ਚੰਡੀਗੜ੍ਹ: ਇਸ ਗੱਲ 'ਚ ਕੋਈ ਸ਼ੱਕ ਨਹੀਂ ਹੈ ਕਿ ਪੰਜਾਬੀ ਸਿੰਗਰ ਤੇ ਐਕਟਰ ਦਿਲਜੀਤ ਦੋਸਾਂਝ (Diljit Dosanjh) ਬਗੈਰ ਰੁੱਕੇ ਆਪਣੇ ਫੈਨਸ ਦਾ ਐਂਟਰਟੈਨਮੈਂਟ ਕਰਨ 'ਚ ਲੱਗੇ ਰਹਿੰਦੇ ਹਨ। ਹਾਲ ਹੀ 'ਚ ਦਿਲਜੀਤ ਦੋਸਾਂਝ ਨੇ ਆਪਣੇ ਫੈਨਸ ਨੂੰ ਆਪਣੀ ਐਲਬਮ ਮੂਨਚਾਈਲਡ ਈਰਾ, ਹੋਂਸਲਾ ਰੱਖ ਵਰਗੀਆਂ ਫਿਲਮ ਨਾਲ ਐਂਟਰਟੈਂਨ ਕੀਤਾ। ਇਸ ਦੇ ਨਾਲ ਹੀ ਹੁਣ ਦਿਲਜੀਤ ਆਪਣੇ ਫੈਨਸ ਨੂੰ ਬੈਕ ਟੂ ਬੈਕ ਫਿਲਮਾਂ ਤੇ ਹੋਰ ਪ੍ਰੋਜੈਕਟਸ ਨਾਲ ਸਰਪ੍ਰਾਈਜ਼ ਕਰਨ ਵਾਲੇ ਹਨ। ਇਸੇ ਕੜੀ 'ਚ ਹੁਣ ਉਸ ਨੇ ਇੱਕ ਵਾਰ ਫਿਰ ਪ੍ਰਸ਼ੰਸਕਾਂ ਲਈ ਐਕਸਾਈਮੈਂਟ ਲੇਵਲ ਨੂੰ ਹੋਰ ਹਾਈ ਕਰ ਦਿੱਤਾ ਹੈ।
ਦੱਸ ਦਈਏ ਕਿ ਦਿਲਜੀਤ ਦੋਸਾਂਝ ਇੱਕ ਵਾਰ ਫਿਰ ਤੋਂ ਆਪਣੀ ਆਉਣ ਵਾਲੀ ਫਿਲਮ 'ਬਾਬੇ ਭੰਗੜਾ ਪਾਂਡੇ ਨੇ' ਨਾਲ ਵੱਡੇ ਪਰਦੇ 'ਤੇ ਆਉਣ ਲਈ ਤਿਆਰ ਹੈ। ਫਿਲਮ ਦੇ ਮੇਕਰਸ ਨੇ ਫਰਸਟ ਲੁੱਕ ਪੋਸਟਰ ਰਿਲੀਜ਼ ਕਰ ਦਿੱਤਾ ਹੈ। ਫਿਲਮ ਦੇ ਪੋਸਟਰ ਅਤੇ ਨਾਂਅ ਦੀ ਗੱਲ ਕਰੀਏ ਤਾਂ ਅਜਿਹਾ ਲੱਗਦਾ ਹੈ ਕਿ ਆਉਣ ਵਾਲੀ ਫਿਲਮ ਕਾਮੇਡੀ, ਡਾਂਸ ਤੇ ਰੋਮਾਂਚ ਨਾਲ ਸਾਨੂੰ ਖੂਬ ਐਂਟਰਟੈਨ ਕਰਨ ਵਾਲੀ ਹੈ।
ਇੰਨਾ ਹੀ ਨਹੀਂ ਦਰਸ਼ਕਾਂ ਨੂੰ ਖੁਸ਼ ਕਰਨ ਲਈ ਮੇਕਰਸ ਨੇ ਰਿਲੀਜ਼ ਡੇਟ ਵੀ ਸ਼ੇਅਰ ਕਰ ਦਿੱਤੀ ਹੈ। ਇਹ ਫਿਲਮ 30 ਸਤੰਬਰ 2022 ਨੂੰ ਸਿਲਵਰ ਸਕ੍ਰੀਨਜ਼ 'ਤੇ ਦਸਤਕ ਦੇਵੇਗੀ। ਇਸ ਫਿਲਮ ਦੇ ਐਨੀਮੇਟਡ ਪੋਸਟਰ 'ਤੇ ਇੱਕ ਝਾਤ ਤੁਸੀਂ ਵੀ ਮਾਰੋ:
ਇਸ ਦੇ ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਦਿਲਜੀਤ ਨੇ ਕੈਪਸ਼ਨ ਵੀ ਦਿੱਤਾ ਹੈ, ਜਿਸ ‘ਚ ਉਸ ਨੇ ਲਿੱਖਿਆ ਹੈ, “ਅਲੜ ਬਲੜ ਬਾਵੇ ਦਾ.. ਬਾਬਾ ਹੁਣ ਦੁਸਿਹਰੇ ਤੇ ਭੰਗੜਾ ਪਾਵੇਗਾ 😎 #PunjabiFilm 𝐁𝐀𝐁𝐄 𝐁𝐇𝐀𝐍𝐆𝐑𝐀 𝐏𝐀𝐔𝐍𝐃𝐄 𝐍𝐄 Releasing Worldwide 30th September 2022”
ਫਿਲਮ ਦਾ ਨਿਰਦੇਸ਼ਨ ਅਮਰਜੀਤ ਸਿੰਘ ਸਾਰੋਂ ਨੇ ਕੀਤਾ ਹੈ ਤੇ ਨਰੇਸ਼ ਕਥੂਰੀਆ ਦੁਆਰਾ ਲਿਖਿਆ ਗਿਆ ਹੈ। ਆਉਣ ਵਾਲੀ ਪੰਜਾਬੀ ਫਿਲਮ ਥਿੰਦ ਮੋਸ਼ਨ ਫਿਲਮਜ਼ ਅਤੇ ਸਟੋਰੀਟਾਈਮ ਪ੍ਰੋਡਕਸ਼ਨ ਫਿਲਮ ਦੇ ਬੈਨਰ ਹੇਠ ਰਿਲੀਜ਼ ਹੋਵੇਗੀ। ਹੁਣ ਜਦੋਂ ਸਭ ਨੂੰ ਇਸ ਦੀ ਰਿਲੀਜ਼ ਡੇਟ ਦਾ ਪਤਾ ਲੱਗ ਗਿਆ ਹੈ ਤਾਂ ਹੁਣ ਤੋਂ ਹੀ ਕੈਲੇਂਡਰ ‘ਚ ਇਸ ਤਾਰੀਖ ਨੂੰ ਮਾਰਕ ਕਰ ਲਿਓ।
ਇਹ ਵੀ ਪੜ੍ਹੋ: ਸੀਐਮ ਚੰਨੀ ਨੂੰ ਰੇਡ ਦੀ ਪਹਿਲਾਂ ਹੀ ਜਾਣਕਾਰੀ ਦੇ ਦਿੱਤੀ ਜਿਸ ਕਰਕੇ ਪੈਸੇ ਸੰਭਾਲ ਲਏ, ਸੁਖਬੀਰ ਬਾਦਲ ਦਾ ਦਾਅਵਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin