Gippy Grewal Friendship On Diljit Dosanjh: ਪੰਜਾਬੀ ਗਾਇਕ ਅਤੇ ਅਦਾਕਾਰ ਗਿੱਪੀ ਗਰੇਵਾਲ ਉਨ੍ਹਾਂ ਕਲਾਕਾਰਾਂ ਵਿੱਚੋਂ ਇੱਕ ਹਨ, ਜੋ ਪਾਲੀਵੁੱਡ ਦੇ ਨਾਲ ਬਾਲੀਵੁੱਡ ਇੰਡਸਟਰੀ ਵਿੱਚ ਵੀ ਆਪਣੀ ਵੱਖਰੀ ਪਛਾਣ ਕਾਇਮ ਕਰ ਚੁੱਕੇ ਹਨ। ਉਨ੍ਹਾਂ ਦੇ ਸ਼ੁਰੂਆਤੀ ਦਿਨ੍ਹਾਂ ਦੀ ਗੱਲ ਕੀਤੀ ਜਾਵੇ ਤਾਂ, ਗਿੱਪੀ ਨੇ ਦਿਲਜੀਤ ਦੋਸਾਂਝ ਤੋਂ ਲੈ ਕੇ ਹਨੀ ਸਿੰਘ ਅਤੇ ਕਈ ਮਸ਼ਹੂਰ ਕਲਾਕਾਰਾਂ ਨਾਲ ਸੰਗੀਤ ਅਤੇ ਫਿਲਮ ਇੰਡਸਟਰੀ ਵਿੱਚ ਵਾਹੋ ਵਾਹੀ ਖੱਟੀ। ਹਾਲਾਂਕਿ ਇਸ ਦੌਰਾਨ ਗਿੱਪੀ ਦੀ ਦਿਲਜੀਤ ਨਾਲ ਅਣਬਣ ਦੀਆਂ ਖਬਾਰਂ ਵੀ ਸਾਹਮਣੇ ਆਈਆਂ। ਹਾਲਾਂਕਿ ਇਨ੍ਹਾਂ ਖਬਰਾਂ ਵਿੱਚ ਕਿੰਨੀ ਸੱਚਾਈ ਹੈ, ਇਸਦਾ ਖੁਲਾਸਾ ਹੁਣ ਗਿੱਪੀ ਵੱਲ਼ੋਂ ਕੀਤਾ ਗਿਆ ਹੈ।
ਦੱਸ ਦੇਈਏ ਕਿ ਗਿੱਪੀ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ‘ਸ਼ਿੰਦਾ ਸ਼ਿੰਦਾ ਨੋ ਪਾਪਾ’ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਇਸ ਦੌਰਾਨ ਕਲਾਕਾਰ ਆਪਣੀ ਫਿਲਮ ਦਾ ਰੱਜ ਕੇ ਪ੍ਰਮੋਸ਼ਨ ਕਰ ਰਿਹਾ ਹੈ। ਇਸ ਵਿਚਾਲੇ ਉਨ੍ਹਾਂ ਦੇ ਪ੍ਰਮੋਸ਼ਨ ਦਾ ਇੱਕ ਵੀਡੀਓ ਸੋਸ਼ਲ ਮੀਡਿਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਉਹ ਦਿਲਜੀਤ ਦੋਸਾਂਝ ਬਾਰੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ। ਅਦਾਕਾਰ ਨੇ ਦਿਲਜੀਤ ਨਾਲ ਆਪਣੀ ਅਣਬਣ ਦੀਆਂ ਖ਼ਬਰਾਂ ਦਾ ਖੰਡਨ ਕੀਤਾ ਹੈ।
ਗਿੱਪੀ ਨੇ ਖਾਸ ਗੱਲਬਾਤ ਦੌਰਾਨ ਦੱਸਿਆ ਕਿ ਅਜਿਹਾ ਕੁਝ ਨਹੀਂ ਹੈ। ਇੱਕ ਘਟਨਾ ਨੂੰ ਯਾਦ ਕਰਦਿਆਂ ਗਿੱਪੀ ਗਰੇਵਾਲ ਨੇ ਕਿਹਾ, “ਮੈਨੂੰ ਯਾਦ ਹੈ ਕਿ ਅਸੀਂ ਇੱਕ ਅਵਾਰਡ ਸ਼ੋਅ ਵਿੱਚ ਗਏ ਸੀ, ਉਸ ਦੌਰਾਨ ਗਾਇਕ ਗੁਰਦਾਸ ਮਾਨ ਸਟੇਜ ‘ਤੇ ਪਰਫਾਰਮ ਕਰ ਰਹੇ ਸਨ। ਉਨ੍ਹਾਂ ਨੇ ਆਪਣੀ ਪਰਫਾਰਮੈਂਸ ਨੂੰ ਅੱਧ ਵਿਚਾਲੇ ਹੀ ਇਹ ਕਹਿ ਕੇ ਰੋਕ ਦਿੱਤਾ ਕਿ ਦਿਲਜੀਤ ਅਤੇ ਗਿੱਪੀ ਇਕੱਠੇ ਚੰਗੇ ਲੱਗ ਰਹੇ ਹਾਂ ਅਤੇ ਦੋਵਾਂ ਨੂੰ ਇਸੇ ਤਰ੍ਹਾਂ ਹੀ ਰਹਿਣਾ ਚਾਹੀਦਾ ਹੈ। ਉਨ੍ਹਾਂ ਦੱਸਿਆ ਕਿ ਸ਼ਾਇਦ ਗੁਰਦਾਸ ਮਾਨ ਸਾਬ੍ਹ ਵੱਲ਼ੋਂ ਵੀ ਅਜਿਹੀ ਹੀ ਕੋਈ ਖਬਰ ਵੇਖੀ ਗਈ ਹੋਏਗੀ, ਹਾਲਾਂਕਿ ਬਾਅਦ ਵਿੱਚ ਦਿਲਜੀਤ ਨੇ ਸਟੇਜ ‘ਤੇ ਜਾ ਕੇ ਸਪੱਸ਼ਟ ਕੀਤਾ ਕਿ ਦੋਵਾਂ ਵਿਚਾਲੇ ਸਭ ਸਹੀ ਹੈ, ਅਜਿਹੀ ਕੋਈ ਗੱਲ ਨਹੀਂ ਹੈ।
ਜਾਣੋ ਕਿਉਂ ਨਹੀਂ ਕਰਦੇ ਇਕੱਠੇ ਫਿਲਮਾਂ...
ਇਸ ਦੌਰਾਨ ਜਦੋਂ ਗਿੱਪੀ ਗਰੇਵਾਲ ਤੋਂ ਪੁੱਛਿਆ ਗਿਆ ਕਿ ਉਹ ਇਕੱਠੇ ਕੰਮ ਕਿਉਂ ਨਹੀਂ ਕਰਦੇ, ਤਾਂ ਇਸਦਾ ਜਵਾਬ ਦਿੰਦੇ ਹੋਏ ਉਨ੍ਹਾਂ ਕਿਹਾ ਕਿ ਅਸੀਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਇਕੱਠੇ ਕੀਤੀ ਸੀ, ਤਾਂ ਅਸੀਂ ‘ਜਿਨ੍ਹੇ ਮੇਰਾ ਦਿਲ ਲੁਟਿਆ’ ਵਿੱਚ ਕੰਮ ਕੀਤਾ। ਉਹ ਫਿਲਮ ਹਿੱਟ ਸਾਬਿਤ ਹੋਈ। ਇਸੇ ਲਈ ਮੇਰੇ ਅਤੇ ਦਿਲਜੀਤ ਵੱਲੋਂ ਆਪਣੀ-ਆਪਣੀ ਫੀਸ ਤੈਅ ਕੀਤੀ ਸੀ। ਇਸ ਤੋਂ ਬਾਅਦ ਨਿਰਮਾਤਾਵਾਂ ਨੂੰ ਸਾਨੂੰ ਦੋਵਾਂ ਨੂੰ ਇੱਕੋ ਫ਼ਿਲਮ ਵਿੱਚ ਕਾਸਟ ਕਰਨਾ ਬਹੁਤ ਮਹਿੰਗਾ ਪਿਆ। ਇਸ ਕਾਰਨ ਸਾਨੂੰ ਕਦੇ ਇਕੱਠੇ ਕੰਮ ਕਰਨ ਦਾ ਮੌਕਾ ਨਹੀਂ ਮਿਲਿਆ। ਹਾਲਾਂਕਿ ਗਿੱਪੀ ਤਾਂ ਨਹੀਂ ਪਰ ਸ਼ਿੰਦਾ ਨੂੰ ਦਿਲਜੀਤ ਨਾਲ ਫਿਲਮ ਹੌਸਲਾਂ ਰੱਖ ਵਿੱਚ ਇਕੱਠੇ ਵੇਖੇ ਗਏ ਸੀ। ਇਸ ਫਿਲਮ ਵਿੱਚ ਸ਼ਹਿਨਾਜ਼ ਅਹਿਮ ਭੂਮਿਕਾ ਵਿੱਚ ਵਿਖਾਈ ਦਿੱਤੀ ਸੀ।