ਚੰਡੀਗੜ੍ਹ: ਪੰਜਾਬੀ ਚਾਰਟ ਬਸਟਰ ਗੀਤ ਤਿਤਲੀਆਂ, ਜਾਨੀ ਵੇ ਪਿੱਛੇ ਇੱਕ ਐਸੀ ਆਵਾਜ਼ ਰਹੀ ਜਿਸ ਨੇ ਪੂਰੀ ਇੰਡਸਟਰੀ ਵਿੱਚ ਜਾਦੂ ਬਿਖੇਰਿਆ ਹੋਇਆ ਹੈ। ਉਹ ਆਵਾਜ਼ ਅਫਸਾਨਾ ਖ਼ਾਨ ਦੀ ਹੈ। ਅਫਸਾਨਾ ਖਾਨ ਇੱਕ ਵਾਰ ਫਿਰ ਆਪਣੇ ਆਉਣ ਵਾਲੇ ਗਾਣੇ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
ਸਰਪ੍ਰਾਈਜ਼ ਇਹ ਹੈ ਕਿ ਇਸ ਵਾਰ ਅਫਸਾਨਾ ਦੀ ਆਵਾਜ਼ ਬੌਲੀਵੁੱਡ ਵਿੱਚ ਸੁਣਨ ਨੂੰ ਮਿਲੇਗੀ। ਜੀ ਹਾਂ ਮੈਡਮ ਨੇ ਬਾਲੀਵੁੱਡ ਗਾਣੇ ਦੀ ਤਿਆਰੀ ਕਰ ਲਈ ਹੈ। ਹਾਲ ਹੀ ਵਿੱਚ ਅਫਸਾਨਾ ਖ਼ਾਨ ਮੁੰਬਈ ਪਹੰਚੀ। ਉਹ ਬਲੁ ਪ੍ਰੋਡਕਸ਼ਨ ਹਾਊਸ ਪਹੁੰਚੀ ਜਿਸ ਨੂੰ ਬਾਲੀਵੁੱਡ ਦੇ ਦਿੱਗਜ਼ ਮਿਊਜ਼ਿਕ ਕੰਪੋਜ਼ਰ ਤੇ ਡਾਇਰੈਕਟਰ ਸਲੀਮ-ਸੁਲੇਮਾਨ ਚਲਾਉਂਦੇ ਹਨ।
ਸਲੀਮ ਮਰਚੈਂਟ ਤੇ ਸੁਲੇਮਾਨ ਮਰਚੈਂਟ ਦਾ ਮਿਊਜ਼ਿਕ ਸਟੂਡੀਓ ਮੁੰਬਈ ਵਿੱਚ ਹੈ ਜਿਨ੍ਹਾਂ ਨਾਲ ਮਿਲ ਅਫਸਾਨਾ ਖ਼ਾਨ ਆਪਣਾ ਬਾਲੀਵੁੱਡ ਦਾ ਗੀਤ ਤਿਆਰ ਕਰ ਰਹੀ ਹੈ। ਇਸ ਕੋਲੈਬੋਰੇਸ਼ਨ ਵਿੱਚ ਇੱਕ ਹੋਰ ਆਰਟਿਸਟ ਦਾ ਨਾਮ ਜੁੜਦਾ ਹੈ ਤੇ ਉਹ ਰੈਪਰ ਰਫ਼ਤਾਰ ਹੈ। ਰਫਤਾਰ ਤੇ ਅਫਸਾਨਾ ਖ਼ਾਨ ਦੀ ਆਵਾਜ਼ ਵਿੱਚ ਆਏਗਾ ਇਹ ਗੀਤ, ਬੱਸ ਇਸ ਗੀਤ ਦੀ ਆਫੀਸ਼ੀਅਲ ਅਨਾਊਸਮੈਂਟ ਹੋਣੀ ਬਾਕੀ ਹੈ ਜੋ ਫਿਲਹਾਲ ਨਹੀਂ ਕੀਤੀ ਗਈ।
ਭਾਵੇ ਇਨ੍ਹਾਂ ਸਭ ਕਲਾਕਾਰਾਂ ਵੱਲੋਂ ਫਿਲਹਾਲ ਅਨਾਊਸਮੈਂਟ ਨਹੀਂ ਸ਼ੇਅਰ ਕੀਤੀ ਗਈ ਪਰ ਇਨ੍ਹਾਂ ਸਭ ਨੇ ਕਮਾਲ ਦੇ ਤੇ ਮਜ਼ੇਦਾਰ ਪਲਾਂ ਨੂੰ ਸਾਂਝਾ ਕੀਤਾ ਹੈ ਜੋ ਫੈਨਜ਼ ਨੂੰ ਕਾਫੀ ਪਸੰਦ ਆ ਰਿਹਾ ਹੈ।
ਗਾਣੇ ਤੇ ਇਸ ਦੀ ਵੀਡੀਓ ਬਾਰੇ ਵਧੇਰੇ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਜੇਕਰ ਬਾਲੀਵੁੱਡ ਦੇ ਇਹ ਸਭ ਸਿਤਾਰੇ ਇਸ ਗੀਤ ਨੂੰ ਤਿਆਰ ਕਰ ਰਹੇ ਨੇ ਤਾਂ ਹੋ ਸਕਦਾ ਹੈ, ਇਹ ਗੀਤ ਕਿਸੇ ਮੂਵੀ ਦੇ ਲਈ ਹੋਵੇ। ਜੇਕਰ ਐਸਾ ਹੀ ਹੁੰਦਾ ਹੈ ਤਾਂ ਇਹ ਅਫਸਾਨਾ ਖ਼ਾਨ ਦਾ ਬਾਲੀਵੁੱਡ ਵਿੱਚ ਡੈਬਿਊ ਹੋਵੇਗਾ, ਜੋ ਅਫਸਾਨਾ ਦੇ ਫੈਨਜ਼ ਲਈ ਕਾਫੀ ਵੱਡੀ ਤੇ ਖੁਸ਼ੀ ਵਾਲੀ ਗੱਲ ਹੈ।
ਇਹ ਵੀ ਪੜ੍ਹੋ: Case on Salman Khan: ਸਲਮਾਨ ਖ਼ਾਨ ਤੇ ਉਸ ਦੀ ਭੈਣ ਖ਼ਿਲਾਫ ਚੰਡੀਗੜ੍ਹ 'ਚ ਕੇਸ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904