡੀ ਮੰਗਣੀ ਤੋਂ। ਅਸੀਂ ਦੋਵੇਂ ਵੱਖ-ਵੱਖ ਦੁਨੀਆ ਤੋਂ ਆਏ ਹਾਂ, ਅਤੇ ਇਹ ਜਾਣ ਕੇ ਹੈਰਾਨੀ ਹੁੰਦੀ ਹੈ ਕਿ ਕਿਸਮਤ ਤੁਹਾਨੂੰ ਕਿਵੇਂ ਇਕੱਠਾ ਕਰ ਸਕਦੀ ਹੈ। ਜਿਨ੍ਹਾਂ ਅਸੀਂ ਕਦੇ ਸੋਚਿਆ ਸੀ, ਉਸ ਤੋਂ ਵੀ ਵੱਡਾ ਪਰਿਵਾਰ ਅਸੀਂ ਪਾ ਲਿਆ ਹੈ।
ਪਰਿਣੀਤੀ ਨੇ ਮੀਡੀਆ ਦਾ ਧੰਨਵਾਦ ਵੀ ਕੀਤਾ
ਅਸੀਂ ਜੋ ਕੁਝ ਵੀ ਪੜ੍ਹਿਆ ਜਾਂ ਦੇਖਿਆ ਹੈ ਉਸ ਤੋਂ ਅਸੀਂ ਬਹੁਤ ਪ੍ਰਭਾਵਿਤ ਹੋਏ ਹਾਂ, ਅਤੇ ਅਸੀਂ ਤੁਹਾਡਾ ਜਿਨ੍ਹਾਂ ਸ਼ੁਕਰੀਆ ਅਦਾ ਕਰੀਏ ਘੱਟ ਹੈ। ਅਸੀਂ ਇਹ ਜਾਣ ਕੇ ਇਸ ਯਾਤਰਾ ਦੀ ਸ਼ੁਰੂਆਤ ਕੀਤੀ ਹੈ ਕਿ ਤੁਸੀਂ ਸਾਰੇ ਸਾਡੇ ਨਾਲ ਖੜੇ ਹੋ। ਮੀਡੀਆ ਵਿੱਚ ਸਾਡੇ ਸ਼ਾਨਦਾਰ ਦੋਸਤਾਂ ਦਾ ਵਿਸ਼ੇਸ਼ ਧੰਨਵਾਦ, ਸਾਰਾ ਦਿਨ ਉੱਥੇ ਰਹਿਣ ਅਤੇ ਸਾਨੂੰ ਉਤਸ਼ਾਹਿਤ ਕਰਨ ਲਈ ਤੁਹਾਡਾ ਧੰਨਵਾਦ।
ਇਸ ਸਾਲ ਵਿਆਹ ਕਰਵਾ ਸਕਦੇ ਹਨ ਪਰਿਣੀਤੀ-ਰਾਘਵ
ਦੱਸ ਦੇਈਏ ਕਿ ਪਰਿਣੀਤੀ ਅਤੇ ਰਾਘਵ ਚੱਢਾ ਲਗਾਤਾਰ ਦੋ ਦਿਨਾਂ ਤੱਕ ਮੁੰਬਈ ਵਿੱਚ ਲੰਚ ਅਤੇ ਡਿਨਰ ਡੇਟ ਉੱਤੇ ਸਪਾਟ ਹੋਏ ਸਨ। ਉਦੋਂ ਤੋਂ ਉਨ੍ਹਾਂ ਦੇ ਅਫੇਅਰ ਦੀਆਂ ਚਰਚਾਵਾਂ ਸ਼ੁਰੂ ਹੋ ਗਈਆਂ ਸਨ। ਹਾਲਾਂਕਿ ਜੋੜੇ ਨੇ ਚੁੱਪ ਧਾਰੀ ਰੱਖੀ। ਇਸ ਦੌਰਾਨ ਦੋਵਾਂ ਨੂੰ ਕਦੇ ਏਅਰਪੋਰਟ 'ਤੇ ਅਤੇ ਕਦੇ IPL ਮੈਚ ਦੇਖਦੇ ਹੋਏ ਦੇਖਿਆ ਗਿਆ। ਸਾਰੀਆਂ ਅਫਵਾਹਾਂ ਨੂੰ ਸੱਚ ਸਾਬਤ ਕਰਦੇ ਹੋਏ ਆਖਿਰਕਾਰ ਪਰਿਣੀਤੀ ਅਤੇ ਰਾਘਵ ਨੇ ਮੰਗਣੀ ਕਰ ਲਈ। ਇਸ ਸਾਲ ਦੋਹਾਂ ਦੇ ਵਿਆਹ ਦੀਆਂ ਖਬਰਾਂ ਵੀ ਹਨ। ਹਾਲਾਂਕਿ ਪਰਿਣੀਤੀ ਅਤੇ ਰਾਘਵ ਵਲੋਂ ਇਸ ਬਾਰੇ 'ਚ ਅਧਿਕਾਰਤ ਤੌਰ 'ਤੇ ਕੁਝ ਨਹੀਂ ਕਿਹਾ ਗਿਆ ਹੈ। ਫਿਲਹਾਲ ਪ੍ਰਸ਼ੰਸਕ ਇਸ ਪਿਆਰੀ ਜੋੜੀ ਦੇ ਵਿਆਹ ਦੇ ਬੰਧਨ 'ਚ ਬੱਝਣ ਦਾ ਇੰਤਜ਼ਾਰ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਗਾਇਕ ਸੱਜਣ ਅਦੀਬ ਨੇ ਖਰੀਦੀ ਨਵੀਂ ਰੇਂਜ ਰੋਵਰ ਕਾਰ, ਅੱਗੇ ਜੋ ਹੋਇਆ, ਵੀਡੀਓ ਦੇਖ ਨਹੀਂ ਰੁਕੇਗਾ ਹਾਸਾ